قصة بعنوان أحببت نجما لامعا ... الجزء السابع و الاخير

 

أنا عندي ميعاد هذا سر ماعرفو حد خايفة من الحساد اسمو مانقولو لحد ياسلا الغرام زوين عرفتو شنو هو ذاك الإحساس من الشخص اللي كتبغيه كيعرض عليك من سعادة مشيت لجردة ديال ليسطا باش نتسنى النجم ديالي يوصل هاذي هي كنشوف النجوم فالصباح حبيب الروح بقيت حالسة فواحد الكرسي كنشوف فالبرهوشات و محيحين أويلي واش غلطت ودخلت لبيت نعاس أش هاذ قلة الحياء ويلي باقا لاصقة فالأرض و كدير معاه لقطات للأزواج فقط زعمة غيتزوج بيها خلاها أحمد شوقي " شي علا شي يتفلا " باز على جرأة فيهوم تاصل بيا بدر قالي باش نخرج عندو بقيت كنسمع غواث البنات منين شافوه وهو ماخرج من السيارة وكنسمعهوم كيتغامزو عليه : ياختي شي راجل بحالو نقزات صاحبتها قالتليها أنا بغيتو هو نيت بغيت ليك ضربة سيرو فاش كنت قدكم باقا كنتفرج فسبيستون و كنغني جنريك الإنمي و دابا نيت عندي 25 عام و كنتفرج فطيور الجنة و كنغني مع جنى " ماما جابت بيبي بيبي حلو صغير يالله حبيبي شو حلو و معرفتش الكلمة الأخيرة " (تحية لكل واحد غناها باللحن ديالها عشاق طيور الجنة بانو ولكن عاذراكم راه كلنا كنتفرجو فيها رغما عنا ولكن تبلينا معاهم) ركبت فسيارة بدر ومشينا لواحد الكافي مابعيدش بزاف على ليسطا حسيت بيه متغير : بدر شي مشكل ـ لا غير شي ضغوطات فالخدمة ـ و نتا بعدا خدام أنا المديرة مزال كاعية عليا قالت ليا جيبي خبر حصري كيف موالفة ولا الباب الحباب بدر بقى غير ساكت ماموالفاش ليه حتى نيمار ماقالهاش : عرفتي صراحة أفلامك كلها كيعجبوني ـ شنو أكثر شخصية قدمتها عجباتك ـ ديال رضا ففيلم سندس و رضا كنتي واعر واخا كانت غتقتلك الكاتبة (سوري وجدان أنا ماقلت والو ميار اللي قالت ـ مزيان وجدان كتقراي واخا عليك ماكفاكش اللقطات اللي درتي بين راجلي و البطلة حرقتي ليا قلبي جرحتي لي سونتيمون ديالي كنت غتسفيها ليه ) ـ عندك الحق هذيك كانت من بين الأفلام اللي حققات نجاح كبير واخا الجمهور كان ساخط عليا فبعض المشاهد من الفيلم خصوصا البنات ـ ههه كانو كيعتاقدو باللي تخليتي عليها مي من بعد تصلح كلشي صراحة ياريت سينما ديالنا كانت ديما هاكا كتقدم الفرجة للمشاهد ماشي الفقسة أما خلاص السينما الحديثة كتقدم ليه غير قلة الحياء وضرب أخلاق المشاهد حسيت ببدر تغير وبقا ساهي : شي حاجة شاغلاك أنا متأكدة ماتخبيش عليا مالك لا واش غيوقع ليك بحال راهول ف Aashiqui عفاك ماتخلعنيش ـ ههه ياريت كون مت قبل مانوصل لهاذ النهار ياريت ـ الله ينجيك ماتقولش هاكا راه تمنى الموت من الكبائر ماتبقاش تعود تقولها قول أعوذ بالله من الشيطان الرجيم شنو وقع كاع ـ جاني دور ـ و من بعد ـ من بعد ؟ كون كان دور عادي غتلقايني مبرزط هاكا ـ بحلاش هاذ الدور ـ من ذوك الأدوار ـ فهمت وشنو درتي ـ ماعارف نوافق و ندوس على مبادئي و كيما كان الحال نقول باللي مجرد شخصية ولا نرفض و نضيع كلشي اللي سهرت و خدمت على ودو  رفض بكل بساطة حسن مادير شي حاجة تندم عليها حياتك كاملة ـ بكل بساطة إلى رفضت خاصني نخلص شرط جزائي قيمتو 400 مليون سنتيم عرفتي شحال ـ توافق ؟؟ ـ ماشي لخاطري حياتي ماساهلاش أنا اللي خدام على عائلة ماعنديش مستوى دراسي كبير خوتي مراض و محتاجين لميزانية كل شهر منين غنجيب ليهوم الفلوس و كيما كان الحال كيبقى هذا واقع و مجرد دور ـ وهاذ الفيلم موافقة الرقابة عليه ـ موافقة و مدعماه من الفوق هذا سر ـ كيفاش من فلوسنا كيصورو أفلام رديئة و بذيئة و كيضحكو علينا ـ هاذي هي السينما ـ هاذي جريمة مصيبة ـ وعمر السيد عطيني رأيك ـ هذا راه المسخ كنت كنعتاقد باللي نتا مختالف ساعة بحالك بحالهم ـ نساي عليا هاذ الموضوع و خليني نهضر معك فداكشي اللي جبتك على ودو ـ ماكيهمش شنو بغيتي مني أنا مابقيتش مزال بغيت نعرفك كنتي بالنسبة ليا الممثل و النجم الامع اللي كيبري و ساطع و ناجح و كلشي كيبغيه من هاذ اللحظة عتابر راسك خسرتي واحد الفانز ومزال بزاف جايين فالطريق و نضت و خليتو تبعني بقا شادني فيدي ومانعني نمشي مكرهتش نبقى معاه ولكن مانقدرش نتصورو موافق على دور بحال هذا ==> عندها الحق مور هاذ الدور غنخسر كثر ماغنربح و أهم حاجة غنخسرها راسي لي أني أكيد مغنكونش راضي على هاذ الأداء وفنفس الوقت عائلتي شنو غيكون المصير ديالها ياسيدي ياربي أش غندير مشيت للدار لقيت المنتج سيفط ليا السيناريو بديت كنقرا و كنتخيل راسي داير ذاك المشهد لا مستحيل نقدر نيمار عندها الصح هذا المسخ و قلة الحياء دخلات عندي الواليدة لقاتني شاد راسي : ولدي ياك لاباس قلبي عالمني باللي نتا مهموم ـ هم كبير ـ خوي ليا قلبك ـ جاني دور مامقتانعش بيه ولكن يانوافق يا نلقاو راسنا فالزنقة الواليدة فهمات نوع دور اللي تقدم ليا : سمع نفضل نموت بالجوع ولا نشوفك فلقطة ماشي حتى لهيه بدر نتا دخلتي لقلوب الناس بأدوارك و تمثيلك المحترم و كنتي مثال للنجم اللي قدم الاحترام للناس و من بعد سنين ديال التعب كلشي غيضيع غتريب كلشي أنا مغنوكنش راضية عليك إلا شفتك فشي لقطة راك عارفها كيدايرة بقيت فحيرة فقت فالصباح مشيت للوكالة دخلت عند المنتج : سلام وصلك السيناريو ـ فرحان بيه فنظرك هذاك سيناريو ـ ماشي شغلك شنو قررتي مديت ليه شي وراق : شنو هادشي : الملكية ديال الفيلا و السيارة و حسابي فالبنك كنظن باللي هادشي كيسوى 400 مليون ـ كتنساحب ـ تماما مانقدرش ندير هادشي ـ نتى من ساعتك ماعندك والو ـ ماشي نتا هو الرزاق واللي خلقني يرزقني نتا ماعندكش سوارت الرزق كيقول الله فالآية الكريمة { ومن يتق الله يجعل له مخرجا ويرزقه من حيث لا يحتسب ومن يتوكل على الله فهو حسبه إن الله بالغ أمره قد جعل الله لكل شيئ قدرا } (الطلاق 2-3) صدق الله العظيم ولكن نتا محال تعرف هادشي كل اللي كتعرفو و كيهمك هو هادشي اللي كتشوف قدامك بصحتك الفلوس الله يعونا و يعاونك ـ للأسف ضيعتي عليك فرصة العمر كانت شهرتك و شعبيتك و حتى تروثك غتزاد ـ الفلوس ماكيهموش و كيبقاو بلا قيمة إلى مكنتيش راضي على داكشي اللي كدير أما الشهرة و الشعبية فالمرحوم البسطاوي كان محترمنا و كيقدم لينا أفلام جميلة و كان هو الأكثر شعبيية وسط نجوم المغاربة كاملين و كلشي كان كيبغيه و دليل هو الموكب الجنائزي ديالو المغرب كامل حزن على فراقو   بدر يفكر بهاذ الطريقة مكنتش نتوقع هادشي كنت فدار رجاء هزيت تيليفوني اشتقت لهذه الأجواء ههه كتبت مقال " بدر في صدد الاستعداد لدور جديد مختلف تماما و جريء أيضا و الفيلم مستفيد من دعم من الوزارة " بقيت حايرة واش ننشر ولا لا درت بناقص علاش يابدر غتوافق رغم أنني كنت معصبة منو و كلشي تبدل من ناحيتو للأسف حبي من جيهتو ماتغيرش بالعكس غادي و كيتزاد بغيت نمسح الخبر سمعت غواث رجاء مشيت كنجري : رجاء مالكي ـ ضربني الضو ـ صافي جلسي بقيت معاها ثاني مرة نبات عندها فقت فالصباح هزيت تيليفوني نقرا الأخبار مايمكنش بدر دار هاكا " في خبر نزل كالصاعقة و مفاجئة من العيار الثقيل بدر يفسخ عقده مع الوكالة لأسباب مجهولة " بدر فسخ العقد ماوافقش على الدور كنت عارفاه ماغايديرهاش قلبي علمني فرحت ولكن فرحتي ماغدومش " أسباب مجهولة وراء فسخ عقد بدر لكن على حسب ماوردت ميار فالسبب كان دور جريء قدم لنجمنا " ميار كيفاش مشيت للموقع الرسمي للجريدة أنا امتى نشرت هادشي لا متأكدة مانشرتوش أويلي هو أمني على السر و أنا فضحتو أنا متأكدة باللي فعلا مامسحتش الخبر مي مانشرتوش أش وقع مشيت كنقلب عليه بان ليا خارج صاعر من الوكالة : بدر دار تلفت بقى كيشوف فيا شحال بغضب ناري قفرتها : أش كديري هنا أول مرة يغوث عليا خلعني ولكن خفت من اللي جاي كثر : ماقصدتش ـ كاينة شي صحفية أخرى بنفس الاسم ـ ماكنتش ناوية نشرو و الله ماعرفت شنو وقع ـ اللي وقع هو نتي كذبتي عليا مثلتي دور البريئة المستمعة النزيهة و نتي غرضك غير فخبر ترجعي بيه لخدمتك نتي كتهمك غير مصلحتك ـ لا ماتقولش هاكا نتا كتهمني كثر من أي حاجة فهاذ الدنيا تيق بيا عفاك ـ نتي كذابة وندمت على نهار اللي شفتك فيه و تعرفت عليك تخلطات ليا البكية مع الصدمة : نتا اللي عامي و اش هاذ المدة كاملة و مافهمتيش ماعمرك مالحظتي نظراتو و تصرفاتي أنا كنت و مزال و غنبقى ديما كنبغيك و نتا ولا مرة حسيتي بيا ديما كضحك عليا و ماخليتي باش جرحتيني داكشي كان كيجيك ضحك ولكن بقا فيا الحال ـ شنو زعمة حينت كنت كنقوليك نيمار نتي بالنسبة ليا مجرد شيء كنت كنضحك عليه رتاحيتي ولكن رغم هادشي ماعمري وصلت نلعب معك هاذ اللعب خدمتك فخطر تنوضي تشريها ليا يلاه خلصت 400 مليون غير باش نتخلص من هاد الشركة و هاذ العقد منين غنجيب 100 مليون دابا باش نخلص الغرامة منين ـ أشمن غرامة ـ واش كنلعبو هنا بسببك خرج سر من أسرار الوكالة و حينت أنا اللي عارفو خاصني نخلص و منين الله أعلم و دابا كتقولي كتبغيني كون كنتي زعمة مكتبغينيش علم الله أش كنتي غديري مكرهتش مانعاودش نشوفك زاد وخلاني فدموعي المديرة كتاصل أكيد عجبها الخبر اللي نشرت وكلت عليها الله هي و جريدتها كانو سباب هادشي غنمشي دابا نفضي معاها هاذ الحريرة ميار تبارك الله عليك وشفتي هانتي رجعتي للمعقول وللأخبار اللي كيعجبوني ـ عجبك الخبر ـ بزاف عاد تبارك الله عليك ـ هذا آخر مشاركة معاكم كنقدم استقالتي ـ علاش يا ميار ـ مابقيتش راضية على هاذ الإعلام ماشي هاذي هي الوظيفة اللي ديما كنحلم بيها ـ ماتزربيش و أنا غنزيدك فالراتب ديالك فكري مرة أخرى ـ بالعكس تعطلت فالتفكير و كان عليا ندير هاذ الخطوة من شحااال هاذي خرجت وودعت ذكرياتي فالمجلة رغم كلشي كانو أيام زوينة مشيت كنقلب من جديد على خدمة أما بدر فمعاودتش شفتو من ذاك نهار علم الله كيدايرة حالتو توحشتو بزاف كنفتاقد كلشي فاشك يعيرني بالصحفية الفاشلة فاشك يضحك و يسخر من شي موقف درتو التحدي اللي كان بيناتنا طوال المدة اللي كنا كنتلاقاو و أكثر حاجة فتاقدتها سميتي نيمار فقت اليوم فالصباح على رنة هاتفي قالو ليا باللي تقبلت فشي جريدة مشيت فرحانة : سلام الآنسة ميار ـ و عليكم السلام ـ عجباتني بزاف الخدمة ديالك فمجلة سكوب و مكرهتش تديري نفس الخدمة معانا بفف كنت كنتوقع شي حاجة مختلفة ساعة نفس الشيء صعيب تلقى إعلام كيهتم بالقضايا المهمة فالوطن العربي حينت إلا لقيتي ناس كتخشى العيب كثر من الحرام و كتحتارم الأصول قبل العقول و تقدس رجل الدين كثر من الدين نفسه و إعلامها فحد ذاته يساهم فتشويه صورتها فأهلا بك فالدول العربية تلفت لذيك المديرة : سمحيليا أنا خرجت من خدمتي لهاذ الأسباب مابغيتش إعلام بحال هذا مابغيتش نخدم هاذ الخدمة كنقلب على هدف و قضية ماشي نشر الأكاذيب و الإشاعات سمحيليا كنرفض خدمتك تميت خارجة كنتسنى المصعد : برافو درت كنلقاه بدر وايلي أش كيدير هنا بقيت ساكتة : عجباتني هضرتك ـ من امتى نتا هنا ـ منين دخلتي عندها ـ بدر سمحليا ـ بلا ماتقولي والو عرفت كلشي ـ أش عرفتي ـ رجاء منين سمعاتنا تخاصمنا جات و قالتليا باللي نتي درتي فيها خير و نشرت خبر بسميتها من قبل و منين شافتك نعستي نشرت الخبر باش ترجعي لخدمتك على بالها راه ردات ليك الجميل ـ الله يسمحليها باش ترد ليا الخير كانت غتخرج عليا ـ أنا اللي سمحيليا غوث عليك و قلت كلام قاسي ولكن والله ما من قلبي بالعكس قلت ضد داكشي اللي كنحس بيه نتي ماشي شخص كنضحك عليه نتي كثر نتي هي الإنسانة الوحيدة اللي كضحك ليا الدنيا معاها كنبغيك و منين مشيتي عرفت راسي كنبغيك كثر ماكنت نتصور بقيت حادرة راسي و ساكتة : عقلتي ذاك نهار سولتيني شروط فتاة الأحلام ـ عقلت ـ عقلتي على الشروط ـ وي عقلت ـ إيوا بلا مانعاود نبغيك طبقيهوم ـ حاضر أي شروط أخرى ـ لا يانيمار ـ أووف ثاني عمري سمعت مني سميتك ـ غتبقاي ديما نيمار فعينيا شكون قال غنبغي نيمار خلاها الجسمي " حبيبي برشلوني و يموت فبرشلونة و أنا مدريدي لكن بغير لعيوناه " ولكن إلا الريال مانبدلهاش ـ ههه اللي بغيتي ـ نيمار تقبلي تزوجي بيا واخا هاذ الساعة مافرصيدي والو ـ أنا باغاك نتا ـ بلاتي تيليفوني كيصوني خسر لينا اللحظة الرومانسية : وي ألو بصح بقى بدر ساكت و مصدوم خلعني : بدر مالك ؟ ـ كنت طرحت فكرة قصة كتبت فيه مشوار حياتي و تقبلات تكون فيلم و غنرجع نخدم ثاني ـ مبروك ـ بقات حاجة وحدة باقي مالقينا العنوان للفيلم ـ ذكرتيني فالفيلم ـ ضروري ـ أحببت نجما لامع عنوان مناسب ؟   وي مناسب و بزاف ضحكات ليا الدنيا ثاني و اللي تمنيتو تحقق والنجم اللي كنت كنشوفو بعيييد ولا قريب والفيلم اللي رفض بدر من أجل جرأة الموضوع جاه عرض ماحسن منين كنرفضو شي حاجة من أجل رضاء الله أولا و من أجل تربيتنا و أخلاقنا الله كيعوض علينا بماحسن أما بخصوص ذاك الفيلم فأيمن قبل الدور اللي بسببو فسخ بدر عقدو مع الوكالة أما إخلاص فكتبت رضها فتويتر " أنا ماشي بنت الزنقة " فإشارة ليها برفضها لذاك الدور و حتى هي خرجات من الوكالة و عرض عليها بدر دور نيمار ففيلمو الجديد دابا إخلاص هي اللي غتمثل شخصيتي ولكن ممثلة واعرة فين ذيك العياقة مثلات بنت الشعب بطريقة احترافية وحتى الناس وقفو معاهوم وشجعوهم على القرار اللي دارو و صديقتي الوفية الغزالة رجاء فسعيد جاه عرض العمل فالخليج و خاصو يبقى عام عاد باش يقدر يرجع باش يتزوج بيها خلاتو يسافر غير بزز : ميار ـ قطعتي ليا قلبي صافي دابا يرجع ـ علاش بدر مامنعوش ؟ ـ بدر راه سعيد صاحبو و باغي ليه الخير و كون ماشافش باللي هاذ الفرصة حسن ليه مكنش يخليه يمشي فكرتيني نهار الخميس غنديرو العقد غنسني ناري فيا الخلعة راه حياتي غنسني عليها ولكن مطمأنة ـ ياك فين وعدك ليا قلت ديما غنتزوجو فدقة ـ وبااز شكون سبق بإخلال اتفاقنا تعقلي ي ذاك النهار أش قلتي ليا " نتي راك زنزان شوية راك بنتي ليا مزال مطولة أنا راه قريبة نوصل لسن اليأس و ماكاين والو " ـ ناري باقا عاقلة عليها بالحرف ـ علاش ياختي نسى نسى قسوحيتك و دابا جلسي تسناي راجلك حتى يجي بقات رجاء كتشوف فيا قلبي شحال هشيش بقات فيا ولكن العقد نهار الخميس هي الخميس بدر قدر يوصل لسينما اللي بغى و أنا في انتظار وظيفة اللي كنتمنى و صحافة نزيهة دابا حنا شادين الطريق للسينما من أجل العرض الأول لفيلم " أحببت نجما لامع " : نيمار ياربي يعجب الفيلم الناس ـ ماغنتسناوش نشوفو الآراء غنكونو ذيك الساعة شدينا الطريق لإسبانيا من أجل شهر العسل ـ إيوا و باش غنعرفو الآراء ـ كاين اللي يتكلف ( ليلى ـ تفكرتيني ـ وي سمعي أنا و بدر غنمشيو لإسبانيا شوفي رأي ناس فالفيلم ـ واااو إسبانيا ديوني معاكم عفاك ـ شنو هو سيري يابنتي الله يبعد بلايا على بلاك ـ ياك قلبتو وجهكم كنت حاضرة معاكم أحداث القصة كاملة دابا درتو ليا صابونة ـ وليني مصيبة هاذي لحد هنا و بس صافي ماعندك ماديري بالأحداث اللي جايا حيد عليك هاذ البلية تبعي حياة الناس و شوفي ليك شي ولد الناس اللي يهنينا منك بقا بدر كيضحك : هههه ليلى زوجات بنات قصصها كاملين و خلات راسها بلاش ـ كضحك ـ بغيتي تمشي لإسبانيا ؟ ـ مكرهتش ـ كتبي النهاية عفاك راه طلعات ليا نيمار فراسي ميار كعات : إلا هاذي واش بطلاتك كاملين ماكتبتيهاش ليهوم جيتي حتى ليا ونتي تغيري رأيك باغا تفايلي عليا حشومة عليك ـ كوني هانية بدر غير كيضحك معك و مزال ماسخا بيك وهاذي بداية قصتكم ماشي النهاية ـ أجي بعدا نتي منين جاتك مذكراتنا ؟؟ ـ خدمتي هاذي ) مكرهتش تكون عندنا أفلام تصلاح تفرج فيها بعدا عاد ندوزو نشوفو القصة واش متكاملة لا أو لا مكنهضرش على هاذ القصة مهم قصة تكون زوينة و عندها هدف زوين يهضرو على أي موضوع ولكن فإطار الخطوط الحمراء وقضية أخرى شاغلاني و مكنفهماش علاش تخسار الهضرة فسينما كوجهة نظر و كنحتارم الآراء المختلفة السينما بالنسبة ليا خاص يكون عندها هدف تربوي بالدرجة الأولى ماشي بعض المرات كتعلم شي كلمات ومصطلحات من السينما و يكونو المثثلين عندهم غيرة على الفن و يقولو لا لشي دور خايب منين يتعرض عليهوم ولكن للأسف واحد كيقول لا و ألف واحد مستعد يمثل بحال ذوك الأدوار نرجعو للقصة قالوا ليكم كيفاش جاكم فيلم أحببت نجما لامع ؟؟

قصة بعنوان أحببت نجماً لامعاً ..الجزء السادس

 

الواليدة ـ هاذي هي ربع ساعة ـ غير سمحيليا و صافي ـ وصلتي صاحبك ـ وصلتو ـ الله يرضي عليك ياوليدي كنت تاصلت بيك فالشركة على ود بغيتك تسول فالموعد ديال خوك قالوليا ماكينش ـ داكشي فاش بغيت نهضر معك ـ الله يسمعنا خبار الخير ـ عرفتي معامن تلاقيت البارح ـ معامن ـ با شفت الواليدة تغيرو فيها اللوان و بدات كتخاصم : شنو؟ ـ كيف سمعتي ـ و كيفاش حتى تلاقيتي بيه ـ عرفت يذوك الفيديوات اللي كيتنشرو جاني الخبار شكون كينشرهم و مشيت واجهتهم ـ باقي هو هو ماكفاهش أش دوز علينا دابا كينشر و كيتشهرعلى ظهرك ـ بغيت نتشاور معك ـ فاش ـ شفتو حالتو ماكتفرحش و عاد زيد عليه هذاك اللي كان خدام معاه أكيد غيكون تخلى عليه حينت مابقا عندو حتى شي فائدة ـ وحنا مالنا الجايحة ضربو هو اللي بغا ـ الواليدة راه كيبقى الأب ديالي و سيدي ربي وصانا على الواليدين ـ هذاك أب هذاك فين كان فاش خلاني بجوج دراري معاقين و تربية جايا فالطريق فين كان فاش ولدتك ومقدراش نجيب ليكوم ماتاكلو و غير المحسنين الله يجازيهوم بخير هوما اللي كيعطيوني فين كان منين كنتي كتسرق و كنتي غضيع كون ماسيفطش ليك الله اللي ينقذك فالوقت المناسب دابا عاد ولا أب حتى وليتي راجل وهاز راسك وهازنا معك بقيت حاضر راسي و ساكت كلامها معقول ولكن راه كبر و خانتو الصحة الشراب هلكو وماخلا فيه عظم واحد صحيح بقيت حاير وماعارف ماندير كيف ماكان الحال أنا ولدوما عندي منين نهرب من هاذ الحقيقة هو راه الأب ديالي بغيت و لا كرهت هزيت سيارتي و مشيت لأكدال بقيت متردد قبل مانطلع شحال و أنا كنخمم بان ليا أيمن جا جمع ليه حوايجو و رماه للزنقة صافي يا با العربي سالات مهمتك و أيمن جرا عليك شفتو كيشوف فالشانطة و ماعارف مايدير هبطت من السيارة هزيت الشانطة دار وشافني بقا مصدوم مهضرتش معاه دخلت الشنطة فالكوفر زعمة تبعني ركب السيارة وهو بقا ساكت اللي شافو يقول مسكين وصلت لواحد الشقة فكازا كنسكن فيها منين كتكون عندي شي خدمة فالأستوديو هو تابعني وساكت حطيت الشنطة فالبيت لقيتو كيتسناني فالصالة بقينا غير ساكتين مدة قطعت هاذ السكات : غتبقى ساكن هنا أنا غنشوف شي واحد يقابلك كل شهر غنخلي ليك شي بركة ديال الفلوس باش تعيش هادشي اللي كتسالني أما أنت مابغيت لا نعرفك و لا نشوفك بقى ساكت و لأول مرة نسمع صوتو : لا ولدي نتا ماكتسالي والو مادرتش فيك شي دين باش تردو ليا هادشي غير بوفوار منك أما أنا مانستاهلش ـ كون غير جيتي عندي بلا ماتبيعني للشمايت هاهو لاحك عقل عليك بقيت كنشوف فيه حاضر راسو و كيبكي : بلا دموع ماعندهم باش ينفعوك دابا اللي طرا طرا و البكا مور الميت خسارة فالأول بعتيني للدنيا خليتيني كنتلاوح فالزمان عرفتي كيفاش عشنا تحت الصباط اللي جا يمرمدنا أم و 3 أطفال 2 منهم معاقين و السليم كابر مشروع مجرم من الصغر و منين كبرت بعتيني لهضرة الناس الله يسمحليك هذا مانقوليك بقا غير ساكت و كيبكي نضت مشيت للباب حتى كيوقفني صوتو : طلعتي حسن مني و عاقل عليا أنا تخليت عليك ونتى وقفتي و فجنبي و ماخليتي حد يتشفا فيا أنا فرحان حينت ولدتك والد راجل سعدات الواليدة ديالك عرفات أش ربات بلا مانتردد مشيت نيشان لقبر معلمي و أبي الروحي الراجل اللي نقذني من الضياع الشخص اللي حماني و عاوني حتى وقفت على رجلي ماولدنيش بصح ولكن دار معايا اللي يدير الأب على قبل ولدو و كثر من بعد ماقرا عليه الفقيه سورة يس مديت ليه شي بركة وبقيت كنهضر معاه : اليوم تلاقيت وهضرت مع الأب ديالي الحقيقي الفرق بيناتكم كبيييير سبحان الله نتا ماولدتينيش ولكن درتي على قبلي اللي مايدار شكرا بزاف واخا مكونتش معك فأيامك الأخيرة سمحليا بزاف نادم ثيق بيا ماعمرني نسامح راسي يا أغلى و أروع شخص قابلتو فحياتي ركبت سيارتي ورجعت للدار كان يوم صعيييييب بزاف على نفسيتي والصدمات كتجي فدقة وحدة لقيت سعيد فرحان وناشط : بدر جابك الله ـ أش هاذ الأناقة ـ بارك ليا ـ علاياش ـ غنخطب إن شاء الله سعيد غيخطب حتى نيمار مشات درت ضحكة صفرا و درت راسي فرحان واخا أنا ربي اللي عالم بيا : الله يكمل كلشي بخير ـ أمين مشيت نتكى و كنتفكر أحداث هاذ اليوم فقت فالصياح ماعندي كانة ماعندي خاطر مشيت للتصوير أووف واش تقاداو الممثلات من الدنيا كاينة غير هاذ إخلاص بدينا كنصورو المشهد أول مرة يهرب ليا الإحساس ماحسيتش باللقطة بدات كتعاود وتعاود والو هرب ليا المشهد اعتاذرت من الجميع ماقدرتش نمثل المخرج تفهم الأمر بدا كيصور مشاهد أخرى و أنا خذيت اليوم عطلة مشيت Back Stage باش نبدل و نمشي بحالي حتى كتبعني إخلاص : بدر مالك ؟ ـ إخلاص ماقادرش نركز ـ شي مشكل نعاونك حسيت بيها صادقة أول مرة متصنعش ولكن ماحسيتش بذيك الرغبة أنني نشكي عليها همي و نعاود ليها بحال نيمار : لا بلا مانشغلش مشاكل عادية شدات ليا يدي : إلى حتاجيتي أي حاجة ماترددش طلب مني نعاونك غنكون فرحانة بزاف ـ الله يجازيك بخير عارفك نعمة الصديقة و الأخت و نعول عليك حسيت بيها بحال إلى تقلقات البنات مكتعجبهومش كلمة ختي أكيد دابا كتقول مع راسها الله يخوي ليك الجناب عارف ولكن قاسح حسن من كذاب ماكنحس من جيهتها بحتى حاجة بلا مانعطيها آمال على الخاوي مشات مقلقة و حسيت بيها بقا فيها الحال هاكا حسن مشيت نخرج بان ليا سعيد كيقلب عليا مكرهتوش يقلب عليا مشيت لسيارتي بغيت غير نعرف علاش أنا مفقوس اللي بغا يتزوج يتزوج أنا مالي ركبت الأوطو وتبعني : بغيت غير نعرف أش درت ليك واش مقصر فشي حاجة ـ مادرتي ليا والو ياسعيد ـ وعلاش ماحملش تشوفني ـ راسي ماحاملش نشوفو طالعة ليا القردة و غير قلب عليا الله يرحم باك ـ حشومة عليك حتى حتاجيتك و نتى تخوي بيا دابا شكون غيخطب معايا ـ واليديك مالي ولدتك ونسيتك زوينة هاذي ـ حشومة عليك ديما كتقوليا باللي منين نخطب تمشي معايا بقيت ساكت عندو الحق سعيد صاحبي و نيمار حتى هو صاحبي هههه لا نيمار عزيزة عليا الله يكمل عليهوم بخير : صافي درتي ليا محاضرة راه غنمشي معك غير ضحكنا ندمتينا شوية ماتبكي ـ ناري درتيها بيا والله حتى صحابلي بصح وراك ممثل نمبر وان بلاتي لاموغ كيتاصل : ألو رجاء وي شيغي غدا إن شاء الله هاحنا عندكم لا غنخطب بنت الجيران معلوم غنخطبك نتي ولكن بشرط قولي ديما وداد و لا ماجايش ألو رجاء ألو ههه الخط تقطع ـ الخط تقطع وقول وكان قطعات عليك خطيبتك سميتها رجاء ـ وي ياك قلتي عرفتيها ـ وي عرفتها من الأول ههههه الله لايوريك ياوليدي ياسعيد فين مشى عقلي شوية مانقتلك مي الحمد لله سعيد كيبغي رجاء وهو ودادي ناري باه يحيدو من الحالة المدنية ههه خاصو يعيط عليها غير بكنيتها ولا يبدل ليها سمية يسميها وجدان مثلا أوووف شحال فيها ـ وصافي يا ميار تكلمي للمديرة ـ أوك رجاء دعي معايا دخلت وخاطري مقبوضة لقيت المديرة مطلعة كرونها و كتسناني و مخرجة عينيها : سلام يا مدام ـ أش هادشي كاتبة ـ مقال ـ كشف الستار فيلم شركة سينما يتلقى دعم من الدولة و حنا مالنا ـ كيفاش مالنا راه فلوسنا هاذو خداو الملايير باش يصورو لينا الحموضة طلعو الفيلم بجوج ريالات و الباقي مشا لكروشهم ـ من إمتى و نتي مهتمة بهاذ الأخبار مالك وليتي هاكا سيري وعتابري راسك فعطلة مفتوحة بلا خلاص حتى ترجعي ميار القناصة اللي كتسيد الأخبار كيف كنعرفك خرجت من المكتب وخليتها مفقوسة ولكن لأول مرة نكون راضية على راسي وعارفة باللي هاذا هو الرأي الصحيح مشيت للدار رغم أنني حاسة بحال إلا فقدت عملي ماهتميتش عارفة باللي الرأي اللي درت 100% على صواب : ميار ـ نعم ياماما ـ نتي هنا ماخداماش اليوم ـ خذيت كونجي ـ علاش ؟؟ ـ بغيت نرتاح شوية ـ صافي مدام نتي غير فالدار خرجي تسخري ليا ـ مافيا اللي يخرج ـ ميار غتبقاي تيتي نيني هنايا خرجي تسخري لبست جلابتي وهابطة كنجر رجليا غادا فالشارع و كاعية و أنا متحلفة على كلشي : سمحيليا الأخت واحد الدقيقة ـ وناري مكتخليو حد فالتيقار ماتعرفو البنت من المزوجة واش معندكموش خواتات درت لقيتو بدر بقا كيضحك و أنا مصدومة : بدر ـ هههههه مالنا على هاذ الصداع وجه تحرش دخلت عليك بالله شكون غيتبسل عليك بقيت كنشوف فيه كان لابس بدلة رسمية و أنيق جا بوكوص كيف ديما : شفتك أنيق اليوم ـ و دابا شكون كيتحرش بالآخر يالمفرعنة بقيت كنخنزر فيه ضحك و كمل هضرتو : أنا ديما أنيق ـ لا اليوم مختالف ـ اليوم غنخطب إن شاء الله حسيت بحال إلا تخوا عليا سطل ديال الما بارد ضرباتني اللقوة و الساكتة و المسكوتة : ميار ـ الله يجعل كلشي مبارك و مسعود و هربت دغيا من ساحة المواجهة حينت كون زدت جزء من المئة كان غيشوف شلال الدموع اللي على وجهي بقيت غادا و كنتعكل بدر مادار حتى ردة فعل حدو بقا واقف دخلت للدار مشيت للبيت بكيت اللي ماعمري بكيت فحياتي ماما مسكينة تخلعات جات كتجري : ميار مالكي ـ لاوالو خلعني واحد الحمق فالزنقة ـ الخوافة بقا كتخافي مشات جابت ليا الما شربت و بقيت متكية و صورة ديال بدر بين عيني هبالو ضحكاتو نظراتو وقفتو كلشي فيه زوين رغم أننا قل من شهر باش تلاقينا قدر يغير حياتي ولكن للأسوء نعست بالبكا وفقت بالبكا فقت على صوت الزغاريت أش واقع شفت راسي فالمرايا ويلي على شوهة أش هاذ العينين كلهم منفوخين دخلات عندي رجاء كتوريني الخاتم من الباب : شوفي ـ شنو هادشي يارجاء ـ خاتم أنا تخطبت رجاء تزوجات ماقالتها ليا الغدارة و مع بدر ماشي حشومة عليها بقيت كنشوف فيها وهي غير كتشوف فخاتمها : معامن ـ ويلي ياميار حسستيني بحال إلى جيت حاملة و كتسولي على باه هه ناس كيقولو شكون هاذ سعيد الحظ وهو فعلا سعيد وهنا بديت كنقز بحال القردة : رجاء حلفي ربي ربي سعيد ـ ويلي حي ميار خرج ليك العقل شفتك فرحتي كثر مني ـ سعيد اللي خطبك ياك و بدر ـ بدر جا معاه راه صاحبو  الله على راحة بدر مشا غير يخطب مع سعيد و أنا فين مشى عقلي بديتك نوجد مع رجاء الخطوبة الرسمية فرحانة كثر منها هي ضمنات با سعيد أنا خاصني نطيح بدر فالشبكة وصل نهار الخطوبة مشيت مع رجاء للكوافورة هي دخلات تصاوب و أنا فرعت للكوافورة راسها : ختي أنا ديري فيا اللي بغيتي بلا ماتسوليني أشمن مكياج بغيت ولا أشمن نوع مكنفهمش فهادشي مهم نشوف راسي فالمرايا مانشوفش هاذ الفيكورة نشوف نانسي عجرم صافي شي بنت آية فالجمال بقات الكوافورة كتصاوب ليا وااو رجاء كيطلعات ماشاء الله كتحمق لا شي حاجة كثر من كتحمق : واو ماشاء الله تبارك الله كيطلعتي اليوم سعيد نغنيو عليه مشيتي فيها ـ ربي يخليك ياأروع صديقة فالوجود حتى نتي جيتي فنيونة فين مخبية هادشي يالعفريتة ـ مخبياه لوقتي ـ ناس ديال دواير الزمان بقينا كنضحكو وصلنا للدار دخلات رجاء للبيت وبقيت مع ماماها كنستقبلو الضياف لا أنا و لارجاء عندنا الخواتات داكشي علاش كنا كثر من الخواتات وصلو حباب العريس أنا عيني غير فمولاي السلطان ديالي دخل سلم عليا على زهر ماكاين لا انبهار لا والو بحال الأفلام فاش البطل كيشوف البطلة اللي ديما مكشترة و كيبقا حال فيها فمو داخل بلا كلمة بلا جوج وهاذ إخلاص مامحلها من الإعراب علاش جايبينها دخلات لالة العروسة رجاء دخلات شحال كوبل زوين هي وسعيد عيني غير على بدر إخلاص عاقت بيا ومشات حداه كتهضر معاه و ضحك وهو كيجاوبها و منساجمين و صافي بلا ماتفقسيني عرفتو ديالك صافي دازت الخطوبة زوينة أقل حاجة بعدا دازت زوينة للعرسان و الكوبلات بدر و إخلاص و رجاء سعيد أما البايرات بحالي فعطيهوم غير الشقا و تمارا بدات الخطوبة كتسالي وبقاو غير المقربين إخلاص حتى هي مشات بقيت فالكوزينة كنعونهم فالماعن حتى قالتليا خالتي نمشي نجلس مع الناس لقيت رجاء و سعيد جالسين كيهضرو مابغيتش ندير ليهوم الإزعاج طلعت للسطح بغيت نجيب مابقيتش عاقلة مع شفت بدر حتى هو جالس تما كلشي زوي فهاذ السيد إلا بلية الكارو : الله يعفو طفا الكارو وبقا كيضحك : بقات فيا هاذ البلية من واحد الفيلم سافا ـ الحمد لله ـ كيبقيتي آخر مرة شفتك ماعجباتنيش حالتك مابغيتوش يعيق بيا تصرفت بالزربة : ذاك النهار خاصمات عليا المديرة و خايفة نفقد عملي ـ يكون خير إلى فقدتي عملك أجي خدمي معانا فالسينما نتعاون معاك ـ نصلاح ـ بالتدريب و العمل تولي مزيان وإلى كانت عندك الموهبة تسهال القضية ـ أنا مافهمتش كيفاش كتصورو ذوك المشاهد الرومانسية وسط عباد الله ـ الاحتراف ـ كتجيني القضية صعييييييييييبة ـ هانتي أجي نديرو تجربة دابا أنا غنكون زميلك فالعمل و نتي معجبة بيا و سمعتيني خطبت فلحظة ضعف غتعتارفي بمشاعرك ـ اييه و علاش متكون شنتا اللي تعتارف ليا ـ أنا أصلا ممثل نتي اللي غنشوف واش عندك الموهبة بحال كاستينغ ـ صافي مشات أكشن ـ نيمار حنا أصدقاء و أنا مكنخبي عليك والو أنا خطبت قولي ليا مبروك وهنا تفكرت فاش قاليا غنخطب بقيت ساكتة وشوية جاتني حالة اكتئاب ذاك نهار : خطبتي بهاذ السهولة كتجي و كتقوليا خطبتي واش نتا عامي مكتشوفش ماعمرك حسيتي كلشي باين وواضح لو كنت كنبغي حجرة كون حسات بيا ماعمرك شفتي نظراتي ليك و شحال كنكون طايرة منين كنكون معك واش خاصني حتى نقولها ليك حتى نقوليك كنبغيك عاد تعيق خطبتي مبروك الله يكمل كلشي بخير ونتمنى ليك السعادة ماحسيتش براسي حتى دموعي بداو كينزلو أووف شحال دموعي ولاو ساهلين واو نيمار والله حتى راك واعرة تمثيلك صادق فواحد اللحظة صحابلي بصح جمعت البكية و جمعت راسي و ضحكت باركة من la chouihe : شفتي راني واعرة خاصك تخاف على بلاصتك ـ وبزاف هاد مشهد كان رائع ـ ديرني بطلة فيلمك الجاي ـ مالي حمق بغيتي ناس يديرو عزوف و صيام على السينما كثر من هاذ الصيام ـ ياك عجبك تمثيلي ـ الأمور كتختالف قدام الكاميرا ومشهد صغير بحال هذا مكيحكمش عليك واش تصلاحي تكوني ممثلة أو لا مشهد من الصباح و أنا نعبر و نخرج الكلمات من أعماق أعماقي و فالأخير مشهد واش هاذا كيديرها بلعاني ولا ساحرين ليه و لا مضبعينو هاذ إخلاص فقيهها من أي قنت و السيد عمى ويلي خاصني غندير بوق و نبرح و كنبغيه ا عباد الله ==> نيمار الرائعة ممثلة محترفة ياسلام فواحد اللحظة حسيت بهادشي حقيقي تأثرت سالات الخطوبة العقبة ليا بشي بنت الناس : ولدي بغيت نسولك ـ نعم يالواليدة ـ هذيك البنت اللي كانت لابسة قفطان فالباج شكون ؟ ـ صاحبتها سميتها ميار ههه أول مرة ننطق سميتها صحيحة وشنو نقول لواليدة نيمار ماجاتش : زوينة و ثقيلة ـ شفتك كتشكريها ـ عجباتني صراحة و نتا تبارك الله قريب توصل ل 30 عام و باقي ديال راسك ـ بغيتي تهربي ليا المعجبات ـ تبارك الله على الولد ـ غير كنضحك معك ـ ولدي فكر فهاذ الموضوع وفهاذ بنت الناس ـ كوني هانية ــ الهنى هو إلى فرحتيني وجمعت راسك ودرتي دارك ـ مالي دابا كنبان ليط دايع ـ لا تبارك الله والدة راجل ونصف كتشوف باك ـ لا كنسيفط ليه مصروفو وصافي ماقادرش نشوف فوجهو مشيت نعس و بقيت كنفكر فكلام الواليدة الحمد لله قادر نفتح دار و نستاقر نيمار كنرتاح ليها و حتى هي باينة كترتاح ليا وماشفت و ماسمعت عليها غير كل خير ولكن سميتها نيمار و حبي للريال فوق كل حب فالوجود دازت سيمانة عادي لا جديد و لا شي حاجة مهمة اللي نعاودو عليها تاصل بيا سعيد بغاني فشي حاجة طارئة مشيت : عيد ميلاد رجاء اليوم ـ لا سعيد لا إلا اليوم ـ هادشي اللي عطا الله وراه عرضات عليا أنا و نتا و صاحبتها عفاك يا بدر لا ماضحي معايا حتى أنا مفقوس بحالك ولكن القلب ـ نتا وقلبك و أنا مالي ـ بدر عفاك نفرحوها ـ موافق بشرط ـ آمر ==> سنة حلوة ياجميل أسكاس امباركي ـ الله يحفظك ياهاذ الشليحة راك معروضة لعشية غادي يجي سعيد وبدر ـ بصح اييه نجي علاش شحال عندي من رجاء مشيت لدار كنقلب على مانلبس واخا عارفة راسي واخا ماعرفت ماندير فحالتي بدر عمرو يديها فيا داكشي علاش ذوك الفلوس باش غنقاد ونصاوب الحالة دايزين فيا مشيت لواحد الصناك عركتها مزيان حتى عرفت أش درت ختكم كتفليبا على ماكلة ديال الزنقة وواخا كنصاوب سندويتشات فالدار ماشي بحال اللي كنشري العفن بنين رجعت للدار لقيت ماما كتبكي خلعاتني : ماما مالكي ـ إخلاص ياربي تكون ماتت و نتهنى منها ياسيدي ربي مرضاني فصحتها : مالها ـ مات اليطل وولات أرملة ـ هذاك فيلمها الحامض صافي 32568520 حلقة و فالأخر مات البطل الفيلم سميتو عاشقة محترفة كون جات عليا كون سماوه قاتلة محترفة طيحات 3 سيفطاتهوم كاملين للقبر خليونا من إخلاص ناري كنت غنتعطل على العيد ميلاد   رجاء ـ نعم ـ هذا هو العيد ميلاد ـ ماتفكرينيش راني مفقوسة أنا و رجاء جالسين ورجالة كيتفرجو فالكورة هذا هو العيد ميلاد الحمد لله باللي رزقي خسرتو على كرشي ماشي على كمارتي رجاء طلع ليها الطونسيون ل 20 تلفتات لسعيد اللي هو وبدر كانو كونسونطري فالكورة و حنا غير زايدين : سعيد ـ وي حبيبة ـ أش هاذ العيد ميلاد ـ الزين ديالي شنو ذنبي أنا إلى عيد ميلادك تلاقى مع الكلاسيكو مابغيت نضحي لا بعيد ميلادك ولا بحبيبتي البارصا ـ دابا البارصا هي شريكتي فيك ـ من بعد و نتناكرو دابا راني ناشط ياقدم الربح البارصا محيحة بدر جالس وطالع ليه الدم وخاصو غير معمان والله حتى مزيانة ليه غير أنا اللي نتفقس ماعنديش مع البارصا ماعنديش مع الكرة بصفة عامة ولكن عندي مع العكس كيعجبني : عندك الحق ياخويا سعيد البارصا طوب و كتلعب مزيان قولي شنو لابسين تلفتو كاملين كيشوفو فيا جاوبني سعيد : التوني المخطط بالحمر و الأزرق ـ مزيانين تبارك الله حيحو هذا هو اللعب وريالين شنو لابسين بدر طلع ليه الزعف و صافي كنحس بيه باغي ينتاحر والله هاذ البارصا دارت فيه اللي مقدرت نديرو : لابسين الغوز لابسين الموف فناظرك شغادي يكونو لابسين واش مكتفهميش الحاجة سكتينا و أجي نتا يا سي سعيد البارصا محيحة منين غير الحكم جا من جيهتهم وصافي باين الماتش مبيوع سعيد مبرد و بدر غير كيحنقز : نتوما غير تشوفو القضية حامضة قولي الحكام الماتش مبيوع و اللي عندو عندو بقيت أنا وسعيد كنشجعو البارصا و بدر و رجاء كيشجعو الريال صراحة عجبني الماتش لاالصراحة عجبني واحد الاعب فالريال ولكن مع ريالي مابينتش : وااو ماتش واعر كلشي كيلعب مزيان غير هاذ الاعب ماحملتوش مابغاش يتسرط ليا شوف كيداير شكون هذا بقاو حابسين الضحكة وواحد كيشوف فالآخر بدر واخا ريال خاسرة ضحك ويلي هاذو مالهوم : مالكم كضحكو تلفت ليا بدر : نيمار ـ نعم شنو بغيتي ـ ماشي نتي الاعب اللي ماحملتيش هو نيمار طلع ليا الضغط والسكر و جميع الأمراض نفسية : ويلي هذا هو نيمار بزاف عليك كتشبهني بيه أنا دايرة بحال هاكا ـ لا صراحة هو بوكوص عليك طلع ليا الدم و خرجت تبعاتني رجاء : الله يرحم ليك الواليدين عيد ميلادي هذا أنا مزاوكة بلا صداع ـ ماشفتيهش اصاحبتي شبهني بهاذاك ـ شكون بحالك راه غير سعيد جالس أما و الله حتى نيمار واعر ـ منين جاه كون غير شبهني بهذاك اللي لابس الأبيض و ناري شحال غزال ـ شكون كريستيانو ـ مكنعرفش السميات شحال رقم ديالو ـ 7 يا ميور 7 وداير حالة فالدريات كلشي يغوث يالغزال ـ لا هذاك جاتني فيه العياقة واخا صراحة بوكوص العفريت هذا اللي حمقني لابس 3 ـ أويلي واش بعقلك عجبك هذاك لا زين لاسمية ـ ولكن رجولة عرفتي أش كيدير للعصا ـ وجه العصا وجه تمارة أويلي على حمقة عجبك هذاك والله ماعندك الذوق ـ غير سي بدر اللي عندو الذوق دابا دخلت عليك بالله هاذ التبوكيصة كاملة تبارك الله ووليت نيمار ـ شفتي ديري الطانكة مايبقاوش يميزو بيناتكم ـ وزيدها بالطانكة الله يستر لعنة شيطان ودخلت غير على وجه صاحبتي وصافي كمل الماتش جبد سعيد واحد السنسلة و علقها فعنق رجاء و أنا بقيت كنشوف وحابسة البكية سعداتها أنا هاذ الحجرة كيعطيني الفقسة الدرك ماشي الكادوات برع غير ذيك باربي خلاتها رجاء مشاو بحالهوم وبقات رجاء كتحنقز : وااو شحال رومانسي ـ واييه و ذوق عندو ـ معلوم باقي الحال باتي معايا بلييز العجب أول مرة رجاء تعرض عليا مشينا لبيتها صاوبنا الفشار وبقينا مقسرين على Aashiqui بكثرة مارجاء تفرجات فالفيلم حفظاتو و حفظات أغانيه وبقات كتغني معاهم (جاينجي تو خو تجس هيهو جاينجي جيودا كيوتكي تم هيهو اب تم هيهو زندكي اب تم هيهو ـ حتى نتي حافظة ياليلى و كلشي حافظ ـ معلوم Aashiqui هذا رغم أن نهاية كانت حزينة ) بقات رجاء كتبكي : مال الزين ـ قصة زوينة بزاف ـ وعلاش كتبكي ـ كنتأثر النهاية مؤلمة دابا البطلة كانت كتبغي مغني وهو مدمن على الشراب وفالآخر مات قصة زوينة قتلو فيها البطل مكرهتش نعرف المؤلف نقوليه حرام عليك البكل كان مدمن مدمن قالت مدمن ناري حتى بدر مدمن على الكارو ناري قفرتها نهايتي غتكون بحالها : عطيني عفاك يا رجاء نمرة سعيد ـ نتي راه كنشك فيك نتي ـ عفاك مسألة حياة أو موت ==> سعيد تيليفون كيسوني ـ وي ماسمعتوش رجاء هاذي وي بغيتي بدر علاش بغيتيه أوك بدر ميار بغات تهضر معك ـ نيمار شنو بغات خذيت التيليفون علاش تاصلات بيا : ألو نيمار مبروك الفوز ـ بدر بغيت نهضر معك فشي حاجة مهمة ـ ياك لابس ـ عفاك يا بدر ماتبقاش تكمي لا ويوقع ليك بحال راهول ـ شكون راهول ؟ ـ بطل فيلم Aashiqui بقيت مصدوم هاذي مالها قطعات التيليفون و أنا باقي ساكت : هيهو أش قالت ليك ـ مافهمت والو ـ لغز ـ لا قالتلي متبقاش تكمي قلتلها علاش جتوبتني لا يوقع ليك ماوقع لراهول ففيلم Aashiqui ولا ماعرفت شنو سميتو بقى سعيد كيضحك : مالك ـ شفتي هاذ ميار والله حتى كتبغيك لا كتموت عليك ـ باش عرفتيها ـ سمع ياسيدي راهول كان مدمن كحول وهو فنان و مات فالأخير و ميار ممكن تكون خايفة لا تخليها بحال ففيلم Aashiqui بقيت كنضحك والله حتى هاذ نيمار حمقة : بدر شفتك كضحك ـ موقف مكيضحكش بانت ليك ذيك البنت عادية ـ ههه لا صراحة قوليا مكتحس والو من جيهتها ـ ماعرفتش شعور مختالف عمري حسيت بيه كنفرح و كنضحك من نيتي مكنحش بالوقت شي حاجة سبيسيال ـ وراه الحب هذاك وهو اللي حاجة سبيسيال زعمة نكون كنبغيها و مالها مشيت وبقيت كنفكر غير فنيمار خاصني نهضر معاها مانلقاش حسن منها تيليفوني بدا كيصوني هاذي الوكالة شنو بغاو : ألو وي ـ بدر سافا ـ سافا يا منتجنا الرائع ـ عفاك بغيتك دوز عندي غدا إن شاء الله من أجل مشروع فيلم جديد ـ أوك إن شاء الله فقت فالصباح من أجل العمل أول حاجة غندير نتاصل بنيمار بعدا نحدد معاها شي موعد نتافق معاها على حياتنا وي حياتنا كنبغيها و كتبغيني هاذي حاجة باينة ماكاين مانتسنى عطاتني رجاء نمرتها : ألو ـ وي شكون معايا ـ معك بدر حسيت بيها تفاجآت : بدر ـ هو هذا ـ شنو سبب المكالمة ـ الهضرة ماشي فالتيليفون ديري معايا شي بلاصة نهضرو فيها ـ واخا نتلاقاو حدا Lista Hey Essalam كتعرفها ـ لا نعتيها ليا ـ وتبع معايا النعت عرفتي العمالة ديال سلا حداها كاينة المحكمة الابتدائية وولاية الأمن كوميسارية ديال سلا كتزيد شوية كتلقى حبس الزاكي اللي حدا الغابة مهم عرفتي ليسطا جات حداهم وبالضبط حدا مؤسسة محمد السادس لإعادة إدماج السجناء ـ نيمار أش هاذ النعت نتي باغا تسيفطيني مالقاو حتا بلاصة فين يبنيو المعهد غير هاذي ـ و هادشي اللي عطا الله يوقع غير مشكل كلشي حداهوم من ديكلاري حتى نطق بالحكم وتنفيذ العقوبة السجنية و مابعد السجن و موقع هذا جا غير حدا الكوارث مشيت للوكالة دخلت عند المنتج : سلام ـ وعليكم السلام النجم ديالنا ـ شوقتيني نعرف المشروع جديد ـ مشروع غيكون مختالف على كل عمل طرحتي من قبل ـ كيعجبوني الأفكار جديد نقرا السيناريو عندك دابا ـ دابا نسيفطو ليك ولكن عندي الفكرة ـ علاش كيهضر ـ بنات الليل تصدمت لي أنني كنعرف باللي مشاهد هاذ النوع ديال الأفلام مشاهدها لاتصلح للجمهور الناشئ حس المنتج باللي ماراضيش على هاذ الموضوع : بدر مالك ـ لا غير حاس باللي ممكن المشاهد ماغتكونش نقية ـ ضروري راه كنكشفو واحد الواقع اللي خطير و كيفاش ممكن تصور فيلم بهاذ الحجم بلا مشاهد ـ كشف الواقع بغيت نسولك واش المغرب فيه غير الدعارة هذا هو المشكل الوحيد اللي فيه مافيه بطالة مافيه اختلاس مافيه ظلم مافيهش شي حوايج زوينين اللي بغى يكشف على شي واقع كيطيح فبالو سبحان الله غير الدعارة ـ أش هاذ الهضرة دابا ـ كيف كتسمع نتوما بلعاني كتختارو هاذ الموضوع حينت بكل بساطة فيه لقطات ساخنة وهدفكم من هادشي كامل غير الربح المادي ـ الفيلم كون ماكانش عندو قيمة ماكانش ياخذ دعم من الدولة وهادشي يبقى بيناتنا و حتى دابا جوج كلمات قبلتي الدور هو هذاك رفضتي وجودك غير مرحب بيه هنا ـ حسن نيت مايشرفنيش نخدم معكم ـ دخول الحمام بحال خروجه ماتنساش راك ساني عقد و فيه شرط جزائي فحين التراجع عليه ـ ولكن راك نتا الطرف اللي متخلي على العقد ـ علاش ياخويا سمعتي مني كلمة غنطردك بالعكس أنا متشبت بيك نتا و إخلاص وهاذ الفيلم مكنتخيلش لاعب فيه ممثل غيرك ـ كتحلم نمثل ليك فهاذ الفيلم شحال فهاذ الشرط الجزائي ـ 400 مليون سنتيم ـ شحال نتا نصاب أول نهار سنيت كانت غير 50 مليون ـ إوا عام على عام كتزاد 50 مليون فقيمة العقد حسبها 8 سنين و نتا خدام معانا كنظن باللي المبلغ هو هذاك ودابا ختار يا إما تمثل يا إما خلص و إلى ماعندكش بيناتنا المحاكم و كنحلف ليك بالله يا بدر إلا ماترجع كيف كنتي من قبل و كفس تحديتيني هانتا غتشوف لا ديالك شحال كتسوى ـ نتا كتعرف شي الله كون كنتي كتعرفو ماديرش هادشي
يتبع.. 
الجزء السابع و الاخير 
صفحتنا علي الفايسبوك

قصة بعنوان .. احببت نجماً لامعاً الجزء الخامس

 
رأيك فسينما الحالية ـ ماعدناش سينما اللي نعطي فيها رأيي و كنتسائلو مزال علاش كاين عزوف عليها شنو كنقدمو للناس باش يتفرجو لا قصة لا إخراج لا تمثيل كلشي مزروب ماعندوش قيمة فنية عرفتي فيلم " the mask " واحد اللقطة ديال جيم كاري بقا شهرين وهو كيصور فيها لقطة مافيتاش 15 ثانية و حنا فشهرين كتبنا فيلم صورناه عرضناه و صافي قدام ـ رأيك فواحد الكلمة كيقولوها الممثلين بزاف " كاين فرق بين الشخص و الشخصية " ـ فعلا هو كاين فرق هذاك مكتكونش نتا علاش أنا إلى مثلت قتال راني قتال ولكن فاش كاين الفرق كاين ف caractère ماشي أنا ندير شي لقطات كتكون للأزواج فقط و نقول لا راه ماشي أنا راه شخصية كنبقى أنا اللي درت ذيك اللقطة و أنا اللي كنتحاصب عليها و على هادشي يمكن كيسموني متخلف سينمائيا ـ طفولة بدر كيف كانت ـ بزاف ديال الناس شافوني فبعض الأدوار عياقة و لاباس عليا قالو باللي بدر كيليميني نو أنا ولد الشعب كابر فالأحياء الشعبية تقاتلت باش وصلت مالقيتش الحياة ساهلة كيف كيقول البعض ـ إشاعات حول الأب ديالك ـ next ـ نصيحة اللي مكن تقدم للشباب الصاعد ـ يختارو مزيان باش مايندموش من بعد و مايقولش نوصل داغي لأن الشخص اللي كيوصل دغيا كيدير ضجة فالأول و من بعد كيطفى دقة دقة يدوز من الفشل مايخافش عادي يثيق فراسو و إلى عندو شي موهبة أكيد غينجح ـ الإشاعات الأخيرة حول علاقتك بإخلاص ـ إخلاص صديقة عزيزة و فنانة كتعجبني درنا أعمال عجبات الجمهور و مابيني و بينها والو كيما كنبغي نقدم ليك اعتذار رسمي حول الاشاعات اللي مساتك مؤخرا و اللي لا أساس لها من الصحة أويلي هذا أش كيقول دارها قد راسو و ردها إشاعات : الله يمسخك هادشي إشاعات ماعرفتش شكون كيروجها ـ و صافي يانمار اللي غلب يعف ـ شروط فتات الأحلام ـ شروط غنصني كونطرا واكنقول مواصفات ـ واخا مواصفات فتاة الأحلام ـ تكون واعية قارية و أهم حاجة تعرف طبيعة عملي أنها مزوجة فنان تولف حياة الشهرة المعجبات بعض المرات يكون عندنا tournage كنغيبو بالشهور على ديورنا و الثقة ـ شكرا على الحوار ـ كان حوار شيق ستمتعت بزاف نتمنى ليك ديما التقدم و النجاح ـ شكرا ـ هادشي ماشي ليك هادشي باش غتختمي الحوار و توجهيه ليا ماتنسايش ديري شي مقدمة زوينة ذكري فيها أهم أعمالي ـ واخا كملت الحوار و أنا عاد مازاد مشاعري لبدر خاصة مور ماتعرفت على الجانب الشخصي ديالو تلقائي و شعبي كان كلشي فيه مختالف على بدر اللي كنشوفوه فالتلفزة زاد كبر فعيني منين عرفت وجهة نظرو حول السينما و أنه مامنافقش كيعطي رأييو بكل بساطة مشيت لبيت فاستعداد نكتب و نقاد هادشي مزيان باش نلونسيه بانت ليا رجاء مقلقة و خايفة على خدمتها منين جينا ما كتبات شي خبر و المديرة كتقلب غير على السبة باش تنقص عدد الموظفين كتبت الحوار و قاديت فيه شي حاجة صافي هاهو واجد " حوار شيق مع النجم بدر بقلم رجاء " فرحات رجاء بزاف من بعد الحوار اللي عطيت ليها المديرة فرحات بزاف و خلقات نجاح كبير و أخيرا قدرات تخدم بقى يومين و يسالي المهرجان هزيت تيليفوني نشوف الجديد حتى كنتصدم لا هاذ الفيديو ماخاصوش يتعرض ذاك الفيديو اللي كنت مخبياه و نهار تاهمني بدر باللي كنبغيه و بغيت نرد ليه الدقة نشراتو المديرة هذا كان أخطر فيديو و أكبر دقة موجهة لبدر كلام باه كان قاسي " بدر ولدي و أنا ساخط عليه دنيا و آخرة مكيسول فيا ماكيتهلا فيا مخليني فهاذ الحالة و هو عايش مزيان " لا علاش نشرتيه بقى فيا الحال بزااااااااف ماعرفت ماندير تنادم معايا الحال مشيت كنقلب عليه بان ليا مهموم دخل لبيتو بلا مانتردد تبعتو ياربي يسمح ليا واش كنضحك على راسي يسمح ليا علاياش درت فيها مايصلاح بقيت واقفة قدام الباب و خايفة زعمت و دقيت حل الباب كانت عينيه حمرا والحزن باين فيه يلاه بغيت نهضر شير ليا باش ندخل دخلت : بدر سمحليا و الله ماقصدت فيها شي حاجة لا كذبت عليك مكنتش بغيتو يتنشر و الله ماعرفش كيفاش طرا ماعرفتش شنو نقوليك ـ ماتلوميش راسك نتي عندك الحق فكل كلمة قلتيها أنا مامزيانش أنا مانستاهل حتى حاجة لا شهرة لا حب جمهور لا والو ـ بدر أش واقع ؟ ـ قصتي قصة بدات من نهار حليت عيني الأب ديالي كان من عروبية بعيييدة مكان كثر فيه الجهل و عدم الوعي مكان اللي العصر الجاهلي متقدم عليه بلد اللي ماعمر الحكومة هضرات عليها و ماعمر الصحافة مشات ليه و ماعمر صحاب سينما الواقع ناقشوه تزوج بالأم ديالي و جاو سكنو فكازا فواحد الدار اللي غير إلى عطستي فيها غتريب كان خدام حمال فالمارشي حياة بئيسة و صعيبة عاشوها و كازا كبيرة و مكترحمش ماكاين غير جري عليا نجري عليك حملات الواليدة وولدات خويا معاق ماكيهضر ماكيتمشى كثر عليهوم الحمل الواليد بلاصة مايصرف عاد مازاد البلية الشراب و القمر و كيضرب الواليدة اللي كانت غير صابرة و حادرة الراس حملات وولدات بنيتة حتى هي تزادت معاقة الأمور عاد ماتعقدات كان كيهز خوتي و يمشي يكريهوم للسعاية يسعاو بيهوم دايرهوم تجارة بلاصة مايكونو فجمعية اللي دمجهوم فالمجتمع كانو كيبقاو من الصباح حتى العشية فالشمس و الأب مقسر مع راسو و الفلوس اللي كيعطيوه أجرة باش كرا ولادو كيصرفهوم على الشيخات و القساير فغلطة منها الواليدة حملات بيا جمع حوايجو و خوا الدار و قاليها إلا غتولد واحد بحال هاذو غير من الأحسن ماتولدهومش نيت و من تما ماشفناه الواليدة حاملة بيا وكرشها على فمها و كتصبن و تجفف بيا فالديور باش توكل ولادها تزاديت فظروف صعيبة و فدنيا من الأول معكسة تحملت المسؤولية و أنا صغير فمجتمع ماكيرحمش كنت كنخدم فكلشي حوايج البال كنمسح الطوموبيلات بعض المرات كنسرق فالسواق ماعمري عرفت شناهي مدرسة حتى واحد النهار سرقت واحد البسطام ديال واحد السيد تبعني و شدني تعجب كيفاش طفل صغير عندو غير 7 سنين كيسرق خفت يديني للبوليس بقيت كنبكي و كنطلبو يسمح ليا مشا يتبرا من الواليدة و يقوليها تربيني مزيان غير وصل للدار و شاف الحال فين عايشين تصدم شاف حياة صعيبة أم و جوج معاقين كتوكلهوم و دواهوم و كسوتهم شافتو و عرفاتني درت شي زبلة خاصة أنها كانت كتمنعني نسرق يلاه بغات ضربني شد ليها يديها و منعها تقيسني سول على الأب قالتليه باللي تخلى علينا بقينا فيه و هو كيشوف حياتنا دخل خوتي لواحد الجمعية و لقى خدمة مستقرة للواليدة و أنا دخلني للمدرسة كنت كنقرا و نجي نعاون مي فخوتي عطانا واحد السكنة على قد الحال مهم اللي قد عليه دارو حتى هو ماكانش غني فهاذ البلاد تلقى الخير غير فاللي بحالك اما اللي الفوق كيعمرو غير كروشهوم و آخر همهوم الناس اللي بحالنا مكانتش عندي ميول للقراية الواليدة كضربني باش نقرا و نولي شي حاجة هو فهمني و عرف باللي القراية ماداخلاش لراسي دخلني لواحد دار الشباب و تما بدات علاقتي بالمسرح بديت كندير عروض و ندخل فلوس حبست قراية من بعد ماجابش الله فالباك و بديت التمثيل دقة دقة حتى وصلت للي أنا فيه دابا نهار اللي طاحت لي لاكارط عقلتي ذاك نهار جاني اتصال باللي راه مريض و بحكم مشاغلي ماقدرتش نكون معاه و اليوم جاني خبر وفاتو وفاة أبي الروحي اليد اللي تمدات ليا منين كنت ضايع الشخص اللي آمن بيا وعاوني و نقذني من مجتمع كانت نهايتي غتكون فالحبس أنا مانستاهل حتى حاجة أنا خايب و مامزيانش تشغلت و شهرة داتني من أقرب الناس ـ والواليد ديالك كيفاش حتى كيهضر عليك ـ مكنعرفوش أنا ماعمري شفتو ماعمرو جا عندي و أنا ماعرفوش حتى فين كاين شي واحد ممكن سمع قصتي و لا عرفها و ستاغل فقرو و كينشر عليا هاذ الفيديوات عمرو جاني نيشان ماقدرش بدر يحبس دموعو و أنا كنت حداه كنشرو الأخبار بلا مانعرفو لا مصداقية و لا صحتها كل اللي كيهمنا الربح المادي و الحقيقة كتكون عكس داكشي اللي كنشوفو كان بين يدي خبر مهم مابغيتش نشرو ماشي عديمة الضمير لحتى هاذ الدرجة شخص ثاق فيا و عاود ليا على معاناتو ماغنغدروش ـ نيمار ماتنشري والو عفاك ـ كون هاني هاك هاتيليفوني باش تأكد ماصورت والو ـ ثايق فيك غير خليه ـ بدر بلا ماتقلق مول الأمانة دا أمانتو ـ كون غير كنت حداه ماغيبقاش فيا الحال ـ دعي ليه بالرحمة و المغفرة الحزن و البكا عليه ماعندو باش ينفعو ـ الله يرحمو و يوسع عليه بغيت نخفف عليه شوية و نخرجو من الحالة اللي هو فيها : ماتبقاش تعيط عليا نيمار هاذ التبوكيصة كاملة و فالآخر كنولي دري ـ على فكرة هو حسن منك بوكوص عليك ـ واخا ياسيدي شكرا سميتي مياار ميار عقل مزيان ـ نيمار كتجي معك حسن==>نيمار كانت معايا و ماخلاتني حتى لحظة حسيت بفرحة و براحة منين خويت ليها همي و عاود ليها على راسي ياربي غير ماديرش معايا فعايل الصحافة و تنشر هادشي بقينا كنضحكو هاذ نيمار قدرات تنسيني همي شوية  إخلاص ـ بدر شفت ذاك الفيديو اللي تنشر ذيك الصحفية عيقات ـ ولفت بهاذ الأخبار ـ تايوم الأخير ماسخيتش صراحة ـ حتى أنا و لكن كانت أيام زوينة ـ خاصنا نمشيو للعمل الخيري الصحافة و الإدارة كلشي كيتسنانا حينت الوليدات باغيين يشوفونا بالنسبة ليهوم أنا و ياك الثنائي اللي كيدخل ليهوم الفرحة و أنا كدخلي ليا الفقسة الإكتئاب أكثر شخص مامسروطش ليا هو هاذ إخلاص راه غير المنتجين اللي كيجمعونا بجوج و الصراحة كنتفاهمو فالخدمة وصلنا للجمعية حينت الهدف من كل دورة فالمهرجان كنمشيو لشي جمعية خيرية و نزورو الناس إخلاص حدايا عقت بيها ماحملاش هاذ اللقاء جات غير على ود باش تبان و صافي أما هي من الداخل ماعينيها لا فعمل خيري و لا فمساعدة إنه النفاق الاجتماعي اللي شافنا يقول مساكن قلبهوم هشاش قرب واحد الدري يتيم من حدا صفاء بعداتو عليها بحال شي حثالة : حيد من حوايجي يديك نقيين بعدا غير شافت الكاميرا تحولات لملاك : ياربي بقا فيا هاذ الوليد بدر عطيني منديل قطع ليا قلبي باز عليك ممثلة فكلشي حتى فحياتك اليومية عالم منافق كيبغي غير يبان ماهمو حتى واحد من غير صورتو قدام الإعلام الصحافة كثر منا ماهمها الهدف و الغرض علاش جات مهتمة غير تصور النجوم و تلقى خبر ماتكتب فصفحاتها و تبيع و الغرض اللي جينا على ودو حتى واحد ماعطاه قيمة و هاذ الوليدات حتى واحد ماهتم بيهوم ==>أنا وبدر اليوم كنتقاسمو نفس الفكرة دخلت متحمسة لفكرة العمل الخيري فالمهرجان تخيلت جو آخر نهدرو و نتناقشو مع الوليدات و نقدمو ليهوم مساعدات على الأقل غير نعطيوهوم وقت ساعة ماكاين والو من هادشي ناس جات غير تبان فالمنابر الإعلامية و صافي فين هوما هاذ الكتاب و المخرجين اللي فضحو لينا راسنا بكشف الواقع فالحين غير يعريو الممثلات فالسينما كشف الواقع كشفتوه و زدتو فيه كاع فين التطبيق علاش جيتو هنا باش نكتبو عليكوم عطا الله اللي يكتب واخا ماكاينش اللي مهتم بهاذ الوليدات نخلق جو زوين نجي على ود هدف خرجت من القاعة و مشيت للجردة لقيت بزاف ديال الوليدات جالسين شحال و هوما كيتسناو فالفنانة باش ينساو هم اليتم و الحرمان و التخلي مزال ماجات الكاميرا مزال ماكتصور التلفزة باش تشوفو الفنانة حتى يبدا النقل التلفزي عاد تلقى الفنانة مجموعين عليهوم و كيلعبو معاهوم : الشباب السلام شافو فيا الوليدات كانو بنات و دراري لبسوهوم مزيان و تهلاو فيهوم باش يصوروهوم ردو سلامي حسيت بيهوم حاب ظنهم من هاذ اللقاء : ماكاين نشاط ماكاين تقشاب وراكوم مراكشيين زعمة بدينا كنغنيو و نحيحو و الدقة المراكشية دخلت ليهوم و دخلو ليا السعادة اتيكا اتيكاوا نخليكوم تصورو الموقف كيف كان هبال تايم==>مابقيتش قادر نزيد دقيقة وحدة هنا عصبوني خطط و استراتيجيات و قهرتونا بهاذ الهضرة تعجبونا غير فالوراق و خرج شوية و ضحك مع الأيتام راه على الأقل بغاو غير وقيتة زوينة خرجت و كنسمع ضحك و لعب فالساحة كنتلفت كنلقا نيمار دايرة فيها حميد الزاهر مع الوليدات نيمار المجنونة : من الملاعب للمسارح ـ بدر ماشفتكش منين جيتي ـ علاش نتي مسالية و خدامة و شطحة عندك ـ ههه راه غير ندامجت ـ حمستوني حتى أنا الدراري للعبو شي ماتش كلشي عجباتو الفكرة درنا فرقة ديال الولاد بقيادتي و فرقة ديال البنت بقيادة الكابتن نيمار و طلعات نيمار نيت أش كدير الكرة أحسن يوم فالمهرجان هو هذا كان وقت جميل==>وي كان جو زوين ولكن المديرة كتاصل أوووف ماسخيتش عتاذرت و توادعت مع الوليدات و مشيت نلفت لقيت بدر محيح هزيت تيليفوني و صورتو " منا الصورة و لكم التعليق بدر و الأيتام بعيدا عن أعين الإعلام إنه فعلا رائع و نجم لامع " publier إنه فعلا رائع شكرا نيمار عجبني الحال بزاف منين كتبات عليا مزيان أول مرة فحياتها تشكرني سالا المهرجلن اليوم الختامي لبستي بدلتي الرسمية باش نعلنو على أسماء الفائزين و الله ماعرفت هاذ أيمن كيفاش حتى داها هذا فيلم هذا يديو عليه ناس جائزة إخلاص حتى هي كانت فقمة أناقتها خصنا ندخلو بجوج للقاعة حينت فيلمنا غيتعرض : إخلاص تبارك الله جيتي غزالة ـ شكرا بدر ماغنكونش أقل أناقة منك شدينا يدين بعضياتنا بحال إلا شاد التيفو ديال البارصا و لا بحال إلا شاد العافية الصحافة كتصورنا و أنا راسم ابتسامة مزورة على وجهي بدا عرض الفيلم كلشي متفاعل معاه أوااه أنا قلت لاخلاص كنبغيك العجب كيفاش حتى خرجات بان ليا أيمن كيشوف فينا و ماحاملنيش تفكرت هو كتعجبو إخلاص الواحد هو اللي يستاغل الفرص بديت كنهضر معاها و نضحك و أيمن عاد ماكيزيد يتفقس ==>ماشي غير أيمن صراحة اللي تفقس حتى أنا بدر و إخلاص جاو ثنائي زوين و أنا فين نبان حداها أكيد بيناتهوم شي حاجة شوف كيفاش مفاهمين خفت بزاف لانكون كنبغي بدر لا ماكنبغيهش دخلت لراسي هاذ الفكرة ولكن علاش غنموت بالفقسة و أنا كنشوفو مع إخلاص جات رجاء و هي غطير بالفرحة : باركي ليا ـ سعيد خطبك ـ لا مزال عطاني النمرة ـ مزيان ـ شوفي ليك إخلاص و بدر ـ عادي مثلو بجوج ـ سيري ياختي قاليا سعيد باللي إخلاص و بدر ديما بجوج شوفي ياختي صباطها كيداير سولت عليه كيدير 4000 درهم فموروكو مول ياختي شحال غالي أنا و ياك و عائلاتنا مانجيبوش ذاك الثمن و هنا رجاء صعراتني: جبدي راسك و طاصلتك مزيان فآخر أيامي كنسوى صباط بزاف عليك لا نتي و لا هيا طلع ليا الزعف من كلامها و خرجت كاع من القاعة سالا الفيلم و نجوم كيخرجو و كيتصورو و أنا عيني غير على بدر و إخلاص قلبي بغا يخرج عيني مابقاتش قادرة تزيد تشوفهوم مزال واش الحب كيبدا من المعدة ضراتني و كنحس بالدوخة أويلي هاذو راه أعراض الحمل ماشي أعراض الحب تخلطو عليا المشاعر فرحانة حينت كنشوفو قدامي و مقلقة حينت مع وحدة أخرى مشيت نتمشى شوية بعيد على هنا : اليوم الأخير ماغتسلميش عليا قبل ماتمشي ـ بدر لا راه غير بغيت نتمشى شوية ـ تسمحيليا نتمشى معك تخنقت لداخل ماكاين فين تشم شوية ديال الهواء ضرات ليا عينيا بالأضواء ـ مبروك باين غنسمعو أخبار زوينة فالقريب ـ أشمن أخبار ؟ ـ باين نتا و إخلاص بيناتكم شي حاجة ـ بيناتنا بزاف ديال الأعمال هادشي اللي كاين ماتيقتوش قريت الإعجاب فعينيهوم : ماعندكش مع هاذ الأجواء اللي شافك البارح مع الأيتام كنتي فرحانة دابا بحال إلى مقلقة ـ لا غير بغيت نبقى بوحدي ـ دابا زعمة تكركب ـ ههه لا غير صافي والو ـ أجي بعدا نتي داخلة للتيران و لا للمسرح أش هاذ اللبس يا نيمار مابقيتش قادرة نستحمل اليوم كان عليا صعيب بديت كنبكي بدر مافهم والو : نتي مالك كتبكي تقول مشات ليك الليغا (البطولة الإسبانية) نيمار عاد كنتي صحة سلام ـ سميتي ميار كتسمع و أنا راه بنت ماتبقاش ديما تردني زوفري كتسمع تعصبت و غوث عليه ـ راه غير كنضحك معك عندك تكوني تقلقتي ـ صافي ماديش عليا راه غير معصبة وصافي بدر مافهم والو ولا كيدير راسو مافهمش مهم حسن مايواجهني بحقيقة مشاعري أخيرا غنرجعو سولت رجاء قالتلي باللي سعيد و بدر مشاو الصباح بكري فرحت بزاااف واخا بقى فيا الحال حينت ماشفتش بدر قبل مايمشي بقيت كندور فالأوطيل شوية و فكل مكان عندي ذكرة تفكرت نهار الأول اللي تلاقيت بدر و طاحت ليه لاكارط و تسللت لبيتو بحال المجرمين تفكرت نهار تاهمني بالسرقة فاش كنا جالسين حدا حدا فالقاعة أول نهار عرفت راسي معجبة بيه فاش كنا مخبيين من ذيك البنت ذاك الحوار اللي زاد مشاعري ليه فاش عود ليا على قصة حياتو نهار الأيتام كلشي كلشي تفكرتو و كنحاول نسا البارح حينت تأكدت من أن بدر أنا وحدة من بين بزاف ديال المعجبات بيه و صافي و اللي فازت بيه وحدة سعداتها بدر غنبقى ديما معجبة بيك و بأعمالك حينت تستاهل ممثل قدم أعمال زوينة و محترمة يستاحق منا التقديير باي باي مراكش عشت فيك 10 أيام زوينة ماعمري نساها هاذ الرحلة غيرات بزاف ديال الحوايج فيا أهم حاجة نظرتي لمهنتي أنا صحافية و الإعلام خاصو يوعي الناس ماشي يزيد يكلخهوم أنا وزملائي و العديد من الصحفيين فالبلاد ساهمنا فتخريب عقلية المواطن كلشي فهاذ البلاد طالع عوج ابتداءا من المدرسة التعليم هدفو الأول هو التربية و مدارسنا الحكومية عاد ماكتزيد فصنع جيل فاشل و الشارع لا حديث و لا حرج أما واحد مولاتي التلفزة هذيك هي الطامة الكبرى و كيجي الإعلام كيكمل اللي خاص كلشي مترابط سياسة جديدة هاذي كلخ الشعب و استحمار القارئ و المتفرج أنا مابقيتش غنساهم فهادشي أنا غنتبدل و مانبقاش نحط هاذ الحموضة و التفاهة أش كيستافدو الناس من هاذ الأخبار والو غير العقل كيخوا و كنعمروه بشي حوايج لا علاقة بشي حوايج ماعندها باش تنفعنا بشي حوايج كتردنا اللور اللور حتى واحد فينا ماكيقوم بواجبو ولكن ولابد من شي واحد يخلق البداية بداية إعلام جديد موثوق بيه كيقدم أخبار و حقائق يستافدو منها الناس على أمل نخلقو سينما جديدة سينما لكل العائلة ماشي سينما بينك و بين راسك ماقادرش تفرج فيها سينما موراها قضية و هدف ماشي تعرية الفنانات ميار جديدة تخلقات اليوم==> مبروك الزيادة ديال نيمار راكوم معروضين للسبوع بعد ماكمل المهرجان فقت فالصباح بكري حينت عندي الخدمة : والله ماعرفتش هذاك أيمن باش دا ذيك الجائزة ـ ماتفرجتش فالفيلم ـ حسن ليك يا ولدي يا سعيد لا قصة هي هذيك و لكن صرعها فالنهاية قتلني بالضحك ـ ياكمة دار ذوك النهايات ديال الأفلام المغربية ـ ضروري سمع القصة علاش كدور هو كان غادي مزيان فالأول كان كيبغي وحدة و لكن ماكنتاش كتديها فيه بقى معاها و هو كيتمنى شي نهار تحس بيه فهاذ الأثناء تعرف على بنت أخرى ولات كتهتم بيه و كيحس بيها كتبغيه مهم عطاتو قيمة و أهمية ولا كيبغيهوم بجوج حار ماعرف مايختار فيهوم واحد النهار نعس و قال صافي أنا ختاريت عرفت شكون كنبغي غدا غنحدد قراري وهو يطلع الجينيريك ـ أوااه شكون ختار فالأخير ـ أنا عرفت راه الجينيريك طلع كنقوليك الفيلم سالا ـ مافهمت والو ـ واش كنقوليك ا صاحبي مي أنا فهمت النهاية دابا أيمن كيقولنا اللي عجباتو شي بطلة يختارها راسو ولد الناس مابغاش يبزز على المتفرج شي حاجة ـ البوكوصة فيهوم هي اللي غيختار ناري شحال منحملش ذيك القضية ديال كمل من راسك ـ خلينا من أيمن مابنتيش ليا بزاف فالمهرجان ـ تعرفت على واحد البنت فجريدة سكوب و عجباتني ـ اييه ابا سعيد و أنا فدار غفلون هي جابتليك الدقة القاضية ـ ضروري واخا سميتها كتفقسني ـ سميتها صافي عرفتها ـ اوا مزيان هاهي كتاصل مشا سعيد يهضر فالتيليفون والله حتى نيمار طيحات سعيد أوووف رجاء رجعنا ثاني للمعانات رجاء أويلي رجوع لله معامن كنهضر مع الحيط ـ ميار بعدي مني قلبي عليا عرفتي شنو نسايني ماشفتينيش عايشة و كنهضر و كنعبر ـ الله يستر معامن ثاني ـ محبوب خاطري البوكوص ديالي سعيد ـ أجي هاذ سعيد ديالك ناوي شي حاجة ولا غير هضرة و صافي كلام على ورق ـ الفيلم ديال هيفاء وهبي هذا أش دارو فالآخر ـ وصية و نصيحة من وزارة الصحة حفاظا على عشك الزوجية قلبي على هاذ الفنانة مور الزواج و قد أعذر من أنذر و زيدون الفيلم داز فرمضان بغيتيني نبطل صيامي لاهيتيني بالهضرة قولي ليا واحد بدر عندو شي جديد ـ أنا و سعيد كنهضرو غير علينا مكنجبدوش كاع الخدمة فكلامنا ـ حسن نيت ـ فراسك يالزين الصافي غدا غنمشيو لكواليس تصوير فيلم أيمن جديد ـ يلاه دخلنا من مراكش ـ يالحبيبة راه المديرة قالتليك اللي جاب ليها خبارات زوينة غتهلا فيه ـ هذيك أكبر كذابة على وجه الأرض شحال ديال الوعود و الهضرة الخاوية قبل مانمشيو لمراكش شفتي شي حاجة ـ شفت النجوم ـ راه أنا اللي شفت النجوم و نجم ديال بصح نجم ساطع فالسما كيبان بوضوح و لكن صعيب توصل ليه كيبان حداك وهو بعييييييييييد عليك و عينو مكتنزلش للأرض عينو فشي نجمة بحالو ساطعة وزوينة و كلشي كيبغيها ـ ميار بلا مانقيس ليك الحرارة نتي وصلتي لخمسين واش عارفة أش كتقولي بديت تخرفي واقيلة مافيهاش ميورة صحيبتي عزائي فيك ـ نوضي عليا شهاذ الفال مابقا حد يخوي قلبو تفو على بشر وجه وجع التراب شكتعرفي لشي رومانسية لا نتي لا ذاك الودادي ديالك ـ نوضي تنعسي راه تابعانا خدمة ـ نتي ماعندكش داركم غير لاصقاني ـ أرا ماتعايري غنبات هنا و باتت معايا رجاء و كنتفقس و هي كتهضر فالتليفون مصيبة هاذي بغي غير نتي ياربي فرجني فيهوم فشي ديربي و يخرجو تعادل و الجماهير ساخطة و يشوفو هاذ الخيانة ديال الرجاء مع الوداد و مايخليو فيهوم غير اللي نساو نمرض غير أنا فقنا فالصباح مشينا لمكان التصوير أودي أودي يالمؤثرات فيلم على قدو طالع بكاميرا و 2 ممثلين بقات رجاء كدور فعويناتها : علاش كتقلبي ياهاذ المصيبة ـ تيليفون أيمن ـ رجاء حشومة أسرار الناس ـ شكون كيهضر علاش نتي منين جاك شريط أب بدر ماشي من تيليفونو و تفكرت فعلا ذاك الفيديو أنا خذيتو بالبلوتوت من تيليفون أيمن تنسات ليا هاذ القضية أيمن منين جاه راه ذاك الفيديو عمرو تحط من قبل أنا أول وحدة حطيتو و أنا خذيتو من تيليفونو كلشي كيصور و كيقلب على الأفكار و أنا كنفكر غير فهاذ القضية احتمال كبير يكون أيمن مور الإشاعات و مور الفيديوات اللي كتنشر على بدر مافيها شك سالا التصوير خذا أيمن سيارتو و مشيت طايرة عند واحد الزميل : كمال ـ وي ختي مراتي العزيزة ـ ختي و مراتي هاذي هي ديال ختي بغيت نتصاحب معك مامسالياش ليك ياهاذ الحامض ميار هاذي ماشي منار و نتى متبع هاذ الأفلام كي العيالات ـ واخا شكرا تفكرت باللي عندي بيه المصلحة و رجعت ضريفة : ويلي غير كنضحك معك كعيتي و دابا بغيت نطلبك طليبة صغيورة ـ آمري ـ بغيت طوموبيلتك ـ من الأول داخلة على طمع ـ نتا سير حتى ذيك الخرشاشة يطمعو فيها الناس ـ خرشاشة إوا سيري على رجليك ـ بلييز كمال هاكي بفففف على هاذ الخرشاشة شحال شحفني العز و النصر باقي ماخرجش ياسلام اليوم نعرف أش مخبي بقا غادي و أنا تابعاه حتى وصل لواحد الموبل فأكدال خذيت تيليفوني و بقيت كنصور كلشي مابقاش بزاف هاهو هبط و هابط معاه واحد السيد عرفتو هاذا الأب ديال بدر ركب فالسيارة و خرج من الرباط دخل لواحد الحي صفيحي فمدينة سلا ودخل لواحد العشيشة أكيد غيكون كيصور شي فيديو ولد الحرام فعايل الشمايت هزيت تيليفوني و تاصلت برجاء : الزين سافا ـ ميار أش بغيتي كتقولي الزين غير إلى بغيتي شي حاجة ـ سعيد هذاك ـ عاودي عاودي واش حماقيتي سيري ياحبيبتي لعبي حدا داركم بان ليك غير سعيد ـ ونت يراه بغيتو فش حاجة مهمة فين مشا عقلك بشر بزز باش عطاتني سعيد ديالها : ختي ميار سافا ههه ختي ناري سعيد كيهضر و كيقفقف باينة ذيك المغيارة مخرجة فيه عينيها : خويا سعيد عفاك فين ممكن نلقى بدر ـ بدر دابا فالوكالة عندو تصوير يالأخت الكريمة ميار السفاحة كون راه محلفة عليه كي كيهضر : شكون أخي الفاضل جزاك الله خيرا مع السلامة و بلغ تحياتي لصديقتي الوفية وليت كنهضر بحال ذوك اللي كيكتبو شي مقرر دراسي مشيت للوكالة وااو عالم آخر هادشي زوين بانت ليا تصويرة ديال بدر مع هو النجم الأكثر شعبية هو وذيك القردة غير تابعاه ياربي حتى فالتصاور: سمحليا ياخويا ـ وي ختي فاش ممكن نعاونك ـ عفاك بغيت نشوف بدرـ عندك شي موعد ـ لا ـ سمحيليا خوذي موعد و تقدري تشوفيه ـ عفاك ياخويا شي حاجة urgent راه كيعرفني ـ واخا شنو نقوليه ـ نيمار بقى ذاك الدري كيشوف فيا : متشرفين يا ختي معك ميسي ـ كتريكل عليا ـ ومعرفتش شكون كيتركل على الآخر ـ لا راه هو كيعرفني بهاذ السمية دخل الدري ماكملات حتى دقيقة حتى كيبان ليا بدر خارج رجلي مابقيتش قادرة نوقف بيهوم قلبي صافي وقف عينيا عمرو بالدموع إنه شلل الحب زاد مكملها بالابتسامة أنا مزاوكة ماضحكش صافي أنا مت ناري على ضحكة مكينش شي حانوت قريب نشري السكر نخطبو صافي أنا مجنونة رسمي : زارتنا البركة نهار كبير هذا الحاج نيمار هنا ـ ربي يخليك ـ شنو الموضوع اللي بغيتيني فيه سلم عليه زرب عليه مكاين لا باش نضايفك لا كيدايرة تعجبونا غير فالكاميرا : جيت عندك بخصوص موضوع الأب ديالك ـ نيمار صافي هاذ الموضوع غير نسايه ماكيأثرش عليا ـ لا أنا عرفت شكون مور هادشي بقى بدر مصدوم جبت التيليفون وريتو الفيديو : ولد الحرام أيمن هذا فين هوما دابا ـ خليتهوم باقي فسلا ـ عاقلة على العنوان فأكدال ـ عاقلة ـ يلاه وريه ليا ركبت مع بدر فالسيارة هو سايق و أنا حاضياه ثاني مرة كنشوف ملامحه وهو مركز منين كيكون جدي و معصب كيجي غزال و منين كيضحك و كيستهزأ خلاص أما منين كيعاود على معاناتو فكتحس بيه طقل صغير محتاج للحماية بقى كيسب و كيعاير ناري شتم ديالو شي زوين و مؤدب اااااهههه معيوري أنا ورجاء تحلف علينا كابرين فإصلاحية كتسمع غير طييييط كازا نيكرا بادي  تلقيت خبر نيمار بحال الصدمة أيمن ماكنتش أنا وهو صحاب ولكن ماعمرني تخيلتو يضرني لحتى هاذ الدرجة كتبان ليا سيارتو وصلات اليوم يا أنا يا نتا نزلت الهجوم البرشلوني تبعني : بدر ـ نيمار غير بقاي فالسيارة ـ لا بدر غنمشي معك استسلمت و تبعاتني دقيت فالباب حل أيمن الباب و بقى متفاجئ منين شافني : بدر ؟؟ ـ مالك متفاجئ مافرحانش بوجودي ـ لا علاش فرحان ـ إوا ماندخلش ـ لا بدر لقيتني خارج هاذي غير دار واحد الصديق ـ صديق و علا شنتا اللي حليتي الباب ماتسنيتوش يجاوب دفعت الباب ودخلت لقيت ب.... ماقدراتش تخرج ليا بقيت كنشوف فيه أول مرة نتلاقا بيه وجه لوجه كنشبه ليه بزاااااااف عيني تغرغرو بالدموع حتى هو وقف و بقى كيشوف فيا لحظات ديال الصمت أول لقاء بين الأب و ابنه بعد 30 عام ماعمري شفتو ولا شافني من غير فيديوات و تصاور مابقيتش قادر نبقى نشوف فيه تلفت عند أيمن : ماشي حشومة عليك أش غنكون كاع درت ليك حتى تضرني هاكا لقيتيه و خدمتيه عندك باغي دير فيه الخير ديري غير فواليديك و نتا من نهار تشهرتي مابقيتي زرتيهوم صحابليك غير نتا اللي عارف عليا الأسرار حتى أنا و لكن الفرق هو أنني مانشرت والو و نتا ماعرفت مانقوليك كملت معاه الهضرة و تلفت ل.. ل مكتبغيش تنطق ليا ماحاسش بيها : نقولو هو ماكيجيني ماكنجيه و نتا ماكفاتكش فصغري تخليتي عليا قبل مانشوف فالدنيا خليتيني نقاسي ظروف حياة صعيبة بوحدي و نواجه حياة بلا أب بلا ظهر يحميني كون غير كنتي ميت نقول راني يتيم بحالي بحال بزاف ديال الناس ولكن نتا كنت حي و موجود و منين كبرت نضتي كتنشر عليا الأكاذيب درتي يدك فيد العدو بغيت نعرف أش درت ليك حتى تجازيني ذنبي الوحيد هو أنا ولدك و بز مني كنحمل سميتك حبست دموعي ينزلو مكنحملش نبان ضعيف بقا أيمن و هو ساكتين مانطقو بحتى هضرة بغيت نخرج وصلت حدا الباب و تلفت : شوف آخر مرة تنشر هادشي كتسمع ولا ننشر الفيديو اللي كيتبث باللي نتا مور هاذ الفيلم كامل زدحت بالباب و تاجهت لسيارتي ركبت حطيت راسي فالمقود جلست نيمار بقات ساكتة وكتشوف فيا هزيت راسي و بقيت كنضرب فالمقود و كنغوث : علاش علاش أش درت ـ بدر عفاك تهدن ـ شكون خلاك ـ راه كيقولوها خوك فالحرفة عدوك ـ هادشي كامل على ود آش شهرة نجاح الوصول فلوس واش حتى لهاذ الدرجة ممكن الإنسان يولي رخيص ـ كاين اللي كيهمو غير الأضواء بقيت غير ساكت شحال عاد باش قدرت ننطق : شكرا ـ لا متشكرنيش هذا واجب و هاذي خدمتي ـ فاش كنحس براسي مخنوق و ماعندي حد كنلقاك فجنبي ==> بقيت ساكتة ماجاوبتوش مكرهتش نقوليه باللي أنا فجنبك و غنبقى ديما فجنبك غير حل عينيك وشوف فعيني غتلقا فقلبي حب كبير ماعرفتش واش أنا اللي مثلت الدور مزيان و خبيت حقيقة مشاعري ولا هو اللي كيتجاهلني و كيمثل عليا باللي مافهم والو ولا هو هاكا داير عندو الوذنين و مكيشوف والو مصيبة تطيح فشي واحد ماكيفهمش هاذ القفوزية كاملة و هاذي مافهمتيهاش وصلني بدر للجريدة و مشا ماكاين لا شكرا غنخرجو نتعشاو بجوج امتنانا لا والو كتحلمي بعيد يابنتي يانيمار سعيد عيقتي مابقيتش كنشوفك 5 دقائق كاملة داخل خارج ـ مالك معصب واش مقصر فشي حاجة ياك خدمتي كنديرها على أحسن مايرام ـ من نهار تعرفتي على ذيك الصحفية و نتا مشغول وليت كنبقى غير بوحدي ـ شوف كيفاش كتشكي بحال شي دري صغيور شاف ماماه كتديها فولد الجيران ههه غرتي و جاتك الوحدانية و بلاصة ماتدمر سير شوف ليك شي بنت الناس تعمر بيها حياتك ـ هادشي اللي بقى ليا سير سير راه واقيلة كتسناك ـ مكذبتيش هو هذا بيناتنا التيليفون خرج سعيد و بقيت جالس و ماعارف مالي فين ما كيهضر سعيد مع نيمار فالتيليفون ولا كنعرفو غيتلاقا معاها كنحس براسي فشي شكل مفقوس و مكرهتش نهرس ذاك التيليفون فاش كيهضر مكرهتش نعرض على نيمار للعشاء ولا نبقى أكثر وقت ممكن ولكن هي قلبها مع شخص آخر و كتبغي صاحبي و عشيري ماشي ولد الحرام باش نلعب عليهوم العشرة الله يكمل عليهوم بالخير صافي مالي كاع كنفكر فيها هي أصلا ماشي حتى ستيلي مابغاتش تحيد ليا من بالي ==> راه قلتليكم عندو الوذنين تيقتوني دابا وناري عليك يابدر واش مكتفهمش واش عامي واشنو حكايتك بقيت كنتسنى فرجاء باش نمشيو جميع : حبوبتي ـ صافي كملتي المكالمة يلاه زيدي ـ لا الزينينو غنتغذا مع سعيد اليوم ـ و أنا ـ كيفاش نتي ولدتك و نسيتك سيري بوحدك ماعارفاش الطريق ـ ياك يارجاء بنتي على حقيقتك ـ ختي هذاك زماني و راجلي غندير معاه الولاد نتي أش غندير معك السكر و العنوسة سيري ياختي خليني عليك بغيتيني نبقى أنا و ياك كندورو بهاذ التيليفونات عمرنا كامل ـ صافي قلبتي وجهك ياك كنا كنقولو غنديرو عرس واحد فنهار واحد ـ و بعريس واحد ؟؟ نتي راك زنزان شوية راك بنتي ليا مزال مطولة أنا راه قريبة نوصل لسن اليأس و ماكاين والو ـ صافي بركة اللي سمعت اليوم خليتها و غادا مقلقة بديت كنحس براسي بحال شي واحد تابعيني كندور ماكنلقى حد واش شي يعيش قصة التيتانيك و شي يعيش قصة Scream شي يعيش قصة حب و شي يعيش لحظة رعب بقيت كنزرب الخطوات و الإحساس بالخلعة كيزيد الأدرينالين رتافع عندي : وقفي جمدت فبلاصتي كندور كنلقى واحد الشمكار حاط عليا موس ناري أش بغا عندي واش عندي مايتسرق راه نبقا فيه راه هو اللي يساهم معايا ويقوليا دوزي خدمي معانا : أش بغيتي مني عفاك يا خويا متأذينيش إلا وجهي عفا كشوف أنا كيدايرة غير هاكا عاد إلى زدتي قستيني حشومة عليك ماعندكش خواتات بنات ـ لا عندي خواتات دراري كتقطعي فالقلب تندمي هذا اللي يقيسك شوفي تعاوني معايا و مانآذيك ـ شنو بغيتي ؟ ـ تيليفونك يالزوينة ـ أشمن تيليفون ـ ذاك السمارتفون اللي نهار و ماطال و نتي هازاه كتصوري بيه عباد الله ـ ماهزيتوش معايا سمع غدا إن شاء الله فنفس الوقيتة و فنفس المكان نتلاقاو و نعطيه ليك صافي تافقنا ـ ههههه والله راكي زعمة عايقة و كتفرجي فالهنود بزاف ماشي كنت معك ضريف تنوضي تركبي عليا ـ و عفاك أخويا الشفار ماسمعنيش و بدا كيتهجم عليا خطف ليا الصاك و بديت كنغوث و نبكي وشوية ديال التبوحيط حتى كنسمع صوت من اللور : طلق منها و نتا مالك أش دخلك سير ياخويا خليني نخدم فخاطري ـ راك إلا ماخليتهاش فخاطرها راه أنا اللي غنخدم معك واحد الخدمة زوينة و سير بحالك و لا نسيفط خويا فين يضرب العدس و اللوبيا ـ نتا زعمة غتخلعني ماشي غير حينت متلثي دور بوليسي غنبدا نقفقف منك ـ ماعمرك شفتيني واقيلة فدور سفاح سبحان الله ذاك الدور صرعتو حينت أنا فالداخل ديالي سفاح و قاتل محترف قرب ليه شدو من يدو و لواها قلبي الصغير لايتحمل و لايستطيع المقاومة إنه بطلي هرب ذاك الشفار و تلفت ليا : بخير دابا ستاغليت الموقف و بديت كنزيد فيه و كنتبوحط عليه : أيهي إيهي عرفتي غير حفظني الله و صافي أما راه مشيت فيها عرفتي صافي بديت كنحسب ساعاتي الأخيرة بدا كيشوف فيا و أنا كنمثل عليه دور الضحية و كنتنخسس بقا ليا غندير جنازة هو بقا غير ساكت ويلي هذا مالو ماتحركات فيه حتى حاجة زاد كملها و مجملها : هههههههه و الله راك ممثلة واعرة و تصلاحي تمثلي والله غير خاصنا نعطيوك شي فرصة ـ مالك كضحك عليا شوف حالتي تشفي العدو ـ وباز راه شفت بعيني هاذ الشفار ماكاينش بحالو و كان معك ضريف و ولد الناس راه نتي اللي كنتي غتعداي عليه ماشي هو ـ شفتي كلشي و خليتيني كنعاني ماجيتيش فكيتيني حشومة عليك هاذي هي الرجولة عندك ـ ههههه واش اللي شاف هاذ الفيلم مايبقاش واقف كيتفرج واش كاينة شي وحدة فهاذ العالم كتقول للشفار ماعندك ماتسرق حتى لغدا فنفس الوقيتة نتلاقاو و نجيب ليك التيليفون ـ عليها تدخلتي ـ واراه مكنتيش فخطر منين شفت القضية حماضت جيت كنجري و تدخلت ناري شحال فرحت بدر خاف عليا واش بصح هادشي اللي سمعت ولا غير تخايل ليا : بصح يابدر قول جيتي كتجري خفتي عليا ياك ماستحملتيش تشوفني فموقف خايب قولي عفاك بليييز واش بصح هادشي ماتخبيش بقا مصدوم وشوية طلق واحد الضحكة عالمية : هههه و الله حتى خيالك واسع نقصي من مشاهدة الأفلام مشيتي بعيد راه غير حسيت بالواجب تجاهك راه هاذ الشفار مسيفطو أيمن باش يسرقليك تيليفونك كل الأحلام تحطمات كان خايف غير على التيليفون وعلى الخبر اللي غيضيع منو : مكنتيش خايف عليا ـ ههه شنو هو نتي راني كنخاف منك بقا فيا الحال لهاذ الدرجة ماعندي حتى دور فحياتو زدت فحالي وبقا تابعني : فين غادا غنوصلك تلفت ودرت فيها واعرة : مامحتاجاش ليك قادا براسي كملت طريقي وأنا نسمع بوع غوثت و قفزت من بلاصتي درت وشديت ليه فذراعو (هههههههههه والله حتى نتي مسخوطة إنت معلم و إحنا منك نتعلم يالشلاهبية ـ مالك ياليلى راه خفت ـ خفتي احيانا عليك يالبوحطية و بيناتنا دابا مكينش شي حد غريب درتيها بلعاني ـ وحق سيدي ربي مادرتها بلعاني درتها بصح ـ والله حتى عرفتها ـ و من حقي الواحد هو اللي يستاغل الفرصة شديتيني بالهضرة خليني نعيش اللحظة تريكة الدراما ماعندوكمش مع الرومانسية بحالك بحال صاحبتي ) مهم نكمل ليكوم ليلى راه مسالية و خصها غير السبة شديت ليه ذراعو و بقا واقف درت فيها حتى أنا مصدومة و هادشي باش كيصلاحو الأفلام درت بحال شي ممثلات فاش كيطيحو فشي موقف محرج مع البطل : سمحلي ماقصدتش هههه كذبت عليه و أنا راه كنحسب الزاوية و فين ذراعو من أول خطوة تمشيتها بدا كيكحب بحال Gentil Man : كتوقع عادي طلقت ليه من ذراعو مسخوط الواليدين جرحليا مشاعري بقا غادي و كيسوس تحطمت أنا تأزمت ركبت فالسيارة و بقيت ساكتة و بدا بدر كيدندن مع الراديو و مامسوقش جاه اتصال و بدا كيجاوب وواخذ راحتو بحال إلى أنا ماشي حداه : وي حبيبتي سافا أنا الحمد لله دابا نجي علاش أنا دوز ليا اللقمة إلى مكنتش معك 15 دقيقة نكون عندك غير كنوصل واحد الصديق صديق ؟؟ بنت ليك باللحية دابا أما حتى الموسطاش راه حيدتو مكدوزش ليا اللقمة إلى مكنتش معك بغيتها توحل ليك فالركابي إن شاء الله : فين ساكنة ؟ ـ فسلا ـ هي الأخت سلاوية و كنقول هاذ التسطية غير ديال سلاويين ( و الله مكنعيركم يالسلاويين بالله هه أصلي سلاوية حرة و عشت فسلا والله حتى ميزة فينا هاذ الحماق أحسن حاجة فسلا هي ناسها تحية ليكم ) ـ بزاف عليك ناس سلا ـ هههه غير كنضحك معك بالعكس كيعجبوني ناس سلا مكتحسش بيهوم متصنعين شعبيين و ضحوكيين ـ هاكاك ـ غير المشكل اللي عندي هو داير مع شي ناس من هنا ل 15 دقيقة وخايف نتعطل ـ إلى مزروب وصلني غير لمحطة ديال الطوبيسات غنكمل لراسي ـ لا حشومة تجرجي فالطوبيسات ـ مسكين خايف عليا ـ لا أنا خايف على الشعب و المواطنين لا ضربي ليهوم البساطم نسيتي حرفتك القديمة طلع ليا الدم و بقيت ساكتة وهو كيضحك شوية كنسمع بدر كيغني مع واحد الأغنية ناري صوتو شحال غزال " أنا خوفي عليك مش منك خايف أنا والله أنا خوفي عليك خايف على قلبك يتخلى و أكثر من هيك أنا خوفي عليك" واش هاذ الأغنية مقصودة ولا غير حينت تطلقات فالراديو و جات بمحض الصدفة ياريت يكون قاصدها أنا أكيد كنضحك على راسي بدر غير نساه حسن ليا أنا مجرد شخص كيتناكر معاه وصافي : واو على ديسك شحال زوين ـ و يزوين ـ كيعجبك يانيمار ـ لا كيعجبني مولاه ـ اييه نقلة نوعية هاذي زياد برجي ـ مالي مانستاهلش ـ حاشة تستاهلي كل خير ـ شكرا بالمناسبة صوتك زوين ـ أنا متعدد المواهب ـ وقف هنا ـ صافي وصلتي ـ وي صافي شكرا ـ لا شكر على واجب مع السلامة مشا بدر بقيت مراقباه حتى مابقيتش كنشوف سيارتو و طلقت العنان لدموعي مع السلامة نتمنى تكون هاذي آخر مرة نشوفك فيها نهار على نهار كنزيد نتعلق بيك كثر و نتا ماشي هنا عارفاك ماشي ليا بغيت نطلب منك حاجة وحدة مانبقاش نتلاقا بيك حينت المرة الجاية مغنضمنش راسي واش غنتحكم فمشاعري ولا غنتفرش ==>نيمار هاذ البنت شحال ضريفة واخا أول مرة ماحملتهاش و لكن بنت الناس و ضريفة و ضحوكية أول مرة نتلاقا مع بنت ماشي متصنعة بنت الشعب حرة اللي فقلبها على لسانها منظرها مع الشفار مابغاش يتحيد ليا من راسي ههه كطلبو بحال شي درية صغيرة " و عفاك أخويا الشفار " ههه الاحترام زعمة سعيد محظوظ بيها نتمنى نتلاقا مع شي بنت بحالها واخا للأسف قلال بحالها البنات نساو باللي سر جمالهوم كيتمحور فطبيعتهم يكفيها غير أنها أنثى بلاش من ذاك النفاق الاجتماعي أول مرة يمكن نحسد سعيد على شي حاجة معرفتش واش كنبغيها ولا غير حينت كيعجبني نكون معاها ولكن الإحساس اللي كنحسو من جيهتها غريب و مختالف ولكن زوين كنفكر فيها بزاف كنضحك منين كنتفكرها كنرتاح منين كنلقاها حدايا خاصة فالمواقف الصعبة و كنحس براسي قوي و قادر نواجه أي مشكل فالحياة كنتوحشها هادشي عندو معنى واحد الحب يا بدر ولكن هي متعلقة بشخص آخر واخا بعض المرات كنشوف نظراتها كتقول العكس لا نيمار عزيزة عليا وصافي ماكاين لا حب لا والو مالقيت مانبغي غير نيمار البارصا مستحي
يتبــــــع 
الجزء السادس 
صفحتنا علي الفايسبوك

قصة بعنوان ... أحببت نجماً لامعاً .... الجزء الرابع

 

ضربت العياقة على الصحافيين معلوم و أنا اللي فايزة بحوار مع بدر باقي عايشة نجاح ضربة المعلم كلشي ولا كيغير مني و رجاء مسكينة مهمومة ماحيلتها للخدمة اللي معكسة ليها و حبيبها الودادي هاذ الدرية ماعندها زهر بان ليا البلان فإخلاص شحال متصنعة و كتكلف إخلاص نوبتك كنقلب ليها على شي خبر ساعة هاذ البنت كلها تافهة شغانعطيو للناس الحموضة براكة غير حموضة زملائي فالمجلة واحد كاتب خبر عليها " يبدو أن إخلاص معجبة بالنجم بدر فببادرة منها إخلاص أبدت إعجابها بصورة بدر على الفايسبوك و علقت عليها " و الله يعطيك المسخ نتا و أخبارك اللي دار جيم لشي واحد راه كيبغيه ولكن من نهار interview مع بدر ماكتبت شي خبر اللهم نقضي بتفاهات إخلاص " إخلاص عاشقة السيلفي أكثر من 100 صورة يوميا " اللهم هاذ الخبر ولا بلاش دايرة فيها أنجيلينا جولي و تواضعي معانا كتبان ليا رجاء جايا و تلاقات مع سعيد حظها سهات فيه كانت غتعكل و طيح و هو شدها لقطة رائعة بحال داكشي ديال الأفلام رجاء تزمكات و حشمات و سعيد كيسولها كيبقات و أنا كنتفرج فيهوم بالنسبة ليا مشاهدة قصة حب حية و قدام عينيك كتعطيني متعة كبيرة تقول أنا اللي عايشاها==>كتفرجي و عاجبك الحال أنا غنهجرو ليك مزال مابغات تسرط ليا قضية الحوار اللي دارت ليا هاذ نيمار هاذي ولكن ماتصورتهاش بهاذ الوقاحة أنا غندمها على النهار اللي حطات فيه رجليها فبيتي مشيت كنقلب عليها والو مابانتش : سمحيليا ـ النجم المتميز بدر هذا عرفتي أنا من أشد المعجبين بيك ـ شكرا عفاك نتي خدامة فجريدة " scoop " ـ وي الفنان ديالنا ـ معرفتيش فين ممكن نلقى ... نيمار ـ ويلي ا الفنان نتا كاع هذا زهر عندنا الحاج نيمار يجي لجريدتنا الحاج نيمار ؟؟؟ هاذ الجريدة مخدمة غير المسرفقين مال هاذ الناس : ختي أشمن الحاج نيمار علامن كتهضري ـ هذاك اللاعب اللي كلعب الكرة ـ حاج هذاك ختي أنا كنهضر ليك على ذيك الصحفية اللي دارت معايا interview ـ ميار غتلقاها غير مجلية فشي قنت كتقلب على شي خبار قولي كتهجم على شي واحد باش دير شي حوار من ذوك حواراتها هزيت تيليفوني لقيتها آخر خبر حطاتو هو واحد التصويرة ديال إخلاص صافي عرفتها فين كاينة مشيت و كتبان ليا واقفة غير شوفتها كطلع ليا الضغط : أيتها الصحفية الفاشلة مرحبا ـ هاذي هي السلام ديالك ـ لا ماشي لسانك فقط اللي طويل بل حتى يديك ـ أش كتخربق ؟ ـ كنخربق طلعي الساعة ـ الساعة ؟ على أشمن ساعة كتهضر ـ ماعارفاش الساعة ديالي اللي شفرتي منين دخلتي لبيتي ـ الله يخليك مانسمحش ليك تعايرني أنا ماديت ليك لا ساعة لا والو ـ فين مشات يلاه منين حطيتي رجلك فالبيت ماعاودات بانت ـ كون تلفات ليك و لا سرقها ليك شي حد آخر ـ شوفي راني نقتل روح على ذيك الساعة و دابا غطلعيها ولا نطلع ختي حتى للسما و نخبط بيه اختاري ـ اهياناري اللي شافكم فالتلفزة يقول هنا نبات أنا ماشفت لا ساعة لا غيرها و سير قلب على ساعتك و بعد مني وراك ماختعلنيش سمعتيني و هاذ الحركات سير ديرهوم على شي بوبية ميار هاذي و أجرك على الله ـ هذيك البليدة الحقيرة طلعي الساعة ـ الأخ هو اللي كيترجم لكمال فسامحيني براكة من هاذ الألفاظ ديال الويل و خليتو و زدت و الله حتى قاليك ديت ليه الساعة زوينة هاذي بنادم غير كيلوح الباطل مع أنا بدر عزيز عليا مور هادشي و ليت نحماق عليه هزيت تيليفوني نشوف جديد الصحافة أويلي واش هذا حماق أش هادشي كاتب " النجم المغربي بدر يفقد ساعته مباشرة بعد مقابلته مع الصحفية ميار " فضيحة هاذي هاذ الصحفي كنعرفو صاحب بدر أكيد هو اللي قاليه ينشر الخبر مصيبة مالي كنقفف بغا الحرب هاهو غيشوف " بعد مقابلتي مع النجم بدر تعرضت لكافة أشكال الإهانة من ضرب و شتم و سب و آخر الأخبار أصبح يتهمني بالسرقة " جمع صرفك ميار هاذي لعب بعيد هاذ المرة و أنا غادا كيبان ليا الممثل أيمن واقف و مجمع مع إخلاص خبر زين هاذي " ما الذي يحدث بين النجمين أيمن و إخلاص خاصة بعد إشاعة قصة حب بينها و بين بطل فيلمها الأخير بدر " نهار زين هذا مكرهتش نشوف ردة فعل بدر مور هاذ الخبر و البنت اللي كيبغي واقفة مع وحد آخر==> ردة فعلي واش هاذي بغات تحمقني أش هادشي كاتبة أنا ضربنتها أنا عايرتها لا مافيهاش هاذي مجنونة رسمي و لا بغات تجنني : بدر ياك لاباس ـ قرا شوف هاذ المصيبة أش كاتبة ثاني عينها فيا ـ ناشرة خبر على إخلاص و أيمن ياكمة غرتي ـ أشمن إخلاص ثاني قرا الفوق ا سعيد ـ ضربتيها ؟؟؟ حشومة عليك و الله ماشي لهاذ الدرجة ـ راه كذابة هذيك فين ضربتها ـ زعمة غير جات و كتبات ـ و ماشي شي ضرب الصراحة ـ ماماتش غير خرجو ليه مسارنو ضرب ضرب ـ هي اللي عصباتني ـ وزايدها كتهمها بالسرقة ـ لا هاذي دارتها هي مولات الفعلة ـ شفتيها ـ باينة الساعة غبرات من نهار حطات رجليها هنا ـ والله حتى حشومة عليك و نتي فضيحتيها فالمغرب كامل خاصك تخرج باعتذار ـ مالها باش جاتها ـ قرا اشنو كاتبين عليك الناس خديت التي التيليفون و كنقرا تعاليق الناس " زاد فيه على مكانة منوض الحيحة " " ماعندوش الحق يضربها " " هذا حال صحافة مساكن وسط تعجرف الممثلين ديالنا " هاذ الناس يشكروك و فلحظة يعيبوك كيبان ليا قفرتها زعمة ماكاينش شي حد جا من جيهتي طبعا الفانز عمرهم يتخلاو عليك " بدر ماديهاش فهضرة الناس هذيك غير ضريبة الشهرة راك طوب " " هذيك أصلا ماصحفية ما حتى وزة و هذيك مجلة تافهة بدر نتا ديما فالصف الأول و لو كره الكارهون " و تعاليق من هاذ القبيل : خاصك تعتاذر ـ لا ضروري ناس تهضر ولكن هادشي ماكيغير والو ـ بدر ـ سعيد صافي سد الموضوع أنا قلت الحقيقة واش كذبت عليها هي شفراتني ==>هذا شفتو داغي لبس ليا تهمة السرقة أشمن سرقة الله يهديه فثانية تحولت من صحفية محترمة لسارقة و عندي السوابق و هاذ الناس شحال كيتيقو دغيا ردوني شفارة ماخصهومش اللي ... أنا أش كنقول هاذي راه خدمتي كيفاش مايتيقوش اللي تكتب واش غنخدم أنا نبيع الزريعة مكنتش كيسحاب ليا نهار غنطيح ضحية الصحافة أنا وليت شفارة لصقات فيا التهمة ولا كولشي كيخاف مني فهاذ المهرجان لا ندي ليه شي حاجة أواااه حتى هاذ الدرجة ممكن الإعلام يأثر المديرة تاصلات بيا صبناتني : ميار فآخر أيامي صحفية من مجلة ديالي دير هاذ الفضيحة ـ غير سمعي ليا امدام ـ ماكاين مانسمع اويلي خاصك ساعة علميني نجيبها ليك ماتشفريهاش غير بلاتي حتى ترجعي خبار يجيبوه اللخرين دابا عاد عرفت شكون اللي سرق ذاك البراصلي ديالي منين تجي جيبيه معك ـ مدام ماديت و الو و اللله حتى بريئة ميمتي قفرتها خويا كيسيفط ليا مسجات ولا كيسميني غير السارقة الصغيرة ذيك 200 درهم غطلعيها دابا إلا 200 درهم و شحال من تهمة و جريمة قديمة وقعات فالدار تحملت أنا مسؤوليتها رجاء ولات خايفة على حوايجها أول مرة تسد الماريو ديالها : ميار واحد القميجة شحال مابانت ليا عفاك إلا خديتيها رديها ليا حتى هذيك قميجة نطمع فيها كلها كشفات بالصابون ماما حتى هيا بلاصة ماتجي من جيهتي دخلات معاهوم : ميار بنتي أخيرااا عرفت شكون كان كيسرق ليا الحلوة من السطل هذا نتي يافار الدقيق ماشي أنا لا بلاتي هاذ الجريمة أنا اللي درتها كلشي ولا كيشك فيا أي واحد كندوز من حداها كيقلب جيبو لا نكون هزيت ليه شي حاجة (ميار عفاك اختي مابانش ليك clavier ديالي ـ حتى نتي يا ليلى قلت باللي نتي متيقاني حينت شاهدة ـ الله لا يطيح علينا شي بطل شاهدة علاياش أنا محايدة و نتي كلشي متهمك عفاك ردي ليا clavier باغا نكمل الكتابة ـ سيري بعدي مني مانفعة فوالو حتى نتي منهم ـ زايداها بالغواث يالشفارة شوفي راه منين غنحط هاذ القصة غنسول واحد بواحد من القراء لا تكون مشات ليه شي حاجة ـ غبري) كلشي شاك فيا و نتوما حكمو واش فاش دخلت لبيت بدر ديت شي ساعة و ماتكونوش منهم حتى نتوما سيرتي على كل لسان ميار السارقة و راني صحفية نتا السبب نتا ياهاذ الممثل الفاشل==> حدك تما فاشل اللهم نكون فاشل ولا سارق زايداها بتخراج العينين يوم جديد فالمهرجان بدا بلقاء صحفي هاذ المرة خاص بالفنانين المنافسين فالدورة بحكمي أني من لجنة التحكيم جالس مع الحضور و هاذ الإدارة عزيز عليها تخلق الفتنة ماجابو حدايا غير نيمار عزيز عليهوم شي حاجة سميتها buzz نيمار حتى هي ماطلعات حتى هضرة تقول جالسة على قلبي الله يستر خنقاتني كنشوفها كنتفكر ساعتي مكرهتش نقتلها كتفقصني هي و سميتها و أنا ريالي حتى النخاع و جالس حدايا نيمار==> نيمار سميتي ميار الجاهل أش كتعرف نتا لشي أسماء هاذ الصحافة غير حاضيانة لا نوضو شي مضابزة درت عقلي و كنحاول نتهدن و مانديرش شي مصيبة بدا أيمن المقابلة الصحفية بخصوص الفيلم ديالو وهاذ خينا لي حدايا غير كيكنش فواحد الكتاب إدارة فاشلة كيفاش تخلي أمي بحال هاذا ماقادر حتى ينطق كلمة صحيحة فلجنة تحكيم أيمن كيجاوب على أسئلة الصحفيين سولوه على الفيلم و القصة ديالو و تجربة الإخراج اللي خاضها أيمن لأول مرة شوية دخلو معاه للسخون و واحد الصحفية من الطرف : شنو رأيك فالفيلم الأخير " الزين اللي فيك " و بعض اللقطات المسربة و اللي كانت مخلة بالحياء ـ أولا أنا مزال ماشفت الفيلم باش نحكم عليه شفت غير شي لقطات يقدر الفيلم يكون كيهضر على واحد الواقع اللي حنا كنحاولو نغطيوه منين نشوف الفيلم ذيك الساعة غنقدر نعطيك رأيي صدمني بجوابو هاذ أيمن كان عزيز عليا واش القيلم شوهنا فالعالم وهو كيقولو مانحكموش عليه حتى نشوفوه براكة غير داكشي اللي شفنا : مانحكموش على الفيلم حتى نشوفوه هاذا راه بغى يشوف لبنى أبيضار ماعينو ففيلم فكرت بصوت مرتفع بدر سمعني و بقا كيضحك : الناس تفرجو و عارفة أش كاين فالفيلم و لقطات ديال أبيضار ـ لا نتي زين زعمة ماتفرجتيش باش عرفتيني علاش كنهضر يلاه ـ أنا فمجال السينما و خاصني نكون على علم بكلشي ـ حتى أنا فمجال السينما العياقة الخاوية ـ أنا فيا العياقة وسنطيحة مع راسك أصلا نتا غير دري بحالي بحالك علاش غتحشمي مني أصلا ـ إوا قلاليتو يا رجال اللهم نعاونوكم شوية و ناخذو دوركوم باش نقادو المجتمع ـ بزاف عليك تقولي هاكا مالي بنتليك ماشي راجل ـ كيقوليك واحد المثل إنجليزي " الرجل الحقيقي لا يرتدي اللون الزهري " و أنا كنشوف حدايا جردة تبارك الله ديال الورود ـ مال اللون الوردي جا معايا حسن منك يا نيمار ـ اييه يا painter ـ وي painter و عمري بيها فمك ـ pink painter  كنتسنى غير فوقاش يسالي هاذ اللقاء مابقيتش قادرة نزيد دقيقة وحدة حدا بدر كتبان ليا نظرات بين رجاء و سعيد ثنائي جميل جاو مع بعضياتهوم سعداتها محظوظة واخا حتى وحدة فينا ماطلعات بشي مقال من هاذ اللقاء على الأقل رجاء لقات نصفها الآخر إمتى نوبتي حتى أنا قلبي الصغير لا يتحمل فين هو سعدي و ميموني أجي ندير الفال و ندور اللي طاحت عليا عليه عيني هذاك هو سعدي غمضت عيني و درت 1 2 3 بسم الله الرحمان الرحيم تفو على فال كيداير أش كيدير هذاك تما وزعمة بلعاني درت لليمين حينت كان فاليسار باش مايطيحش فيه فالي ساعة ماجات عيني غير فيه ممثل فاشل صافي اللهم نبقى بايرة حسن ليا و لا زماني يكون بدر خليني غير حدا ميمتي==> و أنا إلا كنت غنتزوج وحدة بحالك مامزوجش الالة من بعد ماحكمو عليا الكفرة بالله نجلس حدا هذيك 45 دقيقة كاملة أخيرا تحررت خرجت من القاعة اللي كان فيها اللقاء وقعات لبعض المعجبين و خذيت معاهم سيلفي خصوصا مع الجنس اللطيف أحسن حاجة فالتمثيل و الفن هوما المعجبين و بالأخص المعجبات شعور جميل تلقى ناس كيبغيوك و كيساندوك ناس اللي كتقدم ليهوم أعمال تعجبهم و هوما يقدرو العمل ديالك و يعطيو رأيهم (سمعتو ياللي كيقرا القصة ويهرب لا جيم لا كومونتير ) و أنا معروف عليا كنبغي الفانز ديالي و كنعطيهوم وقت راه هوما الربح و راس المال و من غيرهوم لا وجود لنا و على الطريقة الديكارتية " أنا عندي فانز إذن أنا موجود " شكون هاذي اللي جايا من المعجبات لا هاذي راه المعجبات كاملين شكون طالق البقر هنا ميمتي لابسة T-shirt فيه سميتي كتعيط بسميتي " بدر راك واعر " بدر راك واعر بدر الله يرحمك كنت ممثل واعر هاذي هي العبارة الصحيحة ماكاين حد هاذي غتاكلني ناري قاصداني نيشان و كتجري تسونامي جاي الأوطيل غيريب واش لحتى هاذ الدرجة كانت المعيشة رخيصة فبلادكم أنا مع غلاء الأسعار أنا مكرهتش يردو الخبزة ب 100 درهم الرشاقة الرشاقة ديرو شوية الريجيم تفرجو شوية فالتفاح الأخضر و تبعو النصائح و لا غير كولو التفاح باش تهضمو ميمتي قربات خاصني نفلت بجلدي علقت و شديتها بجرية ماتلفتش مورايا ==>هههههههههههههه مكرهتش كون غير كنت و نشوف بدر كيجري و موراه la vache qui rit فرصة لا تعوض : ميار حبيبة بغيت نطلبك واحد الطلب ـ ياك لاباس ا رجاء ـ الزين ديالي ياأحسن صحفية فالوجود ـ رجاء خففي ـ ميار نسيت تيليفوني فالبيت ممكن تجيبه ليا ـ سيري جيبيه لراسك ويلي منقشة ـ راه قلبي اللي تنقش فيه سمية ديال سعيد عفاك ا ميار بغيت نخلي حبيبي قدام عيني حسي بختك أمري لله خرجت من القاعة باش نجيب ليها تيليفونها من البيت و هي بقات مجمعة مع سعيد غادا غير بزز و كنكر شي يبغي و شي يضرب تمارة هذا سعد اللي ماعندو سعد بحالي ياربي حتى أنا لاقيني بشي واحد يملي عليا الفراغ فاش عايشة و أنا غادا كنتزادح مع شي حد يلاه غنهضر سد ليا فمي بيديه هبط ليا راسي و تخبينا مور واحد الشجر وجمع يدك يالباسل بدر تالف و كيهضر غير بشوية و كيتلفت أمالك ياك لاباس ـ شششش سكتي ماخاص حتى واحد يشوفني ـ مالك كتهضر بشوية سارق ـ لا السرقة نتي مولاتها ـ ياك و هنا طلعت نبرة صوتي وسمع ياسيدي بدر زير يدو على فمي حتى كنت غنتخنق كتبان ليا واحد البنت تبارك الله هيفاء وهبي المغربية بحجمها السابق قرب بدر مني باش مانبانوش لدرجة كنسمع دقات قلبو و أنفاسو على وجهي شي حاجة فيا لداخل تحركات وهو عاطيني جنب و كيشوف الوضع واش آمن أما أنا سارحة فكل حاجة فيه شعرو عينيه لحيتو اللي كانت مرتبة جسمو الرياضي كان وسيم وهو مركز فشي حاجة أنا بضيع ياوديع مالي أش جرا ليا : ياربي ماتشوفنيش بقيت كنتمتم و قريب روحي طلع ماشي حينت خنقني ولكن قربوكيشكل ليا الخطر وهنا بدر رخف عليا و بعد شوية و أنا كنحس براسي عاد تنفست : سمحيليا ـ واش حماقيتي كنت غتخنقني ـ راه أنا اللي كنت غنتخنق كون شافتني هاذي وهي كتبان ليا مستقبلاني بالأحضان ـ شكون ـ هاذ البنت من الفانز غير هربت ليها و صافي وهنا تحولت من ميار العاشقة لنيمار الشريرة أنا نيمار أنا شفارة أنا غنوريك ميار علاش قادا وهو مشغول كيراقب البنت أنا هزيت عرفتو شنو هزيت أكيد شكون من غيرو هاتفي صورت البنت و لأني حافضة كتبت فclavier اللي غيتكتب صورت بدر و publier مشات البنت بدر تلفت لقاني هازا تيليفوني و ضحكة شريرة : أش درتي ثاني ياهاذ الصحفية الفاشلة ـ مادرت والو درت غير خدمتي و صافي وزدت و خليتو غادي يطرطق ==>أش دارت ثاني هاذ البنت هزيت تيليفوني و كلي كنترعد " بدر يهرب من ملاحقات إحدى معجباته إنه شخص متناقض بكل معنى الكلمة " متناقض نيمار نيماااار نيماااااااااااااااااااااااااااااار باغا تسطيني واش مسلطها عليا شي واحد شنو كتبو الناس " والله حتى حرام عليه صافي غير حينت مسكينة غليظة هرب منها " مسكينة كاين شي مسكين قدي " طلعنا ليهوم الشان و هادشي باش كيجازيونا " قفرتها نتي السبب والله مانخليها فيك كنكرهك قد كرهي للبارصا و كثر غير بلاتي أنا غنوريك الضحك و اللعب الباسل : ألو خويا الزين سافا شحال ماكتبتي شي خبار غبرتي مهم سمع عندي ليك خبر بميكتو و عجبني نبغي اليوم تنشرو و فالصفحة الأولى و اللي بغيتيها تحضر هاذي غتجيب ليك تمام ا بنتي يانيمار نشوفو واش الهجوم دياللك غينفعك فرحانة بخبري اللي ولا فكل لسان المديرة عجبها الحال و أنا ماعجبنيش الحال ماشي هاذي هي الخدمة اللي كنت كنتمناها ماشي بحال هاذ الأخبار باغا نقدم باغا شي حاجة موراها هدف قضية موراها مغزى و كتوعي الناس ماشي هاذ الإعلام اللي كنت كنتمنى و اللي تافه بحال الأفلام ديالنا حتى حاجة مابقات عندها معنى أفلامنا خاوية و إعلامنا قاليها ماشفتي والو ولكن علاش اليوم كنقول هاذ الهضرة 3 سنين و أنا خدامة فنفس الخدمة و فنفس الظروف أخبار تافهة وحامضة اليوم شي حاجة تغيرات صورة بدر وهو قدامي مابغاتش تفارق بالي لا هو راه العدو ديالي مايمكنش نفكر فيه ميار ديما كنت قوية مالك اليوم نسيتي التحدي بيناتكم  وصل التيليفون بكري ـ سمحيليا ا رجاء كان عندي سبق صحفي ـ شفتك يالساطا محيحة منين جبتي ذاك الخبر ودار buzz اصاحبتي ـ راه قلتليك الصحفي لا يكشف عن مصادره ـ أجي نشوفو الصحافة أش كاتبة ميار تشهرتي يالساطا وراك فالصفحة الأولى ـ أوااه لحتى هاذ الدرجة أخباري مهمة أري نشوف أش هادشي قدامي اويلي فضيحة " الصحفية ميار و لا حديث لها غير الممثل بدر هل هو اهتمام أم حب " أشمن حب ناري ولد الحرام ناشرها فأكثر جريدة متابعة فالمغرب سيرتي على كل لسان و حتى الناس اللي بانو ليا غيساندوني و يوقفو معايا هوما أول ناس عطاوني الضهر زملائي فالجريدة بلاصة مايدعموني هوما كيزيدو فنشر الخبر والمديرة عاجبها الحال رجاء بقات كتشوف فيا : ميار ياك أنا صاحبتك ـ معلموم ـ نتي تشوهتي تشوهتي و أنا شحال ماخدمت و حينت أنا صاحبتك خليني ننشر خبر كنهضر فيه على مدى حبك لبدر واش هاذي حمقة ولا هبيلة ولا شنو واش باغا تسيفطني : نتي أش كتقولي تشهري على ضهري و الغدر هذا ماشي حشومة عليك ـ ميار ـ بعدي مني صحبة ديال والو خرجت صاعرة و كلشي كيشوف فيا وصلت للقاعة اللي غيبدا فيها واحد اللقاء لقيت بدر مستقبلني بالابتسامة زدت كرهت راسي ماشي على ود الخبر و إينما حينت وسط كاع هادشي اللي دار فيا ماقدرتش نحقد عليه و قلبي ضرب بطريقة جنونية منين شافو ضحكتو شحال زوينة وقفتو و إطلالتو ساحرة يقدر يكون داكشي اللي كتب بصح وصلت حداه تجاهلتو زدت و كملت طريقو شد ليا يدي و عارض طريقي : مال نيمار ميك علينا و براكة ماتخبي كشفاتك الصحافة ـ نتا عارف و أنا عارفة باللي هادشي كذوب ماشي حشومة عليك كتنشر الأخبار كاذبة ـ نتوما زعمة ملائكة بقى فيك الحال ماعمرك فكرتي واقيلة فهادشي منين كنتشريه على ناس آخرين راه كلنا بشر و كلنا عندنا نفس الإحساس الإحساس اللي كتحسي بيه دابا هو باش كنحسو منين شي واحد كينشر علينا إشاعات الفرق أنك أول مرة تحسي بيه و حنا ولفنا بيه طلق ليا من يدي وزاد و خلاني عندو الحق حنا ديما كنشرو الأكاذيب على الناس عرفتو ذاك الإحساس فاش مكتكونش داير شي حاجة و كلشي كيشوف فيك شوفة ناقصة من سارقة وليت بنت كطيح من قيكتها باش توصل لشخص كتبغيه ماغنخليهاش فيك يا بدر فيدي كانت الورقة الرابحة فيديو للأب ديالو وهو كيسخط عليه علانية اليوم نستاغلو هذا فيديو قديم طاح من بين يدي " أنا آخر شخص نتغرم بيه بدر شخص اللي الأب ديالو ساخط عليه " حطيت الفيديو و بوبلييت الخبر ولكن المفاجئة أن الخبر ماتحطش المديرة مزال عايشة على البوم اللي دار خبر اعجابي ببدر أش هاذ الزهر==> نيمار يا نيمار واااو على لقطة فاش شفتك مقلقة منين سمعتي هاذ الخبر عجبني الحاااال مشيت ندوش منين خرجت كنلقى سعيد كيخنزر فيا : صافي تهنيتي وصلتي لغرضك ـ هي اللي بدات ا سعيد ـ ها ساعتك اللي فاضحنا بيها ـ عطاتها ليك ـ بدر راه الساعة كانت غير مجلية فالغرفة هزيت الساعة و بقى فيا الحال حينت تاهمتها ضميري أنبني و ماحملتش راسي خاصني نصلح خطأي  بقيت مقلق و طالع ليا الدم ماعجبنيش الحال بقيت كنقلب على نيمار باش نعتاذر منها مالقيتهاش بانت ليا غير صاحبتها مشيت باش نصولها عليها : سمحيليا ـ أهلا بدر ـ بغيت نسولك على صاحبتك مابانتش ليك ـ كاينة فالجردة ديال الأوطيل ـ شكرا خرجت نقلب عليها و أنا كنلوم راسي على تسرعي بانت ليا جالسة و مقلقة رديتها سارقة و كتبغيني وهي مادارت والو من غير خدمتها فعلا زادت فيه و لكن كتبقى هاذي هي الخدمة باش عايشة : مالكي ياكمة البارصا خسرات شافت فيا بعيني فيهوم الحزن بقات فيا بغيت نلطف الجو مالكي كتشوفي فيا وراه الريال محيحة عليكوم هاذ العام بغات تنوض شديت ليها يديها : عفاك بغيت نهضر معك ـ أش بغيتي ؟ ـ بغيت نعتاذر على كل سوء درت ليك ـ اعتذارك مرفوض ـ عفاك ندير اللي بغيتي غير سمحي ليا ـ تخرج بلقاء تكذب فيه هادشي كامل ـ مانلقاش حسن منك بداي مقابلة و أنا نشرح فيه هادشي كامل و نيت باش ماتخسريش خدمتك ==>بدر هذا سبحان مبدل الأحوال استاغليت الموقف و رديتو لصالحي صافي هاذي فرصتي : موافقة يلاه نبداو الحوار غادي نسجل الهضرة و نردها مقال ـ على بركة الله ـ السلام و عليكم بدر أول سؤال شحال من كارو كتكمي فالنهار ـ واش نتي حمقة باغا تنقذي خدمتك و تخرجي عليا ـ ماعرفتش راه تالفة ماعرفت مانكتب ـ كتوقع فأحسن العائلات غير تهدني خوذي نفس و أنا غنعاونك ـ شكرا و هنا غنبدا حوار مع بدر اللي غيغير نظرتي ليه و نتعرف على بدر جديد : أولا كنبغي نشكرك على الحوار و نتمنى نكونو خفاف الظل على القراء ـ الشكر ليك و مرحبا بيا عندكم ـ بدر بغيت نبدا معك من الأول و نهضرو على بداياتك بدر كيفاش حتى ختار التمثيل ـ هاذ السؤال ديما كيتطرح عليا أنا ماعمرني كنت نتخيل شي نهار غنكون ممثل أنا ماعمري قريت السينما و لا الفن قريت شوية المسرح و شاركت فبعض العروض و لكن إلى قسم ليك الله شي حاجة غتوصليها ـ النهار الأول فاش مثلتي كنت كتوقع غتوصل لهاذ الشهرة ـ كان عندي حلم و هدف و الحمد لله بحب الجمهور وصلت ـ شنو هو الدور اللي يمكن تكون ندمتي عليه ـ لحد الآن الصراحة ماعمرني ندمت على شي دور أي نعم كاين شي أدوار مون تعرضات عليا دابا مانوافقش عليها حينت ماعطات حتى شي إضافة و لكن الدور اللي ندم عليه و مكرهتش نحيدو من سجلي لا ماكينش أغلب الفنانة كيطيحو فهاذ المشكل فالبدايات الحمد له بدايتي كانت صحيحة ـ كنشوفوك بزاف فالأعمال العربية و لكن سبب غيابك من هاذ الأعمال فرمضان وهو موسم الذروة ـ لأن أغلب الأعمال اللي كتقدم ليا ماكتحتارمش قدسية الشهر الكريم و بعض المشاهد و بعض الفنانة مايصلاحوش يكونو فرمضان إلى كنا غنقدمو أعمال بحال هذيك و يتفرجو فيها ناس غير بلا مانصومو حسن ـ حتى محليا ماكتبانش بزاف فرمضان قليل ـ حينت ماكيناش أعمال جاهزة واش كيبقاو حتى كيعلنو فالأخبار باللي رمضان غدا عاد كيبداو يصورو زرب زرب الخدمة ديال كوكوت و قدم للمشاهد c normal تكون الحموضة و داكشي ماكملش واش نتا كتصور الحلقة فالصباح و كيتعرض فالعشية ـ فعلا للأسف هادشي ولا كاين بزاف نبقاو فالمغرب و بعض الاتهامات اللي كتوجه ليك على أنك متخلف سينمائيا ـ صراحة نفضل نكون متخلف سينمائيا على نقدم السينما الحالية فاجئني بدر بجوابو للحوار بقية
يتبـــــــع 
الجزء الخامس
صفحتنا علي الفايسبوك

قصة بعنوان .. أحببت نجماً لامعاً .. الجزء التالت

 

فقت فالصباح و كندور فالفندق مشينا للقاء الصحفي اللي نضماتو إدارة المهرجان للجنة باش تقدم برنامج المهرجان هاذ الدورة كلشي وصل فالوقت إلا النجم ديالنا المتألق شحال قدنا نتسناو هاذ الأمير الشاب أخيرااا وصل : شوفي ياختي هذاك الممثل بدر شحال زوين ـ رجاء كتبيها فمقال حسن كاع اللي فهاذ القاعة سمعوك ـ شوفي ياختي ذيك باربي اللي مثلات معاه لا زين لا مجي بكري غير الماكياجات حتى حاجة ماديالها الشعر و الشفار و العدسات كلشي مركباه ـ اللي سمعك البارح يقول هاذ البنت غتنوض و تعطيها غير للخدمة و نتي تبعي مع اللجنة باش نكتبو شي خبار فالمستوى لا نصدقو راجعين بلا خدمة و ذيك الساعة شوفي واش بدر و لا إخلاص غينفعوك ـ عرفتي هذاك اللي جالس القدام راه مدير أعمال بدر كيحمق ياختي ـ ياربي عطيني الصبر مع هاذ البنت إلا ماغاراضك فهاذ اللقاء خليني نركز كنرغبك ـ صافي هاهي ساكتة جاوبات اللجنة على كاع تساؤلاتنا و حتا حنا تكايسنا معاهم و مادخلناش فالحياة الشخصية و سولنا فقط فأمور المهرجان و جديد هاذ الدورة سالا اللقاء و خرجنا و أنا مارضياش على هادشي اللي كتبت أخبار عادية و كلشي كتب بحالها خاصني شي حاجة مختالفة كيبان ليا بدر شحال مغرور كياخذ سيلفي مع الناس بحال إلا غير بزز شي حاجة شاغلاه بان ليا مشى بعيد شوية كيهضر فالتيليفون و بحال إلا معصب و هو غادي طاحت ليه شي حاجة خاصني نهزها قبل ماطيح فيد شي حد آخر لا مايمكنش يكون طيح حاجة بهاذ القيمة ورقتي الرابحة طاحت بين يدي بدر طيح la carte باش كيحل الغرفة وهاذ la carte هي نفسها اللي غتحل ليا أبواب الشهرة و المجد و نقدر نفوز بجائزة أحسن سبق صحفي على هادشي كنت كنقلب ماخصنيش نضيع الوقت بلا مانفكر مشيت نيشان لغرفة بدر فالفندق شفت من على يميني و على شمالي مابان ليا حد حليت الباب و دخلت مامصدقاش أنني فغرفة بدر سديت الباب من مورايا باش نقلب على راحتي حليت الماريو و أنا كنقلب على أي حاجة شحال ديال les produits مستفين و أنا اللي بنت ماعنديش هاذ الكريمات كاملين يلاه بغيت نصورهوم و تراجعت إلا صورتهوم باين دخلت للغرفة و أنا بغيت شي خبر ماينوضش الغبرة و يلفت الشكوك شحال مرتب هاذ السيد كلشي فبلاصتو و كلشي نقي حسيت بالإحراج غير نرجع للدار حتى أنا نقاد حوايجي و نولي مرتبة دار فيا النفس حتى حاجة مامهمة بان ليا واحد الملف فوق السرير بلاه بغيت نمشي نشوف شي حد كيحل الباب تخبيت مور واحد coin و كندعي الله مانحصلش : ==>شكرا بزاف و الله ماعرفت كيفاش حتى طاحت لي la carte ـ مافيها باس ا سي بدر ـ نسيت واحد الملف مهم شكرا بزاف و خرج السيد و أنا هزيت الملف يلاه بغيت نخرج كتبان ليا شي حاجة غريبة فهاذ الغرفة لا هاذ الباب خليتو مسدود ياكمة شي واحد طاح على la carte بديت كنقرب و كنقلب حينت شبه متأكد أنه كاين شي واحد يلاه وصلت حدا واحد coin : بدر من صباح و أنا نقلب عليك يلاه اصاحبي الناس كيتسناو ـ أوك سعيد هانا جاي==> الحمد لله ماحصلتش شكرا ا سعيد خاصني نخرج ولكن فضولي ماهنانيش كيبان ليا واحد ألبوم ديال الصور هزيتو فيدي و أنا كنقلب فيه تحل الباب للمرة الثانية  والله حتى كنت متأكد باللي كاين شي شفار هنا و لكن مكنتش كنظن غنلقى شفارة ـ شفارة سمحلي راك غالط ـ و شنو بغيتني نسميك و نتي مسلتة و داخلة لبيتي فراسك نقدر نرفع عليك دعوة ـ على مالي شنو درت نتا اللي ضيعتي la carte و القانون لا يحمي المغفلين ـ مغفلين دايراها قد راسك و زايداها بتخراج العينين شوفي ياهاذ الشفارة ـ حبس حبس راك غالط أنا ماشي شفارة الله يخليك راك كتهضر مع صحفية قد الدنيا ـ صحفية ؟؟؟ باين داير الحوادث راك كسيدة حارة ـ لا صحفية فالمجال فني ـ فالمجال الفني ؟؟ و ختي هاذ الدومين اللي فيه ناس بحالك نعتازل منو دابا طلعي la carte ـ هاك ندمتينا ـ لا nationale la carte ديالك ـ أش بغيتيها ـ من الأحسن ماتعانديش معايا نتأكد من هويتك ـ هاهي ـ هذي نتي ذيك الصحفية الغبية نيمار ولا عرفتش كاع سميتك نيمار قالي نيمار أنا موالفة الناس يشبهوني بالولاد و لكن هاذي جاتني فشكل : و الله نيت غير نيمار صافي صحفية غبية باغا تشهر بأي ثمن و ذيك المجلة التافهة و الأخبار ديالها ديال الكذوب ـ لا نتا اللي مطفرو و نتا كنشوفوك من رمضان رمضان بحال الزلايف فذوك السكيتشات الحامضين ممثل آخر الزمن ـ شنو ذنبي أنا إلا مكتعرفيش شي حاجة سميتها السينما أصلا أنا ميشرفنيش تفرج فيا وحدة بحالك جاهلة و مكتعرفش للفن ـ على زينها أفلام كتقدم لا نتا و لا ذيك الشركة فاش خدام ممثل فاشل و أفلامك دون المستوى بقينا كنتاكرو ستاغليت الفرصة جبدت تيليفوني بلا مايحس و حينت حافضة تيليفوني كنخدم فيه بلا مانشوف فلحظة كنا على الهواء مباشرة قدام ملايين المتتبعين : السلام عليكم مشاهدينا الكرام في هذا الحوار الحصري و المباشر مع نجم النجوم الممثل الرائع بدر بقى كيشوف فيا مافهم والو كملت على هضرتي أنتم معانا مباشرة على الهواء بدر كلمة لجمهورك عرف بدر باللي وحلتو فلقاء مابين والو : السلام و عليكم و أنا جد سعيد بتواجدي معكم ـ شكرا ليك بدر أولا كنهنئك على نجاح فيلمك الأخير اللي كان أكثر من رائع أصلا تبارك الله أفلامك كلها ناجحة بدر معجب فيا و فرأيي اللي بدلت حتى هو جاوبني جواب صدمني : الحمد لله على النجاح اللي بفضل الجمهور و بفضل تغطية الجرائد و مجلات بحال مجلتكم المحترمة اللي أنا من أشد المتتبعين ليها ـ حتى حنا فرحانين بيك و من أشد المعجبين بأفلامك ـ يشرفني يكون عندي متتبعين ناجحين و كيفهمو فالفن بحالكوم ـ بدر ممكن تعاود لينا شوية على الدورة و على دورك كعضو لجنة تحكيم ـ المسؤولية صعيبة و الأفلام كلها فالمستوى صعب الاختيار و لكن فيلم واحد اللي كيربح و الدورة من أنجح دورات المهرجان ـ ممكن تعطينا سكوب على مشروعك القادم ـ فيلم غيكون عبارة عن قصة تاريخية ماندخلش فالتفاصيل أكثر ـ حنا كنتاظرو بفارغ الصبر ـ شكرا لدعمكم الي لولاه مانوصلوش لهادشي ـ كلمة لجمهورك اللي كيبغيك ـ حتى أنا كنبغيه و كنحييه و كنقوليه شكرا على الدعم ديالو نتمنى ديما نكون فالمستوى و تحية ليك ماشاء الله صحفية متميزة ـ شكرا ليك بدر و إلى اللقاء كملنا ـ وي صافي سالا الحوار تبارك الله عليك كنت متميز ـ واش نتي حمقة و حلتيني فلقاء ـ عندك شي دليل ـ دليل علاش نتي خليتي ليا فرصة فين نرفض و نتي ديريكت لونسيتيني فالهواء ـ بخاطرك ـ بخاطري ياك و حتى هادشي بخاطرك شد يدي ولواها : واش دابا مزير عليك ـ ضريتيني ـ علاش ا نيمار معجباتكش هاذ اللحظة الرومانسية آخر مرة كتسمعي ديري هاذ التبرهيش ولا المرة الجاية نحشمك على الهواء ـ طلق من يدي ضريتيني ـ خرجي برا مانعاودش نشوفك سمعتي و إلا شفتيني فالفندق قلبي الدورة خرجت من غرفتو و أنا كنتحلف عليه : واخا كتجري عليا غير بلاتي ==> صحفية حمقة و الله حتى وحلاتني فلقاء فآخر أيامي غنبان فجريدة تافهة بحال هاذيك يلاه جبت واحد السيجارة و خي دخل عليا : لا التدخين مضر بالصحة و نتي قدوة لبزاف ديال الشباب ـ سيري بحالك خرجي عليا اللي شافك ماشي غير الكارو اللي يتبلا بيه و أخيرااا خرجات سديت عليا الباب اللي عطا الله عطاه نشوف الناس كيفاش جاهوم الحوار هزيت تيليفوني طحت على الفيديو فيوتوب وصل ل 2000 مشاهدة فأقل من دقيقة إنجاز عظيم " بدر دائما متألق " " بدر النجم اللذي أحب كلشي فيه زوين " " شحال متواضع و فنان موهوب و أفلامو رائعة " بعدا الحمد لله التعليقات فالمستوى غير بلاتي يا نيمار و الله مانخليها فيك ديما ريال ==>وصلوني اتصالات من عند المديرة عجبها الحوار اللي درت كتبان ليا رجاء مغوبشة و طالع ليها الدم : مالكي ؟ ـ هذيك المغرورة ديال إخلاص ـ مالها أش دارت ـ بغيت ندير معاها لقاء جرات عليا و قالت لي باللي جريدتنا ماشي فالمستوى ناري باينة المديرة غتجري علينا مافيهاش ـ ماتخافيش مافراسكش واقيلة ـ أشنو وقع ؟ ـ شوفي الموقع ديال الجريدة و تعرفي جبدات رجاء تيليفونها و كيبان ليا خرجات عينيها فيه " في سابقة من نوعها بدر يخرج فلقاء صحفي مع المتميزة ميار " ميار درتي interview مع بدر ـ كيجيتك ـ كيف درتي ليها ـ الصحفي لا يكشف على مصادره ـ عفريتة ياختي و لكن وصلات للمديرة ـ معلوم و هنأتني بالمناسبة وواعداتني بمفاجئة ـ ميار هذا أحسن خبار سمعتو اليوم هذا أحسن خبار سمعتو فحياتي ماشي غير اليوم نتي و سعيد أغلى ناس عندي ـ واش حماقيتي أنا اللي كتعرفيني عمرك كامل فثانية وليت بحالي بحال سعيد اللي يلاه شفتيه البارح ـ ولكن راه و ليت كنبغيه ا ميار ـ مسكينة حب من أول نظرة هادشي ـ واقيلة و حنا كنهضرو على سعيد حتى وقف علينا جاب الله كاين الله و كنت واقفة حدا رجاء أما كون راه سخفات و تفرشات : سمحوليا ياكما خلعتكوم أنا اللي كنجاوب و نهضر أما رجاء غير كتبحلق فيه و صافي : لا ماكاين مشكل باش نقدر نخدمك ـ ماديروهاش مني قلت الصواب راه هاذ البلاصة interdit يوقفو فيه الصحافة ـ لا شكرا حينت علمتنيا مشى سعيد و بدات عاطياها رجاء للبكاء أويلي هاذي مالها : رجاء رجوع لله ا حبيبة مالكي ـ شفتيه أش لابس ؟ ـ لا مارديتش البال أشنو لابس ـ T-shirt ديال الوداد لا صافي أنا غنضيع علاش سميتوني رجاء علاش بقيت حابسة ضحكة واخا هكاك بقات فيا رجاء هذا حتى فالخدمة لابس توني ديال الوداد باينة فيه ودادي حر و هاذ الصكعة ماجات سميتها غير رجاء
يتبـــــع
الجزء الرابع
صفحتنا علي الفايسبوك

قصة بعنوان أحببت نجماُ لامعاً .. الجزء التاني

 
النااااااس عاوتاني مانتقادوش معاهوم لا ماشي غير مشاركين فالمهرجان الدولي للفيلم بمراكش بل من لجنة التحكيم بدر و الله غتصعب القضية للنجم اللي يبغي يهز المشعل من موراك ـ هادشي مكيجيش من فراغ بل من عمل و سهر و فشل و نجاح عرفتي شحال من خطوة خاصك تدوز منها باش توصل ـ إحساسك و نتى من jury ـ لا والله صعيبة ماشي بحال كتقدم عمل و كتسنى ردة الفعل دابا خاصك تعطي رأيك فشي عمل ويقدر ميكونش كلشي كيشاركك نفس الرأي و شاف الفيلم من نفس الزاوية اللي شفتيه نتى يعني المسألة فيها التكليف كثر من التشريف ـ وي عندك الصح مي نتا عطي رأيك بكل شفافية و صافي سمعت باللي غتكرم فالمهرجان ـ الحمد لله و حتى فيلمي الجديد مشارك و الله كنت خايف بزاف خاصة مور رأي النقاد مي كلشي داز بخير ـ لا فيلمك كان باين زوين و راني قلتها ليك غير هو خاصك ترد البال شوية من هاذ الأخبار المنتشرة فالأيام الأخيرة كلشي كيهضر غير على هاذ الأب ديال بدر و حقيقة الأمر ـ سعيد أنا ماعندي مانشرح للناس كل ماكيهمهم الأعمال اللي كنقدم نخليك دابا غنمشي نزور الواليدة قبل مانسافر كاعمة عرفتكوم على راسي مزيان كل اللي كتعرفو عليا أنني ممثل أنا ولد حي شعبي من أسرة فقيييرة ماعمرني كنت كنتصور شي نهار غنولي ممثل و لا مشهور سبحان الله الأقدار نقدر نقوليكم على راسي باللي قدرت نحقق أحلامي و كثر قصتي عنوانها الإرادة الطموح و عدم التسوق لهضرة البشر كنت زرك فالدراسة الباك 3 سنين و ماديتوش و لكن كنت مجهد فالمسرح كنت كنعطي فيه بالصبر و العمل العزيمة و الإصرار قدرت نولي من ألمع نجوم الشباب إلا ماقلناش je ss le premier et le meilleur بدون منازع النجم الوسيم المتميز هاكا كنبغي نسمي راسي كيتاهموني بعض الناس بالغرور مابانش ليا أنا أنا عايش مع الواليدة ديالي و خوتي أنا هو الصغير أما الأب مكنبغيش نهضر فهاذ الموضوع واخا الصحافة مكتخلينيش فخاطري أنا داير عقد مع واحد الشركة الشروط ديالها مانخرجوش الأسرار حتى الكاشي اللي غتاخذ فالفيلم و أي تراجع من طرفك كتخلص الشرط الجزائي كنقدم أعمال محترمة واخا بعض الناس كيلوموني على بعض الأعمال اللي كتنتجها الشركة لفنانين أخرين و لكن أنا أش دخلني وصلت للدار و مشيت نجمع الحقيبة باش نشد الطريق لمراكش الحمراء : طريق السلامة اولدي ـ الله يسلمك تهلاي فراسك و فخوتي و إلا حتاجيتي أي حاجة تاصلي بيا ـ لا ولدي علاش نتا مخلينا نحتاجو لشي حاجة أنا راه إلا كنطلب شي حاجة نطلبك أولدي دير دارك وولادك ـ صافي غير هادشي اللي كطلبي ساهلة الدار درتها الحمد لله و الولاد حالهوم ساهل ـ الله يمسخك كلشي عندك بالضحك شحال قدك ماتهرب أولدي راه خاصك تزوج شحال غنعيش ليك ـ ماتقوليش هاكا الله يطول فعمرك حتى تشوفي ولاد ولادي إن شاء الله ـ اللهم أمين
ماما فين الشانطة ـ غتلقايها فبلاصتها ـ و الله يعفو عليا منكم ياهاذ العائلة و الله يخليها قاعدة واش ا عباد الله شانطة وحدة فهاذ الدار كنتناوبو عليها ـ زعمة غير شادين الطريق غير كنسافرو مامساليينش ياك غير نتي اللي كل مرة فقنت بسيف ابنتي ماتزوجيش واش نتي عارفة شي حاجة سميتها استقرار شكون هاذ الراجل اللي غيقبل بوحدة غير فالطرقان تقول كتسوق الكار ـ كملتي المعيور كملتي المواعظ فين الشانطة السؤال اللي محيرني دابا ـ فين غتكون راه تحت الناموسية و بشوية راه فيها شي وراق عنداك تلفيهوم و فيها قفطاني اللي عاد خيطت و جلابتك اللي كتلبسيها من رمضان لرمضان عندك تكمشيهوم و حلي الجيب راه فيه شي فلوس ـ هاذي شانطة ديال الحوايج و لا coffre fort الواليدة هادشي كامل فيها ـ بركة من الهضرة و سيري جمعي حوايجك ـ كتجري عليا ياك الواليدة فين غنمشي غنولي عرضة للتشرد ـ ميار نحسب لحد 5 نلقاك قدامي راك عارفاني أش غندير و هربت خوفا من قرصاتها و مشيت كنجمع حوايجي باش نشد الطريق لمراكش المدينة الأشهر فالمغرب و العالم و قبلة لعديد من نجوم السينما عندي إحساس قوي أن هاذ التسفيرة غتجيب ليا النفع و غنقدم أخبار متميزة و حصرية و غنكون أنا صاحبة الترقية من عند المديرة و بديت المهمة المستحيلة نجمع حوايجي فالحقيبة من أكثر الأعمال اللي مكنحملهومش حينت كلها فين مشتت و بديت عملية ابحث على ملابسي بحال إلا تقول كندير عملية التنقيب عن النفط : ماما مابانش ليك سروالي ديال الدجين هذيك السيفطمة الحمرا فين هي شحال مابانت ليا ناري ماتقوليش ليا ذيك القميجة البيضا باقا فالماكينة و ماتسبناتش ـ بدينا ثاني و تعلمي تجمعيي شراوطك فقنت واحد و نتي كلك مشتتة القميجة مزال ماصبناها نتي محنية يديك صبنيها والدة زوفري حليت طبقتي فالماريو باش نجمع حوايجي غير شفتها تفكرت إيطاليا و معلمة برج بيز المائل كنحاول نجبد الحوايج بلا مانطيح شي حاجة حينت مافيا مايجمع على أساس أنني مولفة نجمع حوايجي و أخيرا كملت المهمة و هاهي الشنطة موجودة مشيت نتعشى حينت فهاذ العشية غنشد الطريق للمدينة الجميلة خويا يرمقني بنظراته اللي فهمت القصد منهم : مالنا على هاذ الشوفات راني خدامة ماشي غنسافر باش نتسارى و نتوما غير الشك على الخاوي ـ واللي كنعرف باللي المهرجان غيبدا حتى نهار الجمعة باقي ليه 4 أيام ـ إيوا راه حنا ماشي زوار راه خاصني نكون فالتغطية من الأول حتى الأخر راني صحفية ـ شفتك الزوينة واثقة من راسك صحفية نتي هي رايا أبا راشد و نتي نوضي شكون عرفك لا نتي و لا ذيك المجلة ديال الخوا الخاوي جرعات من التشجيع و الدعم هذه هي الأسرة المغربية السعيدة و التي تهتم براحة أبناءها و لكن الله يخلي ليا الأب ديالي هو اللي مقدرني : خليو صحفية ديالي فالتقار بنتي الله يوفقك ـ أمين ياأحلى أب فالدنيا أسرتي كتكون من واليدية و 3 ديال خوتي دراري داكشي علاش خرجت عقليتي ذكورية شوية أنا البنت الوحيدة داكشي علاش مفششة لا باين فشوش هذا نيت هاكا كيكون الفشوش بدر عاش من شافك كنتلاقاو غير من مهرجان لمهرجان ـ و الحمد لله منين كاينين بحال هاذ المناسبات فين كنتلاقاو ـ سمعت شي هضرة و بغيت نتأكد ـ أشنو قالو عليا ثاني ـ قالو باللي كاينة شي علاقة بينك و بين البطلة ديال فيلمك الأخير ـ حتى أنا سمعتها كانت بيناتنا واحد الكيمياء زوينة فالفيلم لدرجة أن الناس عتاقدو باللي أدائنا كان حقيقي و ماكناش كنمثلو و لكن إلا كانت شي حاجة راه أنا اللي غنعلنها ماشي الصحافة ـ إذن إشاعة هاذ الجرائد باغيين غير يبيعو مابقيتيش تعرف الخبر الصحيح من الكاذب ـ الله يهدي الصحافة علينا ـ أمين و ماعندي مايتسالك راه ماشي ساهل تكون فاللجنة ديال مهرجان كبير بحال هذا ـ الحمد لله العقبة لأوسكار إن شاء الله ـ علاش لا واخا راه القضية صعيبة ـ و طلبنا طلبنا نطلبو شي حاجة كبيرة نخليك عندنا اجتماع قبل أيام قليلة من انطلاق المهرجان و خليتو ومشيت للجناح المخصص للجنة فهاذ الفندق : بدر تعطلتي ـ غير سكت ا سعيد شدني ذاك الممثل ديال والو أيمن بالهضرة ـ سمعت باللي معجب بإخلاص ـ بصح عليها كيسولني باغي يتأكد لا تكون بيناتنا شي علاقة باش عرفتي هادشي ـ إخلاص هي اللي قالتها ليا كنظن باش زعمة نوصلها ليك وقيلة ـ لا ماكنظنش يمكن غير بغات تفوح را عارف البنات كيعجبهوم يفتاخرو و يدفعو كبير إلا عرفو شي واحد حاط عليهوم العين اللي كيربطني بإخلاص مجرد العمل و صافي عطيني البرنامج ديال هاذ الدورة ـ هاد fichier فيه كلشي الأعمال المشاركة و معلومات على المخرجين و الممثلين ديال كل عمل أيمن مشارك فواحد الفيلم ـ هذا هو الفيلم ديالو لا بزاف هو صاحب الفكرة و كاتب السيناريو و المنتج و المخرج و فإدارة الممثلين و بطل الفيلم الجينيريك كلو غير عليه هو شفتي هاذ السياسة ديال كلشي كيدير كلشي مانفعاش و إلا جيتي تشوف الفيلم غتلقاه nulle حينت مافيهش شي حاجة سميتها كل واحد داخل سوق اختصاصو ـ نتا غير تفرج و عطي الحكم ديالك راه الفيلم ديالك هو باش غيفتاتحو المهرجان و حاول ترد بالك راه الصحافة غير كدور هنا ـ شوف أنا كنبقى بطبيعتي و الصحافة اللي بغات تكتبو تكتبو أنا عندي لقاء صحفي هو اللي غنعطي فيه التفاصيل حول مشاركتي فالمهرجان هادشي اللي خاص الصحافة تعرفو و تكتبو لا أكثر و لا أقل==> بالحديث عن الصحافة و صلت أنا و صاحبتي رجاء للجناح المخصص للصحافة فالفندق : أخيراا وصلنا رجاء أنا غنضربها بنعسة ـ ميار توكدي معايا حتى لداركوم و أرا ماتركدي هنا جينا نخدمو ـ حشومة عليك اختي راني ماجاياش فطيارة الكار كندوخ فيه نستارح و ذيك الساعة نخدمو ـ ميار راه خصنا نقلبو على الأخبار واش نتي كتسناي الفرصة دق عليك راه إلا لقينا أخبار زوينة و بميكتها غتعجب المديرة و تهلا فينا و ذيك الساعة غنشبعو نعاس و على جنب الراحة ـ حتى دابا الحمد لله شابعة نعاس و على جنب الراحة و فأضخم فنادق المملكة غير خليني عليك ا رجاء راني عيانة
يتبع....
الجزء التالت
صفحتنا علي الفايسبوك