فجأة دخل شكيليطو لعرج وبدون سابق إنذار ... شاف فيهوم وشاف فالسبورة اللي كانو فيها أسماء المشاغبين والعمات فوقهوم اللي واصلين لسما ... شاف فالساعة وشاف فالتميذ للمرة التانية ... مبقالوش بزاف ديال الوقت باش يسلخهوم كاملين ... خدا الممحات ومسح جميع اسماء ... ( العفو الملكي ههههه ) ... التميذ كاملين حلو فمهوم من هاد المعجزة العضيمة ... شكيليطو عفا عليهوم ميمكااانش ... - يالله جبدو اجتماعيات بالزربة ... الصفحة ...67 من بعد ما دار ليهوم الجغرافيا ... هبلهوم مزيان بالهضاب والسهول والوديان ... قلب لتاريخ باش إزيد إهبلهوم كتر ... دخل ليهوم اندلس معا الفاطمين مع يوسف بن تاشافين ومنساش ليهوم طارق بنو زياد ههههه ... عطا ليهوم لعرارم تاع لحفاظة ... جميع الوان دازو فوجه يوسف ملي سمع حس لحفاظة ... العدو ديالو هيا لحفاظة اعراب و كونجيكيزو ... ( صراحة حتا أنا ههه ) ... عطا ليهوم تمرين فاجتماعيات على ما يدق الجرس ... وهو يشم لو واحد موتي ريحة .. النووي وخص داك الشي مضخم ... بحال إلى فطرو بالوبيا و? الحمص هههه ... بدا كيكح وعينيه خارجين من بصتهوم وكيبكيو بالريحة لمجهدة ... فتح السراجم والباب وتكووول لبغات تخرج هههه ... - كححح كححح ... شش .. ككحح .. شكووون الليي داار هاكااا ..!! كححح .. كححح ... القسم كامل ضار عند حسن لغليض وشيرو عليه وهوما شادين ع نيفهوم ... أص عارفيين حييت موالفيين هو اللي كيديرها ديما هههه ... جاتو الضيقة لشكيليطو خرج برا حتا خرجات الريحة عاد أرجع ... عيط على لغليض ك جوج دقات باش ميعاودش ... ( أمممم وا معا من لغليض عندو لوزين تاع الكبريت وخص ) ... فجأة جاء الخص ... دق الجرس وخرجو بالصفوفة ... وشكيليطو لعرج مشا يشرب أتاي فادارة معا صحابو ... يوميات تلميذ مشاغب من كتابتي : يسرى هربال البارت : # الرابع فجأة جاء الخص ... دق الجرس وخرجو بالصفوفة ... وشكيليطو لعرج مشا يشرب أتاي فادارة معا صحابو ... من قوانين مدرسة اخص ممنوع تجري .. اللي جرا فالساحة غيكول لعصا من عند عمي بوعزة الحارس .. أص اليوم يوسف وفيصل منويينش يجريو ... حيت رجليهوم طابو بالفلقة اللي فطرو بيها معا التمنية ههههه ... وأص الستيراحة ديال العشرة مكيجريوش فيها بزاف ... ديال الربعة هي اللي عزيزة عليهم .. خرجو من القسم على شكل صفوف ... من بعد تفرقوا ... يوسف وفيصل تمو غاديين لبصتهوم المعهودة ديال ديما ... كيمشيو كيجلسو تحت الشجرة اللي حدا مرحاض لبنات .. باش اللي دايزة ميزكلوهاش هههه وكيبقاو متكيين عليها ... واليوم يوسف مبغاش يضيع الفرصة وميشوفش فيها " هبة " ... تقولو لي شكون هيا هاد هبة هههه ستناو ستناو نعاود ليكوم ... هبة هيا فارسة أحم السي يوسف ... كيحلم بيها الليل ونهار ... هبة بنت لباااس عليها وعندها خوها كيقرا فالسادس فديك المدرسة نيت ... واحد النهار خوها لقا يوسف كيتبسل على ختو .. وهو يجمع عليه القسم كولو .. سلخوه مزياااان مطلقوه حتى دكدكولو عضامو .. ومن داك النهار مقرب من جيهتها هههه .. بقا عايش حب من طرف واحد غييير من بعيييد ... وهاد النهار الوحيد اللي عندهوم إستعمال الزمن بحال بحال .... ( العفريييت كها من صغرو ) ... فيصل مكيحملهاش من داك النهار فاش سلخو يوسف حيت حتا هوا مزكلوهش ... حتا هوا ك حقو من السلخة ههه ... غير دازت هبة من تم ... وفيصل غلض صوتو - ... واااااا الونيكة ... وااااا المونيييكة ... وااا المونيييككككة .... كيعيرها ديمة هاكاك حيت هيا زعرا .. شعرها صفرررر وعينيها زورق ... دايرة بحال المونيكة ... وهيا مكترضاش ... هبة حمار ليها وجهها ... معرفاتش كيفاش دافع على راسها .. وهي تقول الجملة الوحيدة اللي حافظاها لبحال هاد المواقف - : غانقولها لخووووياااا .... جاوبها فيصل وهو كيقلدها ... - غانقولها لخوووويااا .. قوليها ليه ... دار عند يوسف وقال ليه ... - نضربها و .. يوسف بدا كيضحك ... جاوبو ... - ماضربهاش ... ماضربهاش .. فهاد اللحظة فيصل كان كينقز أو كيقلد فالقرد ... هبة تخلعات .. أو يوسف ماشاركش معاه فالجريمة ... بقات فيه هبة ( حبيبة القلب ههههه ) .. هو يقول لصاحبوا ... - وااا صافي باراكا عليها خليها تمشي .. قال ليها فيصل ... - سيري ... سيري صبغي شعرك .. مونيييييكككة .. فاش مشات قاليه يوسف ... ماعندناش لوقت ... أنا مافاطرش ... خصنا نضبرو ... الحصة ديال الفرنسية عندهوم من 10 حتال 12 ... كيسكنو فالمدرسة .. وي مكوش شي حاجة ... موحالش يصبرو .. تفرقو كيف ديما ... أو كل واحد مشا لعند دري يعطيه شوية دالخبز ... واللي مبغاش كيخدو ليه الخبز بزز هههه ... فاش سدو جوعهم تجمعو من جديد ... وقبل ميصوني الجرس ... مشاو للفوج خور باش يسولوهوم شنو دارو ... تقاو مع محسن ... ولد الدرب اللي حداهوم ... سولوه شنو دار ليهم مول الفرنسية ... قال ليهم الرياضيات و النقط ديال المتيحان سولهوم حتى هو .. قالو ليه اعراب ... وقبل مايمشيو قال ليهم محسن - : نقصرو أدراري ليوم ..! جاوبو يوسف : - كاينة كورة ..! قال ليه محسن : - معندناش ..!! عندكم نتوما ..!! جاوبو يوسف : - ..!! قاطعو فيصل : - كاينة كورة نضبرو عليها ... أو دار عند يوسف : - ناخدوها من عند الغليظ و نحبسوه .. قال ليهم محسن : - صافي ليوم مع الخمسة ... وع 8 ( 8 أهداف ) .. قال ليه فيصل : - صافي ربعة ربعة ( أربع عبين ) حدا الواد .. صونات ... ودخلو لقسمهوم ومقداهوم فرحة .. حيت اليوم غيلعبو ماتش على لفلوس ... ونقطة ضعف يوسف هيا لفلوس ... كيشبه لباه زقراااام ... دخلوا وكل واحد كلس فب?صتو ... كيهدرو كيتحاكاو على ما يدخل استاذ ... استاذ سحيلة مول الكرش ... سماوه سحيلة حيت داير بحال السحلية ... كيبدل فالوان ... مرة يضحك مرة يتعصب مرة يكون حنين .. وهاد الشي كامل كيكون فثانية ... كيعاودو باللي مراتو هيا السباب فهبالو هادا ... حيت خدات ودها وختو ... نرجعوا للقسم ... مدة قصيرة دازت من اللحظة اللي دخلو فيها ... للحظة اللي دخل فيها المعلم السحيلة مول الفرنسية ... بكتافو و بكرشو اللي كيدفعها ديما للقدام ... واللي تحت منها كيدير السمطة ... سحيلة عزيزة عليه كرشو ... أو ديما كيلبس ليها قميجة مزيرة باش تبان مزيان ... وعليها كيسرح التيو أو كيبدا يلوي فيه ... الحركة اللي كدل على أنه غيبدا يعزل فالضحايا ... كان داخل أو هاز فإيديه واحد التيو ... كحل و غليظ أقسح تيو من بعد تيو تاع البوطة بطبيعة الحال ... المعلم كان كيتمشى بخطوات صغيرة لجهة السبورة ... دار عند التميذ شاف فيهوم ... وهو كيقلب على المتهمين ديالو ... طاحت عينيه وأخيرا على اللي كيقلب ... - نتا ونتا أجيو هنا ..!! يوسف وفيصل خرجو عينيهوم ... كانوا كيقفقفوا وهوما كيمشيو لجيهت السبورة ... وكيطلبو الله ميديرش ليهوم التحميلة حيت مغيقدروش إلعبو الماتش معا محسن ... وتكون ضاااعت الهيبة ديالهوم .... يوميات تلميذ مشاغب من كتابتي : يسرى هربال البارت : # الخامس دار عند التميذ شاف فيهوم ... وهو كيقلب على الضحايا ديالو ... طاحت عينيه وأخيرا على اللي كيقلب ... - نتا ونتا تكعدوا ..!! يوسف وفيصل خرجو عينيهوم ... كانوا كيقفقفوا وهوما كيمشيو لجيهت السبورة ... وكيطلبو الله ميديرش ليهوم التحميلة حيت مغيقدروش إلعبو الماتش معا محسن فلعشية ... وتكون ضاااعت الهيبة ديالهوم .... طول طريق وهوما كيفكرو عش غيكلو لعصا ... شاف يوسف ف فيصل وشاف فيصل ف يوسف وهوما مفاهمين والوا ... خاطب يوسف نفسو بتساؤل ... - عش عيط علينا ..!! واش عرف باللي حنا اللي هرسنا السرجم ..!! اا رااه كاا لعصا ولد ستادا سعاد ... واااش شافنا مليي كنا كنتراشقو بلما ..!! اا اااا كان ?عي كيسلخ فالفوج خور .... عيا من التخمام و فلخر تقبل الوضع ... غير وصلو عندو بداو كيسخنو يديهوم ... حيت مكيوصلوش لرجليهوم باش إسخنوهوم هههه - ... نتومااااا الليي هرستواا الزاااااج ديالي ..!! سحيلة خرج عينيه وغواتو اللي تزنزنو بيه لحيوطة ... دَخَّل الرعب لقلوبهوم الصغيرة ... بقاو غيير كيدورو فعينيهوم ... فيصل فهم إينا زاااج أما يوسف كان تالف ... تلفاتو ديك ديالي مفهمهاااش ... - يالللله جاوبووااا ... حاول يوسف إتفكر واش هرس شي زاج أخور والو خانتوا الذاكرة ديالو ... شنوا دار البارح ..!! ناض فالصباح جا للمدرسة خرج معا العشرة ... مللي خرج تقا معا ولد حليمة الكحلة ... سلخو مزيااان حيت مور البارح عايرو كدام صحابو باللي باه كيبيع اللومينيو ... وحلف فيه حتا يسلخو ملي يشدو ... ماللي وصل لدرب قالولو الدراري باللي كاينة الزردة اليوم ... عند تورية مرات الكزار الي ماتت حماتها ... مشا كيجري سبق هو اللول ... مللي سا رجع لدار بدل لكتوبة ومشا للمدرسة تاني ... حس براسو محكور وباللي مدار والو ... تغرغرو ليه عينيه بالدموع ... - واه أستاااد مدرنا شي حاجة ... والله محنا والله ماحنا ... حس براسو محكور وباللي مدار والو ... تغرغرو ليه عينيه بالدموع ... - واه أستاااد مدرنا شي حاجة ... والله محنا والله ماحنا ... كان غيير هو اللي كيزاوك وفيصل غير ساكت حيت عااااارف عياش كيهدر استاذ ... شااف فيه سحيلة وهو كيضحك هاد المرة ( راني قلت ليكوم داير بحال السحلية كيتبدل كل ثانية ههههه ) ... - هههه مدرتي والو ..!! شنوا درتي البارح ماللي خرجتي معا الخمسة ..!! شاف فييه يوسف ببهة ... بقا دماغو كيجيب ليه فالذكريات ... أو بالطاقة القليلة اللي عندو قدر يرتب التفاصيل ... وبدا كيعاود ليه القصة : نتا البارح ماللي خرجتي مع الخمسة نتا و فيصل ... لقيتو عصابة خضيرة ود الدرب خور ... اللي لعبتوا معاهوم الماتش وخسرتوا ب تسعة ل خمسة كيستناوكوم برا ... حيت مللي ساليتو الماتش مرضيتوش سرقتو فلوسكوم وهربتوا ... وجاو باش ينتاقموا ... بقيتو كتشايروو بلحجر حتا هرستو الزاج ديال طوموبيل المعلم سحيلة ... هاد المجهود اللي دارو دماغو سا ليه كاع الطاقة اللي بقات عندو ... كرشو ستاجبات للنداء ... وبدات كتزقزق ... يوسف مكانش عارف هادشي ... حيت نساه ... ولكن المشكيل هنا هو شكووون اللي وصل لخباار لسحيلة ... استسلم للوضع وجاوبو استاذ بهز الرأس ياعني أاااه ... - واااش غتخلصو الجاج و تاكلو لعصا ..!! الدراري شافو فبعضياتهوم ... وشافو فاستاذ وقالولو ... - لعصااا ... حيت عارف الى جبد حس لفلوس لواليديه غيقطعوه طرااف ..!! فاللخر رحمهوم سحيلة وضربهوم غير عشرين عشرين دقة فيديهوم ... كااع مدار ليهوم الفلقة هههه ... حسو بالسم والتريسنتي فإيديهم ... حيت سحيلة ماكايخليش ليهم الوقت فاش يرتاحو .. دقة تابعة دقة ... من بعد رجعوا لبيصهوم وكيبردو يديهوم فلحديدة ديال الطاولة ... المهمة التالية ديال المعلم ... هي اللي كيدير يوميا ... الدوران على التمارين ... اللي ممخرجش كياكل جوج دقات ... هادي هي الطريقة اللي داير ليهم ... تقريبا النص فالقسم كياكلها ... يوسف كان باقي كيبرد فالدقة اللي عاد ك بالحديدة ديال الطاولة فاش وصت نوبتو ... قال ليه المعلم - عش مدرتيش التمارين ..!! - نسيت !! ... هاد الجواب ديما على لسانو ... حيت هو أسهل اجوبة ... شكارتو و الحق لله ... من نهار حطها فالركنة إ يومنا هاذا ماتقاست ... بحال امانة ... كمل الدوران على القسم كامل ... من بعد طلب منهوم إجبدو الواح ... هاد لعصا كاملة اللي ك يوسف اليوم أثرات عليه بزاف ... حتى الطباشير صعاب عليه إجبدو .. أما الكتبة ماقدرش عليها ... 6x6 ??= باااق .... رفعو الواح !! اللي ماكاتبش صحيح ناض ياكل العصا ... أو منهم فيصل ويوسف ... 9x2 يوسف ما ضيعش وقتو فالتفكير ... حيت عارف راسو ماعندوش الجواب ... أو عارف راسو ماحافضش جدول الضرب ... بقا غير كيحك إيديه أو كيبرد فيها ... باااق ... رفعو الواح !! ناض عوتاني ياكل 2 دقات ... ولكن عل أقل ماشي بجهد ... 4x7 مكرهش يوسف و صاحبو يبقاو حدا السبورة ... حيت كيضيعو فجهدهم وصافي ... خصوصا و أنهم بجوج كيجلسو فالطاوت الخرااااانيين !! بعد عدة جوت المعلم عيا ... و حتى الدراري عياو معاه ... إيديهم مايقدروش يتحملو مازال اليوم ... و الحلم الوحيد اللي كيتمناو هو يسمعو الجرس ... اللي كيعتابروه المنقذ الوحيد فجميع ازمات ... جمعو ألواحهم أو جبدو الليفر ( le Livre ) باش يديرو النوبة فالقراية ... سحيلة فهاد اللحظة كيجلس فالبيرو ديالو أو كيستمتع بلحظات الراحة ديالو وهو كيلوي التيو على كرشو لعزيزة ... شي كيقرا بجهد شي بشوية ... ولكن كلشي كيتسنا حاجة وحدة .. إمتا توصل نوبة يوسف ... و الصراحة سحيلة حتى هو كيستناها بفارغ الصبر وخا مكيبينش ... قرا القسم كااامل ويوسف ديما هوا اخير حيت كيجلس فالقنت كاااع ... وديما هو أخر واحد كيقرا - ... للأأأ غغغغغ بببببب غغغغغغغ إ للللللووووو دددددووووو نووووو رررريييييرييييي ....... كلشي كان كيحبس فالضحكة ... العديان والصحاب ... و اللي كيضحك كثر ... هو أن يوسف ماكيتسوقش ... ماعبالوش كيضحكو عليه ... كيسحاب راسو كيقرا عادي بحال كاع الناس ... المعلم سكتهوم وهو حابس الضحكة ... فتح الخزانة اللي حدا المكتب وهو يجبد وراق ديال امتحان ... غيير شافوهوم والقسم كامل بدا كيحمي فيديه ... حيت القسم كامل مجابش المعدل ... # يتبع .. يوميات تلميذ مشاغب من كتابتي : يسرى هربال البارت : # السادس _ واخير المعلم سكتهوم وهو حابس الضحكة ... فتح الخزانة اللي حدا المكتب وهو يجبد وراق ديال امتحان وحطهوم على المكتب ... غيير شافوهوم والقسم كامل بدا كيحمي فيديه ... حيت القسم كامل مجابش المعدل ... بدا كيعيط عليهم سحيلة باسماء ... أو كل واحد كينوض ياخد ورقتو ديال المتيحان .. ناض يوسف جاب ورقتو أو بحال كيديرو كاع التميذ ... ماشافش النقطة فالبصة .. خها حتى يستعد ليها نفسيا ... عاد قلبها يشوف شحال جاب .. قلبها بشويييية باش متشوفهاش سلوى الضريفة ... حيت هيا اللي كتجلس حداه فالفرنسية .... لقا فيها 3,5/20 ...!!!! يوسف جاب غير 3,5 على 20 حيت النقطة ديال هاد المتيحان كينقطها ليهم السحيلة على ...20 أو هادشي كايعني باللي غاياكل 6,5 ديال الدقات ... حيت من التقاليد ديال المتيحان عند السحيلة ... اللي جاب نقطة أقل من المعدل ... كيكملها ليه بالعصا ... يوسف حسب شحال غياكل د دقات بالزربة ... كون كان هاد لحساب محطوط ليه فشي مسألة موحال يجاوب عليها ههههه ... بدا كيوجد للعصا هو و صحابو ... اللي غتكون هي اللخرة فهاد النهار من بعد غيتحررو ... يوسف مكانش كيفكر فالعصا اللي كتسناه .. الفكرة الوحيدة اللي كانت كدور ليه فراسو ... هي كيفاش غيدير المعلم لنص دقة ..! أول مرة غتوقع ليه هاد الحادثة ..!! واش غيضربو بنص تيو ..!! واش فنص يد ..!! واش غيخليها حتى يجيب نص أخر و يضربو دقة كاملة؟ ..!! دار لقى سلوى الضريفة اللي كتجيب التانية فالقسم كتبكي ... شاف فورقتها لقاها جايبة 7 ... قالت ليه وهي كتبكي ... - تاكل لعصا فبصتي ...!! عافاااك ..!! بغات تغويه بشكطة كانت عندها فالجيب ... حييت حتا هيا يالله كت لعصا عند الشكيليطو فاعراب ... ولكن تفكر ماللي كان كيزاوكها تنقلو فلمتيحان ومبغاتش ... شاف فيها بنص عين وهو يقول ليها ... - ديك الشكطة سرطيها ... يالله قلبي عليا كمارتك ... دار المعلم على النص ديال القسم ... المتيحان كان صعيب أو اغلبية غياكول لعصا ... داكشي عش تعطل ... ولكن سلوى الضريفة ويوسف كااو لعصا بطبيعة الحال ... قرر جمال يأجل العصا حتال غدا ... باش يبقا الوقت اللي يعطيهم فيه الحفاظة ... وهو يسمع لو واحد الصوت غرييب ... قاليهوم ... - ششششتتتت سكتوا سكتوا ... وبقا غااادي تابع مصدر الصوت حتا وصل عند سلوى الضريفة ... اللي كانت نازلة ضاية من عندها . ششششتتتت سكتوا سكتوا ... وبقا غااادي تابع مصدر الصوت حتا وصل عند سلوى الضريفة ... اللي كانت نازلة ضاية من عندها ... مقدراتش تستحمل مسكينة كاااع هاد الضرب ديال هاد النهار ... أو زاد عليها الكيسان تاع أتاي اللي شربات و الحليب باش فطرات .. أو لما اللي حلفات عيها مها حتى تسرطو .. باش مايجيهاش لعطش ... القسم كامل حابس الضحكة ... سحيلة شاف فيهوم وهوا مخرج عينيه ... - يالله سيرو حطو لوراق تما ورجعو لبيصكووم ... سحيلة واخا قبيح مقدرش يغوت عليها ... أو مقدرش يضربها ... أص مهضرش على ديك الحادثة كاع ... غير قال للدراري يحطو لوراق باش نكملو الدرس .. ناضو صحاب الحسنات اللي طارت منهم التغوبيشة ... باغيين غير إمتا يتحررو من القسم باش يضحكو ... جاو هازين معاهم الكواغط و الوراق داروهم تحت الطاولة ديال سلوى ... اللي مكرهاتش تشق ارض أو تبلعها ... كلشي فرح حيت كيضيعوا فلوقت ... إ سلوى مسكينة اللي رجليها كيقفقفو بالبرد ... فديك اللحظة جمع سحيلة حوايجو أو قال ليهم بالزربة ... - عندكم من الصفحة 52 حتال الصفحة 62 !! الغريب في امر أنه واخا داكشي كثير كاين اللي كيجي مخرجو ... كاين اللي كيجي مخرج التمارين ... أو كاين اللي كيجي مخرج عينو ... أشرف المجتهيد صدم كلشي فاش قال - ... أنهيت عملي ...!! - سير الله ينزل عليك اللعنة سير .. و نزل عليه يوسف بضربة لقفاه ... وأخييييرا صونا الجرس .... التحريييير ... خرج سحيلة للباب ... و بقا كيتسنا فيهم يخرجو باش يسد الباب ديال القسم ... اللي مغيمشي حتى يوصي عليه ادارة يسيقوه .. أو بطبيعة الحال غيت?قا تماك بصاحبو شكيليطو اللي غيوصلو معاه فالطوموبيل ... و أخيرا تحرروا خرجو كيجريو ... فرحانين حيت نهار أخر ديال العذاب سا ... يوسف و فيصل خرجوا معانقين ... فاش دازو من حدا الحارس بقا كيخنزر فيهم ... فرسالة واضحة كتبين لعصا اللي غاديين ياكلوه غدا فاش يجيو ... للحظة تفكرو ديك عشرين دقة اللي كو من عند سحيلة على ود الزاج ... ولقاو باللي أشرف اللي كان تما وهو اللي قالها لستاذ ... قررو إلقلبوا عليه باش إسلخوه ... شوية وهو يبان ليهوم أشرف كيجري باش يسلت منهم ... وهوما يتبعوه .. يوسف ناوي يعفط ليه على راسو ... تبعوه بجوج أو بطبيعة الحال شدوه ... فيصل ديما هو اللي كيزرع الرعب فالضحايا ... حيت وجهو معاونو عينيه كبار و نيفو ديما مفتوح ... حجبانو عامرين و مقين ... و أخيرا الضربة اللي كاينة ليه فحنكو ... قال ليه يوسف .... - حصلتي أمسخوط الواليدين .. نتااا اللي بعتينا لستاااد سحيييلة ... شدو أو حيد سبرديلتو باش يتمتع بالعفطة عليه ... فيصل حيد شرف نضاضرو باش مايتهرسوش قال ليه يوسف - ... شنو دابا نعفط ..!! أشرف غمض عينيه وبدا كيطلب فيه .. - الله يحفظك ... و الله مانبقا نعاود ... ولكن هاد الهضرة كاملة محركاتش المشاعر ديال يوسف ... الحاجة الوحيدة اللي ختو يتراجع هي الجملة اللي سمع ... - نعطيك فلوس ... نعطيك فلوس ... فرح أو قال ليه ... - صدقتي أأشرااف المجتهيد ... صدقتي .. عطاه أشرف 2 دراهم ... أو حلف ليهم مايبقا يجبد ليهم الصداع ... ضربو فيصل فقفاه أو سيفطوه فحالو ... مشاو لدار وهوما كيتناقزو مقداهوم فرحة حيت لقاو لفلوس باش غيلعبو الماتش معا درب محسن - ... يوسف تغدا البيض وماتيشة اكلة الشهيرة عندهوم ... و مشا يتسلف سندالة من عند ولد حليمة - ... فيصل تغدا البيسارة والبصلة ... هادا اليوم الثالث وهوما كيتغداو بيها .. مشا عند لغليظ ياخد من عندو كورة و يلعبو معاهم و مشا يجمع الدراري - .. سحيلة خرج من المدرسة أو هو كيتمنا شي نهار ترجع ليه مرتو - .. شكيليطو مشا لدارو وهو كيتمنا شي نهار يتمشا نيشان وميقولوش عليه لعرج ... - لسلوى مشات لدارها تغسل حالتها باش ترجع نقية و زوينة وضريفة كيف تعودو الناس عليها ... - أشرف شدها بجرية وحدة لدارهم ... وعطا لعشية كاملة للحفاظة ... النهــــــــــــــــــاية
قصة رائعة وفيها عبرة في اخر سطورها ###قصة بعنوان: أنا غير هبيلة## الشخص #هيه حيدي من الطريق....
صافي توادعو براءة وخوها وعطاوه العنوان دالفيلا إلى بغا يشوفها
ورجعو من بعد ماتغداو فواحد الريسطو....... من قصة ......أنا غير هبيلة....
رجعوا للدار
فالليل.... براءة جالسة كاترسم
دخل عندها زياد # براءة السلام.... اش كاترسمي براءة # ماعرفتش..... زياد # كيفاش ماعرفتيش.... اوا اجي نرسم انا وياك.... براءة # براءة فيها النعاس.... خويا زياد خاصو يخرج باش براءة تنعس ...
زياد # هههههه صافي نعسي هاني خارج....
زياد دخل لبيتو ينعس من بعد ماطفا الضوء على براءة....... تكا ولكن النعاس مابغاش يجيه.... زياد # ياربي اش هادشي.... ولات كاتعجبني.... أو فيوماين ح....هادشي مايمكنش.... ولكن قرطاسة وبريئة بحال سميتها..... كنحس بقلبي تيضرب ملي كانشوفها..... على عوينات عندها.... براءة نيت بقى زياد تايفكر تاداه النعاس )############
أصبحنا وأصبح الملك لله والحمد لله ولا اله الا الله وحده لاشريك له
اليوم براءة فاقت مع فرح دارو حريشات....... للفطور
وخرجات هي والسيدة حنان تقضاو الحلوى حيت السي مصطفى راجل حنان راجع من امريكا
زياد.....قرر يخدم فالشركة دالاب ديالو.... من بعد ماولا مدير عام ليها
جاء السيد مصطفى...... واستقبلوه
من بعد شهرين ونصف ..... براءة ولات دير حصص يومية عند الطبيبة.... حالتها تحسنات.... ولات تتفاعل....مع الآخرين.....
زياد فين ماسالا كايديها تشوف خوها....زياد لي ولا كايحماق عليها وبغاها تكون مرتو...... . براءة ولات كاتقبل داكشي لي طرا.... ومابقاتش كاتبكي بزاف على مها......حتى أنها ولات باغا تدير الحجاب لي من نهار ولات هبيلة ماعملاتو...... اليوم كانت جالسة كاترسم حتى جات عندها السيدة حنان
براءة # لالة حنان شكرا بزاف.... لي درتيني بحال بنتك.... فالوقت لي با تخلا عليا..... ايه الدنيا غدارة
السيدة حنان # ماتقوليش هاكا... نتي بحالك بحال بنتي... الحمد لله غير لي وليتي شوي.... مابقيتيش مصدومة.... بنتي براءة عاودي لي اش وقع ليك
براءة # آه نتي خيرك سابق..... نعاود ليك...... المهم انا براءة بنت يامنة وسلام ....كنت كانقرا مزيان وملي وصلت للتاسعة ماتت مي فالأول دالعام....تحرق قلبي وحسيت بمعنى تفرقي حبيبتك ميمتك ماجينا نكملو الدورة الأولى حتى تزوج با من خديجة.... آه خديجة الله ياخد فيها الحق..... لي فالأول تعاملات معايا مزيان غير سيمانا تقلبات..ردات حياتي جحيم
تناص العام... جا جواد ولد جيرانا خطبني.... وقبل با... واخا انا كنت باغا نكمل قرايتي لي خرجوني منها.... ولكن قلت اللهم الزواج نستر راسي ملي با رماني لأول واحد.....وولا جواد تابعجبني وتقدر تعلقت بيه.... باخلاقو وثقافتو... ماعمرو قالي الكلمة دالعيب......ولكن اللي بحالي ماخاصوش يفرح... حيت دغيا عاودات الدنيا لعبات معايا وغلباتني.... كملات ليا على ماخلاه فيا فالموت دمي الله يرحمها ولكن اللي بحالي ماخاصوش يفرح....حيت دغيا عاودات الدنيا لعبات معايا وغلباتني.... كملات ليا على ماخلاه فيا الموت دمي..... داك النهار كنت خارجة مسخرة للمصبنة نجيب لخديجة الجلابة..... ولكن وانا فالطريق تانحس بشي وحدين تابعيني... بقيت كانزرب حتى وصلت للمصبنة... وملي كنت راجعة...مع الدورة دواحد الزنقة .... شدني واحد من يدي.... وقالي صبري نهضر معاك وصاحبو بان اللي واقف بعيد.... قلت لي سمحليا مانقدرش نهضر معاك..... وجريت يدي..... هو جرني عندو بغا يقرب ليا.... وانا ندفعو وهربت......رجعت للدار والخلعة شادني حيت ماعمري تعرضت لبحال داك الموقف...... ولكن الشيء لي خلعني كتر وليت فين مانخرج نتسخر تانلقاه وتايبغي يهضر معايا بالزز: دازت شي 2 سيمانات.... وهو هاكاك تال داك النهار.... كنت مسخرة الصباح نجيب الخبز من الحانوت.... وأنا نتلاقى معاه هابط من الطوموبيل..... جا عندي.... وانا بقيت كانزربي.... ولكن شدني وقالي راه عجبتو.... أنا قلت لو بعد مني انا راه ماشي من داك النوع دالبنات وزايدون راني مخطوبة..... مي واخا هاكاك بقى تايقرب ليا جيهت وجهي..... وأنا ندفعو وقلت لو حمار وهربت... الكلمة والدفعة لي كلفوني بزاف.....
رجعت للدار......... ومن مور سيمانا مابقاش تايبالي... فرحت..... ولكن ديك الليلة جوايه صلاة العشاء.... كانت الشتاء.... هي تقولي خديجة خرجي جيبي ليا الكينة دالراس... واخا قلت ليها راه الليل وبا ماغايبغيش اصلا... ولكن قالت لي غير خرجي جيبيها دغيا..... هزيت مضلتي...وخرجت.... مع انا غادا حتى كنحس بشي 2 جاريني واحد حط يدو على فمي ولاخر هازني من رجلي.... دخلوني للطوموبيل... وكان داك الشخص اللي كايتبعني داخل الطوموبيل سايg.... وصلنا لواحد الدار فالخرجة دالمدينة.... كاين حداها واحد المعمل مابقاش خدام فايت لي دزت من ديك البلاصة .... ودخلوني.... ربطو ليا يديا ورجلي... وخرجو شويا جا عندي بوحدو..... (براءة وهي كاتبكي ).....عييت نحزرو ومابغاش.... قالي لبسي هاد الكسوةونخليك تمشي ... كان جايب معاه كسوة بيضة.... شبه معرية.... مقدرتش نلبسها مي بزز عليا.... لبستها.... وهزني لواحد البيت.... واغتاصبني بوحشية........ سخفت..... مع جوايه الفجر... هزني حطني فالطوموبيل... وصلني حدا الليسي فاش كنت كانقرا... وقالي المرة جايا قادي لسانك ملي تهضري مع سيادك... صرفقني بالجهد..... ودفعني من الطوموبيل..... من بعد ماعقلت على والو تافقت الصباح..... فالسبيطار... جاو البوليس.... واحد دخل عندي... سولني ولكن ماقدرت نقول والو بصح تصدمت.... لي قلت لو أن الدار لي داوني ليها كاينة فالخرجة... ووريتو البلاصة..... حتى جمعها معايا بتصرفيقة. وقالي سدي فمك.... ولكن من بعد وليت حاسة براسي بوحدي.... حيت اول واحد بغيت فسخ الخطوبة ديالنا وبا ولا يعايرني ديما... وحتى خديجة نكرات بلى هي لي سخراتني ووليت منعازلة... حتى ولاو يقولو عليا هبيلة... أنا براسي ماعرفتش واش وليت هبيلة ولا اشنو وقعلي
اللي عرفت هو أنه مي ماعمر شي حد يعوضها.... وبلي الدنيا ساهلة باش تقلب عليك.... ولكن ماشي مشكل الحمد لله غير ملي وليت شوي براءة # الحمد لله غير ملي وليت شوي
فالوقت لي كانت براءة كاتعاود ل السيدة حنان
زياد مشا يتلاقى مع صاحبو ريان لي عاد جا من امريكا .... فالقهوة... زياد تايسلم على ريان # على سلامتك اصاحبي ريان # الله يسلمك.... وبقات بلاصتك...... عجباتك المغرب وكما ضبرتي زياد # ههههه علاش غانضبر ريان # نسيت نتا معقد وماعندكش مع البنات زياد # هاد المرة ولا عندي معاهم.... هههه....ماشي كاملين.. ولكن هادي سحراتني يا أخي ريان # هالي كنت كانقول ليك..... نهار طيح غاتجي على راسك زياد # والله ياصاحبي إلى تلاقيت بملاك.... والعينين زرقين bleu-ciel..... اشمن زين اشمن شعر...... كاتحمق بكل ماتعنيه الكلمة من معنى.... واحلى حاجة الأخلاق ديالها.... ريان # أو هادشي كامل..... هههه أجابت ليك التمام....... ومنين ضبرتي عليها زياد # قصة طويلة من بعد ونعاود ليك.... اوا ياك قلتي ماغاتجي تال الصيف ريان # جيت على وديت واحد الغرض.... وبغيتك تعاوني..... ولكن ماترفضش... وماتحكمش عليا..... زياد # مالك اصاحبي... غير قول ريان # كان وقعلي واحد المشكل مع واحد البنت..... المهم شي ربعسنين دابا ولا خمس سنين..... كنت واحد النهار فواحد الحي شعبي وهي تبان لي واحد البنت..... صراحة حمقاتني... ولكن كنت باغيها غير جسديا.... المهم شحال وانا نتبعها والو مابغاتش تشد.... تال واحد الليلة جريتها بالزز واغتاصبتها... ماعرفتش اش كان واقعلي..... ودابا بغيت نقلب عليها نصحح خطئي زياد وهو مفكر براءة # اغتاصبتيها... وليني راك كلب وماتسواش ماشي حشومة عليك.... وجاي بلا حشمة... كتقول باغي تصحح خطأك كيغادير....... ريان # ماتزيدش عليا راه والله تاندمت بزاف.... وبغيت نقلب عليها ونتزوجها.... راه ديما تايفكر فيها وكنحتقر راسي زياد #وايلا كانت تزوجات.... وزايدون فين غاتلقاها ريان # معرفتش ولكن غانمشي للحي ديالهم... ونشوف والا كانت تزوجات راه غانبقى نأنب راسي طول حياتي (ريان وصورة الندم باينة على وجهو ) زياد # اوا يكون خير...... واخا ماعمرني ضنيتك هاكا بعد غدا نمشيو نقلبو عليها.... حيت انا ناوي نطلب من البنت لي كنبغي الزواج ريان # فرحت ليك اصاحبي وخا ماعندي خاطر.... نادم بزاف..... اوا امتا الخطوبة زياد# غدا عارض على خوها نطلبها منو.... ولكن قبل غانهضر معاها هي..... ودابا غانمشي نرجع باش يالاه يكفاني الوقت ريان # أك بسلامة وشكرا بزاف زياد # العفو.... بسلامة
من بعد 30 دقيقة.... كان زياد فالدار وعيط على مو لي كانت جالسة مع براءة فالكوزينة
السيدة حنان # براءة كملي ابنتي ديك البيتزا واجي تجلسي معايا.... سمحيلينا عييناك... غير على ماتجي فرح براءة # خيرك سابق.... حتى انا سمحوليا تقلت عليكم راه غانقلب على شي خدمة.... ونشوف شي بيت السيدة حنان # ماشي حشومة تقولي هاد الهضرة وانا لي حاسباك بنتي.. لانت لا فرح
براءة # شكرا ربي يخليك.... المهم غير سيري عند سي زياد انا غير نسالي وغانمشي لبيتي نرسم السيدة حنان.# واخا.... مشات السيدة حنان طلعات عند ولدها لبيتو.... # السلام اولدي.....فين كنتي هاد العشية زياد # وعليكم السلام.... راه تلاقيت مع ريان.... حيت جا.... دابا يجي يشوفك السيدة حنان # على سلامتو...... اوا ياك لاباس لاش عيطتي لي زياد # بغيت نهضر معاك بخصوص براءة.... السيدة حنان(دايرة راسها مافاهماش ) # مالها اولدي زياد # بغيت نتزوج بيها.... ومعرفتش واش تبغي السيدة حنان # تبارك الله على ولدي....اوا نهضر معاها... ويكون خير هبطات السيدة حنان عند براءة لقاتها باقة فالكوزينة # بنتي براءة طفي على ديك البيتزا واجي نهضر معاك براءة # واخا راه طابت نيت..... الله يسمعنا خبار الخير السيدة حنان # كل خير إن شاء الله....... ولدي زياد عيطلي... حيت بغا يدير دارو.... وتكوني نتي مولاتها
براءة # مممماعرفتش.... ولكن كيفاش.... واش قبل بيا واخا انا.....
دخل زياد وقطع هضرتها # براءة ماتقولي والو انا بغيتك كيف مانتي.... وماكايهمنيش ماضي ماعندك فيه دخل..... نتي غير ضحية.... وسمحيليا الميمة ولكن ماقدرتش نجلس الفوق.... دابا اش بان ليك براءة وهي حادرة راسها # نفكر
صافي. جا سي مصطفى باين ريان.... وحطات براءة العشا... تعشاو وناضت تنعس.... النعاس لي حلف لا جاها.... الليل كامل هي تفكر #(واش نقبل واخا انا كنعتابرو بحال خويا.... ولكن راه من بعد.... كيفاش من بعد.... صراحة مانقدرش نقول لا...... حيت خيرهم سابق.... وزايدون زياد ولد مزيان ومتخلق.....ياربي دير ليا اللي فيها الخير....) ناضت براءة توضات وصلات الصلاة لي من نهار مرضات ماصلاتها.... ولكن الهبيل مرفوع عليه القلم {(واخا كاينين بزاف تاينساوها واخا بعقلهوم وعارفين بلى اول حاجة غايتسولو عليها هي هاديك )}....بكات وهي ساجدة وطلبات من الله يسامحها.... ويغفر ليها..... بقات شحال وهي كاتصلي.....حتى اذن الفجر صلات عاد نعسات.... مع 10 دالصباح عاد فاقت..... ناضت وهي واخدة قرار.... هزات واحد البيجاما طويلة..... ودارت الحجاب.... حيت براءة كانت كاتعمل الحجاب قبل مايوقع ليها اللي وقع...... ومشات للصالة دالاكل فين كانو كايفطرو مالين الدار...... براءة # صباح الخير... واش جات فرح السيدة حنان # آه ابنتي راه هي اللي وحدات الفطور.... راها دات لمراد يفطر... اوا جلسي تفطري.... براءة # آه واخا..... المهم خالتي حنان.... بخصوص داك الموضو راني موافقة ولكن..... خص تطلبوني من با..... (براءة وعينيها مدمعين )...بغيت نقول خويا... حيت با ماعرفناش فين مشا
السيد مصطفى # اوا ابنتي تبارك الله عليك..... راه عرضنا على خوك اليوم... وغادي نقولوها ليه...... اوا مبروك اولدي زياد وحتى نتي ابنتي
براءة وزياد فنفس الوقت # الله يبارك فيك.....
زياد ماقداتو فرحة..... خاصة ملي شاف براءة دارت الحجاب ديالها
المهم داز النهار دغيا.... وفرح فرحات لصاحبتها بزاف... وجدو العشاء.... فالليل جا خو براءة..... وطلبوها منو قبل..... وقررو يديرو الخطوبة من بعد أسبوع..... ولكن براءة قرارات تقلب على باها..... فهاد الأسبوع باش تقولها لو.... الشيء اللي خلا عائلة زياد يبغيوها كتر وكتر ....... ودارت الخمار الشرعي.....
فنفس الاسبوع زياد وريان.... كانو كايقلبو على البنت لي اغتاصبها ريان (اكيد هي نفسها.... براءة ولكن زياد ماكانش عارف هادشي وحتى ريان ماعمرو ماشاف خطيبت زياد )
وصل نهار الخطوبة ولحد الآن براءة مالقاتش الأثر دباها..... ولكن ماستسلماتش قرارات تقلب عليه مور الخطوبة..... وحتى زياد وريان قررو يقلبو على الفتاة المغتصبة من مور الخطوبة.... زياد ماعودش لبراءة على ريان حيت مابغاهاش تفكر داكشي لي وقع ليها
الخطوبة كانت بالليل... وماكان حد. من عائلة براءة من غير خوها وصاحبتها فرح..... وحتى زياد عيط غير على شي ناس قلال حيت براءة مابغاتش خطوبة كبيرة... وبغات داكشي يكون راضي عليه الله.... لبسات قفطان مع اسدال فايت الصدر..... جات كاتحمق (سبحان الله الذي فرض الحجاب وجعله سترة ونورا للمرأة ) عملات الكحل فقط... واخا ماكانتش تحتاج حيت النور كان يضرب من وجهها...... وصلو الضياف.... براءة كانت باقا الفوق.... فالبيت
فرح # براءة يالاه هبطي راه الناس جاو براءة # واخا هاني هابطة .... فرح قلبي مقبوط عليا اختي فرح # راه هاكاك تايوقع.... يكون خير إن شاء الله.... هاني هابطة يالاه سربي راسك براءة# وخا لبس سندالتي ونهبط... غير سيري نتي
مشات فرح.......
عند زياد
زياد # ريان خويا..... طلع الفوق جيب ليا الساروت د الطوموبيل.... راه نسيت فيها تلفوني
ريان # أك هاني نجيبو
طلع ريان. الفوق يجيب الساروت دخل للبيت بقا تايقلب عليه شحال عاد لقاه..... خرج يهبط الساروت حتى كايتلاقا معاها خارجة من البيت لي حدا البيت د زياد ريان وقف قدام براءة # وأخيرا لقيتك اه نتي والله تانتي
براءة عرفاتو بقات غير مصدومة...... والدموع تاينزلو ليها
ريان # شششسشست.... ماتبكيش عافاك سمحيليا.... راه والله تاندمت ومشحال وانا نقلب عليك باش نصحح لي درت...سمحيليا بزاف وعطيني فرصة
براءة ماقدراتش تحبس دموعها..... وبقات غير كاتشوف..... وتفكرات كيفاش اغتاصبها......
زياد كان طالع يشوف مال ريان تعطل..... فهاد الوقت ريان بالفرحة عنق براءة لي كانت غير مصدومة وكاتبكي
زياد وقف كايشوف صاحبو معنق البنت اللي غاتولي خاطبتو...... دغيا شنق على ريان ضربو.... وبراءة غير كاتبكي.
زياد # علاش ابراءة ديري هاكا.... ماشي ديالك هادشي.... ونتا الغدار..... بقا تايغوت حتى تجمعو الضياف..... ولكن هاد المرة كلشي وقف ضد براءة حتى من خوها..... حيت بقات غير ساكتة..... الخطوبة ضاعت وبراءة هربات....... وهي ماعرفاش فين
اه يابراءة لعب معاك القدر مرة ثالثة بقات براءة غير غاديا.... كاتجري وكاتبكي
حتى وصلات قدام واحد الدار..... عيات وجلسات.... قلبها كان يضرب بالجهد.... لواحد الدرجة ماكتصورش.... هي براسها ماعرفاش مالها.... هاد المرة قلبها ضرها....... وماميزاش الألم ديالاش..... بقات كاتبكي وتشهق حتى هبطات واحد المرأة من ديك الدار لقاتها مخنوقة وكاتبكي.... طلعاتها عندها المرأة # زيدي ابنتي... مالكي براءة #وقلبها كايضرب..... بغيت نموت.....بغيت نمشي عند مي يامنة المرأة# تهدني ابنتي.... تهدني ماتخافيش.... هاكي شربي هاد الكاس دالماء.... (بكلام براءة )
بقيت كانبكي وكنحس بقلبي تايضرني بزاف.... من جوج جوايه.... الجهة الأولى ضارني ضران بحال دالمرض تايدق بجهد...... والجهة الثانية ضارني وتانحس بجناوة فيه.... بهاد الدنيا لي ضراتني بزاف
وعلاش مايقسحنيش قلبي... وانا لي تحرمت من صاحبتي وختي وخالتي وعمتي تحرمت من مي يامنة.... الله يرحمك يالدنيا...... علاش ميضرنيش قلبي وانا اللي كنت قلب. با سلام.مابقاش حامل يشوفني..... وعلاش مانبكيش وأنا اللي الأشخاص لي بغيتهم تخلاو عليا
.....فالدار دزياد......
ريان وقف على رجليه # زياد تهدن اصاحبي..... عافاك...... خليني نشرح ليك
زياد # اش غاتشرح ليا.... انك تاتخوني مع خطبتي.... ماحشوماش عليك.... ماخفتيش من الله
ريان # راه والله ماعرفت واش خطيبتك.... وأنا ملي شتها ماعقتش براسي.... شحال وأنا نقلب عليها وملي لقيتها فرحت وعنقاتها.....
زياد # كيفاش شحال وانت تقلب عليها (هي تضرب لزياد القصة دريان فالراس )....بلاتي واش نتا لي.... براءة هي البنت اللي..... براءة.... خصني لقا براءة
خرج زياد يقلب على براءة اللي عرفها كانت مصدومة حيت شافت المغتصب ديالها.......
ريان ماعاود والو لعائلة زياد اكتفى أنه يخرج حتى هو يقلب عليها......
الليل كامل وزياد وريان تايقلبو خاصة زياد اللي حس براسو غلط ............########.......... أصبحنا وأصبح الملك لله
دابا دازت سيمانا باش براءة عند ديك السيدة..... مرضات بزاف واخا بغات ديك المرأة تديها للصبيطار مابغاتش
حتى لهاد النهار لي ولات شوي وخرجات هي وهاديك المرأة
السيدة # بنتي براءة.... عاودي ليا مالك.... اش ضرك
براءة وهي مبتاسمة # ماعمرني رديت البال للسماء شحال زوينة...... عرفتي وقعو ليا بزاف دالحوايج....... فهاد الدنيا وعييت نعاودهم...... ودابا تانحس براسي توحشت مي بزاف وباغا غير نمشي عندها السيدة # علاش فين كاينة مك براءة # كاينة عند الله السيدة # إن لله وإن إليه راجعون.... وعلاش ابنتي نتي باقا بنية وباقي الوقت قدامك..... شي حد تايعيط # براءة وقفي براءة براءة ضارت لقاتو ريان لي اغتاصبها غير هاد النهار ماتاتراتش حيت شافتو اكتافات بابتسامة جد باردة ريان # براءة زياد تايقلب عليك..... عافاك سمحيليا.... أنا راه كنت كانقلب عليك غير باش نصحح الخطأ ديالي........ ماعرفتش واش نتي لي باغي زياد يخطب براءة # سمحت ليك..... ومن بعد اش غايوقع.... براءة تدمرات حياتها ....ماشي بسبابك بوحدك.... نت وخديجة وبا.... والناس... والمجتمع وكلشي.....أي قلبي (شدات قلبها )....أي وسخفات
هزها ريان للصبيطار وعيط على زياد
30 دقيقة كان زياد فالسبيطار
عند براءة # براءة # دكتور اشنو عندي الدكتور # براءة قلبك ضعيف بزاف وإلى ماتداويتيش دغيا.... لا قدر الله..... براءة # لاقدر الله غانموت..... ماشي مشكل..... بغيت نطلب منك هادشي يبقى بيني وبينك زياد دخل عند براءة. وهو تايبكي # سمحيليا بزاف ابراءة سمحيليا... ماعمرني نعاود..... براءة # زياد نتا مادرتي والو اي واحد فبلاصتك كان يدير هاكاك...
من بعد يومين رجعات براءة للدار........ والطبيب خرجلها بزاف دالدوا ولكن ماشرات تاواحد منهم........داز شهر وبراءة تصالحات هي وزياد.... ريان ماتتهضرش معاه اكتافات أنها تقولو. سمحت ليك ...... الشيء لي ولا غريب عندها انها ولات كاتحفظ القرآن بالنهار وبالليل تاظل تصلي...... حتى للفجر
هاد النهار زياد طلع عند براءةللبيت ديالها ...... زياد# براءة قاديت الوراق.... دالعقد خاصنا غير نسنيو براءة..... وهي عيانا # واخا غدا إن شاء الله الى بغيتي.... ولكن مابغيت حد يكون حاضر من غير العائلة.... ديالك...... زياد
زياد # واخا امراتي... المستقبلية
خرج زياد وناضت براءة صلات... وهزات دفتر الرسم.....
قطعات ورقة..... وكتبات فيها..... حطاتها فوق واحد الكوافوز كان تما.... ولبسات خمارها.... وهبطات لتحت...... اللي شهر هادا كاتهبط غير فاقت الماكلة.... اليوم خاص هبطات.... وجلسات كاضحك مع العائلة وكان حتى خوها تما.... دوزو نهار زوين الغد ليه قبل الفجر.... ناضت براءة توضات.... جلسات كاتصلي.....
فاق حتى زياد..... ناض يشرب الماء شاف الضوء فالبيت دبراءة..... دق عليها ودخل # براءة اجي نصليو كاملين..... لقاها ساجدة........ وبقا كايتسناها تسالي...... 20 دقيقة تقريبا والو ناض حركها
قال تعالى {ياأيتها النفس المطمئنة ارجعي إلى ربك راضية مرضية، فادخلي في عبادي وادخلي جنتي }
بقا زياد تايغوت.... فاقو مالين الدار..... لقاو مول الأمانة دا امانتو....... ومشات براءة البريئة..... زياد مسكين ماحبسولوش الدموع.... وكيفاش يحبسو وأول وحدة بغا ماتت.......فرح كاتبكي وكيفاش ماتبكيش وصاحبتها اللي بحال اختها ماتت...... ريان تاهو بكا..... حيت كان سبب فدمار البريئة...... المهم لاداعي نشرح أجواء الموت دشي حد عزيز .... حيت كل واحد فهاد الدنيا مجربو أو شاف اللي مجربو.....
براءة ماتت ولكن بخاتمة جيدة والحمد لله..... ماتت ساجدة يوم عقد قرانها....
من بعد أسبوعين من البكاء والحزن..... عاد كل شخص إلى عمله.... ولكن زياد باقي حزين وغير كايبكي.... وحتى النهار فاش كانو كايدفنو براءة.... مابغاش يخليهم يغطيوها بالتراب.....
هاد النهار قرر يحل بيت براءة اللي سدو من نهار ماتت.... دخل تكا فبلاصتها وقلبو الله اللي عالم بيه ........ بقا تايقلب فحوايجها حتى كاتبان ليه واحد الورقة فوق الكوافوز...... عنوانها بداية براءة # نهاية براءة
السلام عليكم ورحمة الله وبركاته ..... أنا براءة بنت يامنة وسلام.... أنا براءة الهبيلة..... أنا براءة اللي قسات عليها الدنيا...... ماعرفتش شكون غايقرا رسالتي الأول.... يمكن وغالبا تكون زياد...... زياد اللي كنتمنى نتلاقى بيه فالجنة ان شاء الله...... زياد شكرا بزاف ليك ولعائلتك اللي رديتوني براءة من بعد ماسماوني الهبيلة..... شكرا لفرح اللي بسبابها تعرفت عليكم...... شكرا حتى ليك ريان... وبا وخديجة....... والبوليسي اللي صرفقني ولكل الناساللي بسبابك وليت هبيلة وتلاقيت بهاد الناس....شكرا بزاف زياد عيش حياتك الحمد..... كنت عارفة غانموت فيوم قريب كيف ماقال الطبيب..... هذا مصير اللي ماكاياخدش دواه..... أنا قلبي ضعيف بزاف.... وقريب أو مازال ماعرفتش ولكن كنحس بلى قريب غانموت.....كنتمنى نموت وأنا ساجدة هاكا... غانحس باللي القدر نصحني... ورزقي كاين فالاخرة..... قول لريان سامحتو من قلبي ماعرفتش علاش. لكن سامحت ليه.... ولبا والخديجة..... أنا توحشت مي بزاف وبغيت نمشي حداها..... إذن بلا ماتقلقو وعيشو حياتكم...... ولكن وجدو الزاد للسفر...... وجدو ماتقولو لله يوم القيامة....... براءة اللي كاتبغيكم......
براءة الهبيلة......
زياد بكا بزاف وهو كايقرا الرسالة.... ولكن براءة حركات فيه شي حاجة.....حيت من مور داكشي ولا مواظب على الصلاة والقرآن.... وشرا أرض لبناء مسجد...... اللي بغا يسميه مسجد براءة
من بعد سنتين من موت براءة..... #فالمقبرة اللي فيها القبر دبراءة#
زياد #براءة هاني جيت نزورك احبيبت قلبي.... راه المسجد كمل.... وخوك توظف....فرح ومراد تزادت عندهم بنت اسمها براءة...... ياك باقي تانقلب عليه ماعرفتش يقدر يكون مات حيت مالقيتش ليه الأثر.....ريان رجع لأمريكا والحمد لله ولا تايقرب لله بفضل رسالتك..... الحمد لله...... وراه غنحاول نلقى شي بنت ونعيش مابقا فحياتي معاها.... كيف ماقلتي..... ماعمر شي وحدة تدي بلاصتك النهـــــــــــــــــــــاية
حنان # واش هذا لي اغتاصبك... آه هي خديجة بنت الحرام لي سخراتك وتاتقول مشيتي تلاقاي مع صاحبك.... ةماتبكيش..... الله ياخذ فيه الحق
لالة حنان # واش كاتعرفيه ابراءة..... براءة # الهبيلة مابغاتش تهدر معاه..... حيت جواد مايبغيش....... وبا تاهو مايبغيش...... كان تايتبع الهبيلة..... : كان تايتبع الهبيلة ديما...... براءة بقات كاتبكي... حتى نعسات ماكملاتش لفرح وحتى هما مابغاوش يضغطو عليها
أصبحنا وأصبح الملك لله والحمد لله ولا اله الا الله وحده لاشريك له
اليوم نهار جديد.... هاد النهار براءة مشات عند الطبيبة مع السيدة حنان قالت ليهم راها كاتحسن مدام ولا كاتفاعل معاكم
خرجو من عند الطبيبة.... ومشات السيدة حنان لمحلات الملابس شرات حوايج جداد..... وخضات لحنان ولبراءة 2 كسيوات.... دفرح حمراء ودبراءة فالصومو... لبساتها تما ومابغاتش تحيدها.... هههه مسكينة...... ....صافي رجعو للفيلا.... دخلو.... مع حلو الباب حتى كاتغوت السيدة حنان # ولدي زياد جوات عند واحد الولد عنقاتو.... براءة بنات غير كاتشوف
زياد # ماما توحشتك بزاف السيدة حنان # درتيها بيا... ياك قلتي تال غدا عاد غاتجي.... فين هو باك
زياد # هو تال غدا عاد غايجي.... أنا بغيت ندير ليك مفاجئة..... زياد رد البال للبنت لي واقفة.... فالباب السيدة حنان # براءة اجي ابنتي هنا... هذا ولدي زياد..... زياد مد ليها يدو # السلام براءة براءة (بدون رد وشدات فيد السيدة حنان ) جمع زياد يدو وهو ماحاملهاش... السيدة حنان ردات البال.... # براءة هذا خوك زياد ماتخافيش منو..... سلمي عليه..... ماتديش عليها اولدي راه مسكينة مريضة شوي.... من بعد ونعاود ليك
مشات براءة عند فرح...... داز النهار عادي..... ماوقع والو وحتى براءة كانت عيانا مارسمات والو نعسات بكري من قصة .....أنا غير هبيلة
صبح الصباح.... النهار جديد واحداث جديدة
فالكوزينة
السيدة حنان # فرح بنتي... وجدي لزياد عصير دالليمون.... راه خرج يدير السبور فرح # آه راه وجدتو...أصلا.... راه الفطور واجد فين تبغى نحطو.... السيدة حنان # حطيه ابنتي فالطبلة دالجردة.... فين براءة مابانتش ليا هاد الصباح فرح # راه فاقت.... وبقات كاتبكي... قاليك بغات تشوف حمزة خوها... اليوم الأحد ومولف كل سبت كايجي يشوفها وأنا خرجتها للجردة وعطيتها ترسم
السيدة حنان # هاني غانمشي نبدل عليا ونمشي نطل عليها
فهاد الأثناء.... زياد دخل رد البال للبنت لبراءة لي جالسة تاترسم..... قرب ليها # السلام براءة.... لاباس براءة وهي نايضة باغا تمشي......
زياد # شكون هاد الولد لي رسمتي زوين...... براءة # الهبيلة بغات حمزة.... زياد # واهانتي هضرتي دابا..... شكون حمزة براءة # الهبيلة بغات حمزة....... حمزة ماجاش يشوف الهبيلة...... زياد # واخا غير قوليلي شكون حمزة باش نديك عندو السيدة حنان جات # زياد ولدي امتا جيتي زياد باس لمو يديها # عاد دابا شوي.... الميمة بغيت نسولك شكون هو حمزة لي كاتهضر عليه براءة واصلا ماعاودتيش ليا مالها هاكا السيدة حنان # براءة سيري ابنتي عند فرح عاونيها..... مشات..... الحمد لله لله ولات كاتفاعل معانا.....هداك راه خوها...... المهم اولدي براءة تعرضات لبزاف دالمعاناة فحياتها..... عاودات حنان لولدها زياد داكشي لعارفة على براءة زياد # مسكينة صراحة بنت زوينة بزاف..... ماتستاهلش..... السيدة حنان # ههههه هي عجباتك..... زياد # ههه ماشي هاكاك اميمتي...... المهم علاش بغيتي ديري فيها الخير السيدة حنان # ماعرفتش اولدي ولكن بقات فيا بزاف...... تفكرت ختك الله يرحمها (حيت من غير زياد وختو اللي فالخارج كانت عند حنان بنت وماتت مسكينة كان فيها التوحد.... وكانت طاحت غير فلابيسين ومع ماعرفاش تعوم وهي تموت.... )........كون كانت بعقلها ماكانتش ترمي راسها فلابيسين وتموت.... خلات ليا شمتة وحرقة اولدي....ولكن براءة فكراتني فيها وبغيتها تبرا.... واخا هي ماعندهاش التوحد.... وغير مصدومة ولكن بغيت نشد بيديها... زياد باس لمو الراس # الله يخليك ليا يالميمة الحنينة .................................. حطات فرح الفطور وهي وبراءة فطرو فالكوزينة مع مراد
من بعد الفطور ............................... زياد # الميمة اش بان ليك نديو براءة تشوف خوها
السيدة حنان# واخا كنت باغا نقولها ليك..... هاني نقول لحنان تلبسها ونبدل تا انا ونمشيو
السيدة حنان # فرح بنتي.... لبسي لفرح.... غانديها تشوف خوها
فرح مع ابتسامة فرح # هي الأولى الالة
دات فرح براءة لبساتها.... الكسوة لي شرات البارح.... وصباط بلا فالبيض.... دارت ليها ظفيرة.... جات فنة.... خاصة وأن شعرها كحل وطويل ورطب...... سبحان من صورها
السيدة حنان # فرح واش لبستيها...... يالاه راه زياد كايتسنى فينا حد الطوموبيل.... بنتي فرح بلا ماتوجدي الغداء علينا....
خرجات براءة مع السيدة حنان..... ركبو والطريق كاملة وزياد تايشوف فبراءة من المراية دالطوموبيل.....
وصلو للأكاديمية.... وهبطو سولو على حمزة.... وعيط لو المدير دالاكاديمية لي صديق العائلة
جا حمزة دخل للمكتب وغير بانت ليه براءة طار عنقها
حمزة # براءة توحشتك سمحيليا بزاف اختي ماجيتش نشوفك.... عندي الامتحانات بزاف..... (مسكين مافراسوش بلي بأه باع الدار) بقى تايعنقها...... وعاد رد البال لزياد وحنان..... # السلام عليكم........ سمحوليا....... مارديتش البال.... شكون نتوما براءة # حمزة خاصو بقرا مزيان باش ينجح..... براءة غاتجلس مع لالة حنان وختي فرح
السيدة حنان # براءة واش قالت براءة هي قالت براءة..... شتي اولدي حمزة ختك ولات كاتحسن حمزة وهو فرحان # براءة..... آه نتي براءة.....ولكن كيفاش حالتك ولات مزيانة..... السيدة حنان # ولدي حمزة براءة ولات ساكنة معانا..... حيت باك ومرتو مانعرت فين رحلو.... وفرح صاحبت ختك لي جابتها عندي.... حيت هي خدامة عندي... وغير كون هاني اولدي راه غاتبرا وتكون فالأمان..... حمزة # ايييه أبا..... دغيا نسيتي ولادك.... مسكين حمزة نزلو ليه الدموع وخا تايعيا ماينفع ....اش غانقول ليك الله يكتر خيرك..... براءة أمانة فعنقك..... 4 سنين ماعمرها نطقات سميتها تال هاد النهار يتبع الجزء الرابع و الاخير
واحد الساعة.... تاتسمع شي خطاوي تايقربو..... بقات كاتغوت....
الشخص # براءة ماتغوتيش ابنتي.... مع الغوات ديالها.... وراكم عارفين الناس ديالنا ماعزيزش عليهم داكشي دالتبركيك... دغيا حلو البيبان.... الشخص # وهو تايغوت على هادوك لي حلو البيبان # الله ينعل لي مايحشم.... مخليين بنت بايتة بوحدها.... ماسمعتوهاش وهي كاتبكي.... ولكن جاكم الفضول دابا..... واش مابقاتش الرحمة فهاد البلاد.... فين هو حق الجورة.... اوا الالة عيشة.... ياك يامنة الله يرحمها هي لي كانت كاتعطي لولادك ماياكلو ملي راجلك احمد مرض.... دغيا نسيتي خيرها وماقديتيش تدخلي بنتها عندك واخا تبيتيها غير فالدروج وماتخليهاش هنا
عيشة هي جارت عائلة براءة وكانت صاحبت لالة يامنة مها الله يرحمها # سي الفقيه.... راه ماشي هكاك.... أنا راه بغيت ندخلها وليني مع... مولف سي سلام غير تايرجع من برا ويدخلها معاه.... وزايدون راه تبرا منا وقال للجيران بلي لي دخل بنتو عندو يوصل معاه لخزيت
الشخص وهو نفسو الفقيه دالحومة # اييه.... اوا ملي ماجاش علاش مادخلتوهاش... كاع هاداك سلام خلعكوم كاملين...... ماعلينا اوا فين هو دابا
عيشة # وا الصراحة من فالعشية خرج هو ومراتو... وقلنا راه خرجو يدورو... وليني مادام الهبي.....بغيت نقول براءة هنا يعني سافروا
الفقيه # لاحول ولا قوة الا بالله العظيم.... اييه ياليام.... لهلا يحرم شي مسلم من القلب الحنين.... مسكينة لالة يامنة... مشيتي وخليتي بنتك بوحدها... وليني كاين الله..... اوا هاني نديها معايا.... وايلا جا باها وقدر الله وسول فيها.... قولو ليه داه الفقيه...
دا الفقيه براءة عند مراتو... الفقيه عندو 2 بنيات و 3 دالولاد.... ولكن كلشي بدارو بقات ليه غير بنية 1 وولد قد براءة...... الصباح.... مرات الفقيه وبنتو داو معاهم براءة للحمام.... عوموها مساكن.... وتهلاو فيها
الفقيه # فين غاتسكن معاك ابنتي.... وباها دابا يجي يقلب عليها راه مهما كان راه بنتو هادي
فرح # اييه.... راه سمعت با البارح تايقول لمرتو بلي سي سلام باع ألدار والحانوت.... ومشا معرفو فين
الفقيه # لاحول ولا قوة الا بالله العلي العظيم..... لاحول ولا قوة الا بالله العظيم..... وفين بغيتي تديها معاك
فرح # مولات الدار عندمن خدامة.... قالت لي نجيبها معايا.... تجلس معاهم حيت هما بوحدهم.... عندهم بنت وحدة راها مزوجة فالخارج.... والولد تايقرا فأمريكا.... وملي عاودت ليها هادشي لي طرا لبراءة قررات تعاونها الفقيه # مسكينة.... الله يكتر من أمثالها.... اوا اش نقوليك ابنتي.... ديها.... أنا نيت راه كبرت وخالتك تاهي..... وراه بغينا نرجعو للبلاد ...اللهم تمشي معاك عند دوك الناس أنا غير هبيلة
أماه بعدك لا نور
أماه عم الظلام
أماه بدونك يتيمة
أماه عودي يبزغ القمر
أماه عودي تشرق الشمس
أماه عودي.......... أماه
اييييه يالزمان الغدار....... فين اليام لي كانت فيها يامنة.... كنتي يا براءة يتضرب ليك ألف حساب.... كنتي نتي نور عين باك... لي عمراتها وحدة جات من مور مك..... ايييه ودابا هانتي وليتي يتيمة الابوين... واخا باك باقي حي ولا يتحسب من الميتين....... باع الدار بلا مايفكر فيك ولا حتى فخوك...... ومافكرش حتى يديك معاه......
المهم فرح دات معاها براءة.... براءة لي ولات تلاح من دار لدار
براءة # الهبيلة تجلس مع فرح..... لا الهبيلة بغات تمشي لدارهم.... حمزة ومي غايجيو ومايلقاوش الهبيلة..... و با غايضرب الهبيلة إلى مارجعاتش.....
فرح عنقات براءة # كيف ندير نفهمك...... (مولات الدار تاتعيط ) .....براءة جلسي هنا كولي هاني غانجي دابا
فرح # نعم الالة....
مولات الدار # بنتي واش جبتي معاك ديك البنت....
فرح # آه الالة.....
مولات الدار # المهم هانتي عليها البيت ديالك.... ونتي ومراد رجعو للبيت لي حداه..... راه كبير على هاداك.... وراني هدرت مع واحد صاحبتي هي طبيبة نفسانية...... وقالت لي غاتجي تشوفها..... اليوم فالعشية.....
فرح # شكرا بزاف الالة..... الله يكتر من مثالك.....
المهم فرح مشات كملات الشغال ديالها.... ودات معاها براءة للبيت اللي غايولي ديالها # براءة هانتي هابيتك.... وهاهما الحوايج الجداد ديالك.... راه عاد شريتهم ليك...... براءة عاودي لصاحبتك فرح..... أنا عارفاك ماهبيلاش غير خايفة ومصدومة من الموت دمك ....ومن داكشي لي وقع ليك...... شكون لي تكرفس عليك.... شكون لي جرحك ديك الليلة...... واش تانعرفوه
براءة تكمشات وهي تاتبكي # معرفتش.... أنا غير هبيلة.... ماعرفتش
مولات الدار # فرح... فرح..... جيبي براءة واجي عندي
براءة مبتاسمة.... # مي كانت تادير للهبيلة الظفيرة... الظفيرة زوينة....
فرح # الحمد الله هانتي تبسمتي..... أنا نبقى ديما نظفر ليك هاد الشعر الزوين والطويل.... يالاه دابا نمشيو مولات الدار تاتسنى....
مشات براءة و فرح لعند مولات الدار للصالة وماكانتش بوحدها... كانت معاها واحد المرأة..... جلساتها فرح ومشات توجد اتاي كيف ماطلبات منها مولات الدار
المرأة ولي هي الطبيبة النفسانية # براءة لاباس... أنا الطبيبة ديالك.... نكونو انا ونتي صحابات..... قولي ليا اشنو تايعحبك ديري.....
براءة # بدون جواب.... وخايفة
الطبيبة كاتخاطب مولات الدار# حالتها ماصعيباش.... غير كاتبان مصدومة وخايفة.... غاتكون دازت من شي حاجة لي ركبات فيها الخوف وتلقات صدمة. فحياتها...... عيطي على فرح باش نسولها...... جات فرح # الطبيبة # فرح ماعرفتيش اشنو لي كان تايعجبها دير... قبل ماتموت مها... شي عمل شي هواية.... واشنو الحوايج لي دازت منهم خلاوها هاكا
فرح # آه كانت كاتيعجبها تطيب واخا صغيرة.... وكانت كاترسم بزاف.... عندها موهبة ماشاء الله فالرسم...... كانت مات مها ومن موراها جات مرت باها لي ردات حياتها جحيم..... باها لي ماكانش تايخسر ليها ولا تايهلكها عصى.... خطبها واحد ولد جيرانا واخا كانت باقا صغيرة. .... كانت عندها. 14 العام ....... زعما حط عليها يديه على ماتبلغ السن دالزواج.... وباها قبل وجلسها من القراية وخا كانت كاتقرا مزيان..... ولكن واحد الليلة كانت الشتاء والدنيا خاوية كانت خارجة تاواحد ماعرف اش كان خرجها فداك الليل....غبرات والغد ليه لقاوها مرمية حدا الكوليج..... وعامرة دم.... وحوايجها مقطعين كانت شبه عارية..... وتخلى عليها داك اللي كان خاطبها.... من بعد ماقالو بلي خرجات تتلاقى مع صاحبها.... واخا انا متأكدة بلي هي ماكانت كاتعرف تاواحد..... مسكينة مادافعاتش على راسها ...حيت ديك الساعة تصدمات
حيدت.... وأنا خايفة حمزة # ......اجي اش كاديري هنا أنا #معرفتش .....أنا غير هبيلة حمزة #اجي اختي نمشيو للدار انا #لا ...... خديجة تاضرب الهبيلة..... وبا حتى هو تايضرب الهبيلة..... وحمزة تاهو غوت على الهبيلة..... ومول الطاكسي تاهو. غوت على الهبيلة حمزة #عنقها وجرها معاه.... ومشاو للدار السلام عليكم ورحمة الله وبركاته..... هادي براءة ......عندها 18 العام فتاة جد جد جميلة..... عينيها زورق وكبار.... فم غوز ومطراسي.... حناك حمرين والشفار والحجبان والشعر كوحل.......واخا هي مكرفصة فحالتها إلا أنه ماكاينش لي تاينكر زينها .....ولكن كيف ماقالت هي غير هبيلة.... هبيلة حيت موت مها الحنينة جعلاتها هبيلة.... هبيلة حيت الحيوان لي اغتصابها. جعلها هبيلة..... هبيلة حيت باها ساندهم وبغاها تكون هبيلة..... هبيلة حيت مرات باها هبلاتها بالعصى...... هبيلة حيت المجتمع الحgار......بغاها تكون هبيلة ....هبيلة حيت لي بعقلو فهاد الوقت وفهاد المجتمع وحقاني تايرجعوه هبيل........هادي هي براءة الهبيلة وهاداك حمزة الأخ د براءة .... حتى هو زوين فوجهو.... عندو 20 عام.... تايقرا فالاكادمية العسكرية......دخل ليها حيت جاب النقطة الأولى فالباك.... دابا العام الثاني ديالو هادا.... مسكين ملي تاتجي تايتهلا فبراءة.... فالصيف تايخدم باش يشري الكتب.... واخا بأه عندو الفلوس... ولكن ماتايعتقوش..... رجع حمزة براءة للدار... غسل ليها وجهها وعنقها
وهز صاكو وزاد (حيت هو تايجي السبت العشية ويمشي نهار الأحد.... هاداك القانون دالاكاديمية )
تلاقى مع مرت باه فالباب كانت جايا من الحمام # السلام اخالتي.... بالصحة والراحة.... عافاك تهلاي فبراءة عارفاك مكرفصة معاها
خديجة # اممممه..... وهي هازة حاجب الفوق يعطيك الصحة.... اوا راني تاندير علاش قديت.... ولكن ديك الهبيلة راه غايخرج ليا العقل حمزة # سمحيلينا بزاف.... عطاها شوي دالفلوس... حيت هادشي باش كتمشى.... (عطاها من الفلوس دالمنحة.... واخا هو تايجمعهوم على حساب براءة باش يدير ليها حصص عند شي طبيب نفساني... داكشي باش كيضطر يخدم فالصيف باش يشري الكتب ومايقيسش دالمنحة )....اوا بسلامة اخالتي
خديجة # بسلامة.... دخلات للدار لقات براءة جالسة.... وهازة الصورة دمها وتاتبكي..... اديك الهبيلة نوضي خرجي عليا.... حررتي عليا العيشة الله يتبعك لمك.... واش هي تهنات منك وانا نحصل فيك
براءة # غير تاتشوف فالتصويرة وتاتبكي.....
خديجة # مابغيتيش.... جراتها من يديها وطلعاتها للسطح حيداتلها الصورة... وقسماتها على 2 ورماتها عليها .... وسدات الباب دالسطح.....
هي بصح كيف كايقولو عليها هبيلة ولكن واش لي هبيل ماتايحسش
بقات تايبكي وتعيط. مي.... حتى طلعات عندها خديجة بالعصا.... زوقاتها
وهبطاتها.....خرجتها للزنقة وسدات عليها الباب.... كان سي سلام باين براءة جالس تايتغدا...... # خديجة اجي كملي غداك..... وخلي ديك المسخوطة الهبيلة تغوت.... خديجة # راه سديت عليها الباب.... كون درتي ليا بالراي... كون رحلنا انا وياك من هنا وخليها تجلس تدور.... مانخليوش الأثر ديالنا هنا
سلام # اوا يكون خير فالزنقة #
براءة جالسة تاتبكي... حتى جات عندها فرح لي كانت صاحبتها من الصغر....وخا فرح كبيرة على براءة بعامين يعني قدها قد حمزة .... فرح عزيزة عليها براءة وكتشفق عليها..... حيت حتى هي ميتة ليها مها...... وعايشة فالجحيم مع باها ماشي مع مرتو..... باها لي كبظل بمنن عليها... وخرجها من القراية وعطاها تخدم فالديور.... هي وبراءة ماكانوش تايتفارقو..... ولكن نهار تعرضات براءة للاغتصاب... مابقاوش تايخليوها تجلس معاها أولا تقرب ليها.... وحتى إلى دارتها... غير بالخزنة
مولات الدار # زوينة هاد انا غير هبيلة..... واش تقولي شكون نتي وشكون جابك ولا نعيط للبوليس
براءة # أنا غير هبيلة.... فرح جابت الهبيلة..... البوليس ضربو الهبيلة.... البوليس خايبين
دخلات فرح # لالة سمحيليا راه انا لي جبتها معايا.... راه مرت باها خرجاتها وسدات عليها الباب وجبتها معايا
مولات الدار # وفينا هي مها وباها
فرح # مها ماتت.... شي أ ربع سنين ولا خمس سنين... وباها راه كاع مامسوقش ليها...... كون داها غير لطبيب نفساني كوراه هي دابا مزيانة
مولات الدار # مسكينة.... إلى ماكانش تدير ليك المشاكل بقاي تجيبيها
فرح # آه شكرا الالة ماتخافيش...ماغادير والو من قصة
أنا غير هبيلة
.......... فالليل جابت فرح براءة تال دارهم# احبيبتي هانتي دقي الباب ودخلي راه إلى شافني باك غايقولها لبا وغا يقتلني .......ومشات بحالها..
براءة بقات كادق...... والو ماجاوبها حد
براءة بقات فالباب وتاتبكي..... وصلات 10 وصلات 12 وصلات 2 والو تاواحد ماحليها الباب
بقات كاتبكي وهي مكمشة...فحوايجها..... بقات براءة فالباب تال الفجر..... والبرد وخا ماكانتش الشتاء ولكن البرد كان كايدخل العظام.... حتى من الشماكرية ماتايضوروش.... وبراءة مسكينة غير كاتسمع شي تقرقيب وتنقز بالخوف يتبع .... الجزء التاني
