أنا:مشكلتي نتا منير:كيفاش أنا أنا:قصدت المادة ديالك واعرة منير :أووه إيلا حتاجيتي شي حاجة جي لعندي أنا:أوك شكرا واو شحال فرحت مين هضرت معاه هادا هو لي كي هضرو عليه البنات الحب أنا كنبغيه مشيت طرت لعند إلهام ..وا إلهام إلهام إلهام.:مالكي أنا:عرفت الحب هو حبي إلهام:أش كتقولي ما فهمتش أنا:وا كنبغي منييييررر إلهام:أوباش عرفتي أنا:بكلشي راه فرحانةةة بقيت نهار أو مطال كنفكر فيه أو قررت نبدا نخليه يبغيني .. لييل كامل أو أنا كنخطط باش نخليه يبغيني صبحت الصباح لبست دجين كحل بودي كحل لاصق أو تلقت شعري أو تريحت أو مشيت لعندو بحجة أنه يشرح ليا . بقيت نمشي عندو ديما أو ديما زوينا ... ولفتو ولا كي ضحك معايا أو كي شوف فيا ..واحد نهار كنا جالسين كي شرح ليا جات عيني غعينو أوحط إيدو علا إيدي عنقني أو باسني وااااااوو حسيييت بالرعدة هو شاف فيا وقال ليا نتي لي سرقتي مني قلبي أو غا تكوني مامات ولادي ....أو فرحت حيت ولا الحب من طرفيين وااو ... ولكن فرحتي وراها مشااكل .... وليت ديما نخرج معاه أو نستمتعو أي حاجا كنديرها نعاودها الإلهام .... حتال واحد النهار كنت خارجا معاه أو مشيت قبل عند إلهام قلت ليها كيف جيتك زوينة جوبتني ما بيكش .. ما حكرتش بزاف كان منير كي تسناني أو مزروبة أو قلت لإلهام البلاصة لي غانمشو ليها .مشيت جلسنا أو فرحانين ...شويا بان ليا خويا جاي كي جري .. نضت غوت أو بداو كي دابزو ولاو كاملين دمايات قتلوني بالعصا أو ماعقلتش علا راسي حتا عقلت في بيتي أو ماما كتبكي .هرجوني من قرايا سزرتو عليا لباب ديال دار ..جات إلهام عاودت ليها أو بقات معايا . دابا مدة مخرجتش من دار أو بغيت نعرف كيفاش خويا جاي لينا ديركت بحالا كان عارف توحشت منير بزاف ما بقيتش قدرت نتحمل بغيت شي طريقة باش نشوفو .. نهار لاخر سمعت صوت منير فدار أو هبطت لقيتو جايب سكر أو جاي يخطبني .. ولكن شافوه خوتي أو بداو كي جرو عليه أو ماما قالت ليه فين وليديك قال ميتين أو متتاقوش بيه جراو عليه قدام عيني وانا كنبكي أو نغوت جاو عطاوني قتلة تاع العصا عاد رتاحو .. جات إلهام كتقول ليا نسايه وااا منقدرش هو حياتي كنموت علييه .. بقات معايا إلهام ..بقات ديما تبات معايا .. حتال هداك النهار لي فقت بليل ما لقيتهاش ..أو تخلعت بديت نقلب عليها في الدار ..وصلت لبيت خويا كان مردود دفعتو شفت أو سمعت أكبر صدمة فحياتي ..صحبتي أو خويا ناعسيين ... لي جارحني أني عرفت بيلا هي لي عاودت لخويا علا علاقتي بمنير ... بققييتت كنبكيي خرجت بلا صوت ..أو نهار لاخر . نهار لاخر واجهتها .. أنا:إلهام ما كنحملكش أسوئ حاجا أني عرفتك كنكره النهار لي شفتك فيه إلهام:مالكي أحبيبتي أش درت ياك ما أتر عليك فراقك معا منير أنا:متجبديش سميتو علا فمك يا الغدارة .غير لبارح لي كنتي ناعسة حدا خويا أو سمعت كلشيي إلهام:را مقدرتش نقول ليك عندي علاقة معا خوك أو راه درت داك شي لمصلاحتك را متيقيش فيه يكون كي كدب عليك أنا:سكتي ما بغايتش نسمعك أو كنكرهك يالاه بديت ندفع فيها جا خويا : ماتمسيهاش غاتكون مراتي والله حتا نهرس لمك راسك إيلا قربتي منها .. هي شافتو بدات كتبكي أو زادت في صوت أو هو كي قول ليها والله مانخليها فيها .... تكيت فبيتي كنخمم في الحالة لي أنا فيها ..عيييت من هادشي ...شويا وانا نسمع صداع نزلت لقيت منير كي غوت بسميتي أو هو منهار .. خرجو خوتي بداو مدابزين معاه أنا مشيت كنجر فيه أو الدرب كي جي فيا .. قبل مايدخلوني وي سدو لباب سمعتو كي قول ليا ياسمين جي عندي أو تسد لباب أو دخلت ليا هاد لكلمة لقلبي تما قررت نهرب عندو .. علاش لي كي حب كي تمحن .... وليت نهار كامل كانتسنا لباب يتحل باش نهرب ولكن ما كينش كيفاش ... بقيت كنفكر كي مدير .. جاني فبالي الحمام ..قلتها لماما أو داتني الحمام قلت ليها نخرج سخفت بتلسخونية أو خرجت كبيت عليا سطل الما بارد أو لبست أو خرجت ..حسيت بالحرية بقيبت كنجري حتا وصلت لباب . حل ليا لباب شفتو فواحد الحالة كتطيب القلب مين شا فني نقز عليا عنقني أو بقينا معانقين حتا بديت كنبكي خايفة يفرقونا .. دخلني لدار أو قال ليا حتا حاجا ما تبقا تفرقنا فرحت أو رتاحيت .ناض جمع حويجو أو مشينا لدار أخرى ما يعرفوناش فيها .. وصل ليل قال ليا يلاه نخرجو ..خرجنا مشا شرا ليا الحويج أو أي حاجا كتخص البنات أو كلينا أو تقدينا عمرنا التلاجة و باليل نعسنا في بيت واحد أو واعدني بيلا مايآدينيش مايقيسنيس حتا نتزوجو أو تيقا فيه .أو آيلا كان يقتلني أنا موافقة كنمووت عليه... فعلا كنعيش معاه الحب بلا ما يآديني وليت ديراه راجلي كل حياتي .... بقينا عيشيين فسعادة بعيد علا الصداع ... حتال نهار جا منير من الخدمة وجهو مبدل قلت ليه مالك قال ليا خاصنا نتزوجو أو خاصنا نواجهوهم ما نبقاوش هربانين ... نعست وانا كنفكر في هضرتو بصح حتال إمتا .... نضت فصبح وجدت الفطور أو مشيت فيقت حياتي أو بستو أو جرني لعندو قال ليا بغيت وليدات خاصنا نتزوجو أو قلت ليه إنشاء الله أحلامنا تحقق ... نضنا لبسنا حويجنا قررنا نمشو نتزوجو ... مشينا تكاتبنا أخيرا ولينا مزوجيين الله علا فرحة ... قررنا نمشو لدارنا أنا غاديا أو خيفا ... مشينا دقيت الباب حلت ليا ماما شافتني أو تقاست عليا عنقتني بقيت كنبوس فيها قلت ليها ماما تزوجنا تصدمت أو قالت ليا دخلو دخلنا ملقيتش خوتي جلسنا معا ماما شويا جاو كاملين دار عمرت بغاو يبداو يضاربو أو هيا تغوت ماما سكتو راهم مزوجيين أو ماتبقاوش دابا تدخلو أولا حتا تصيفطوني الرودة .... صافي ماهضروش معانا .. أو دوزنا النهار تم شي ما كيشوق في شي ... رجعنا الدار أو حنا مرتاحين ... . غير دخلنا قال ليا حنا مزوجين عندي لحق ناخد حقي منك أو هربت ليه لبيتنا قلت ليه لا خايفا قال ليا دابا نقيسم سيمنا نديرو العرس قلت ليه لا حتال عرس كلشي أو دار ليا خاطري ... مشيت عند ماما باش تبظا توجد ... دازت سيمانا ماخالينا ما درنا فيها ..أو جا نهار لي كنتسناه أناو حبيبي ... قادت ليا نكافة الماكياج أو لبستني أو خرجت أنا وحبيبي داك شي لي تمنيتو أو ركبت في لعمارية إحساس بالخوف لانطيح ههه أو السعادة دوزنا نهارنا زوين أو جا الوقت لي دخلت فيه لبيتي أو جا حبيبي بدا كي حيد ليا حويجي قلت ليه لا نبدل أو نجي هشيت لبست طونيكا أو من الخوف قلت ليه يلاه جاني نعاس بونوي هه أو هو يجرني قال ليا ما كيناش بونوي ليوم أو حيد ليا حويجي كامليين أو باسني كاملة .... أو قدا الغراض .. .. أو ماتقسحتش بزاف غير الخوف . في صبح جابت لينا ماما الفطور أو جاو معاها لعيالات بقات دارنا عامرة حتا نهار السابع ... عاد خوات قررنا نسافرو أو سافرنا دوزنا وقت زوين ... ما خلينا ما درنا ...داز شهر أو رجعنا ..رجعت مشيت عند ماما أو بابا أما خوتي بيناتنا غير سلام .... جمعت معاهم أو عطيتهم كادوات أو مشيت لداري .. خملتها أو جمعت أو صبنت طيبت .. ولفنا حباتنا .. دازت سيمانا كنت كنشقا أو منير كان كي قاد شي خدما حسيت بالدوخة أو طحت جا منير هزني داني لطبيب ... الخبر لي كنت كنتسناه أناا حاملةةة ناض منير هزني أو بقا كي دور بيا أو كي بوس فيا فرحنا بزاف ... من تم ماكيخليني ندير والو ديما غانوض يجلسني وي بوس كرشي ونجمعو معا بيبي وااو إحساس وااعر .... جا وقت نعرفو الجنس تاع بيبي مشينا لطبيب أو كتشفنا بيلا حاملة بتوميين بنية أو وليد تخلطت ليا فرحا معا خوف ... بقا مهتم بيا راجلي الشهور كاملين أو ما خاصني والو حتا جا النهار لي كنتسناوه .. كنت ناعسة حتا جاني الوجع نضت كنغوت داني لسبيطار بقا معايا وانا كنتوجع أو ولدت لبنية عاد لوليد ... واو نسيت الوجع مين شفتهم خرجت من سبيطار سميناهم أناس و رميساء . فرحت بيهم بزاف ..... بقيت معا حبيبي ولا راجلي أو ولدا وليداتي ... الحمد لله رغم الصعوبات الله كان معانا النهاية
شويا بان ليا داك الأستاد بقيت كنشوف فييه إلهام:ياسمين شتك ماشي تال هيه كاتبقاي تحنزي في الأستاد ياك ما عجبك أنا:أويلي ماتقوليهاش ياك عارفاني ما كنحملش رجال خوتي كرهوني في رجال أو ما يجي منهم إلهام:أوك غير جاتني عجب تشوفي في أستاد بهاديم الطريقة .أو زيدون دابا يجي الوقت لي تبدلي فيه صورتك لي واخدا علا رجال . أنا:ما غي يتبدل والو ما كنحملهمش هيا ماكنحملهمش أو زيدي قدامي خلينا نمشو لدار بلا مانتعطل و نصدق واكلاها . مشينا لدار .ماما.:جيتي أبنتي يلاه لبسي وهبطي ناكلي. هبطت كلشي خوتي حاضرين ماموالفينش يتجمعو .حطت ماما الماكلة أو جلسنا ناكلو ،نقز واحد من خوتي هضر: الوليد باسمين كبرت ما بقاتش تاع القرايا غير تجلس فدار حتا يجي لي يتزوجها أنا:كيفاش لا لا بغيت نكمل قرايتي خويا:سكتي أولا نهرس المك فمك بابا:شوف أولدي حتا شي واحد فيكم ما قرا كلشي خرجتو هيا بغات تكمل غاديا تكمل أنا مين سمعت هضرت بابا فرحت وليت ناكل بلا عقل مين كملنا ماكلة نضت عنقت بابا تعنيقة كبيرة أو بيت ليه راسو .خوتي بقاو مفقسين سرهم .ديما مخليني كارها عيشتي عمرني ما نسمح ليهم علا أي حاجا داروها ليا من صغري لدابا مشيت لبيتي و حليت الفيسبوك أو جلست كنتكونيكطا .جاني نعاس أو نعست لغد ليه ماقارياش .نضت جمعت الدار أوطيبت أو درت حليوات لدار ،جات عندنا خالتي فاطمة كانت ساكنة حدانا مين كنت صغيرة عمرت ليها أتاي أو حطيتو ليهم .جاني الملل في الدار بغيت نخرج أو خفت من خوتي ما عندي زهر .هزيت تيليفون أو عيطت لإلهام قلت ليها تجي عندي أوجات عندي جلسنا كنضحكو أو شعلنا الموسيقا .صحبتي عزيزة عليا بزاف ماعنديش الصحابات عندي غير هيا خوتي ما كي حملوش الصحابات هادشي لاش مين تجي شي بنت تبغي تكون صحبتي كنتجاهلها ،إلهام كايشوفها خوياما كي قول ليا عليها والو أول مرة كي سكت ،مهم بقات معايا إلهام هاداك النهار أو جا خويا شاف فينا أو شوفا زوينة قال لإلهام سلام أو مشات إلهام لدارهم،طيبت العشا أو تعشينا أو من بعد كل واحد مشا لبيتو ،جات عندي ماما قالت ليا بيلا ولد خالتي فاطمة بغا يتزوج بيا هو كي عرفني ولكن أنا لا .ماما جوباتها بيلا مزال كنقرا كون سمعو خوتي هاد الهضرة كون زوجوني باغين غير يتهناو مني .الحمد الله . صباح اليوم التالي: ماما:فيقي ياسمين فيقي فات عليك الوقت أنا:ناري يا ماما نعست ما فقت لبست حويجي سروال دجين زرق .تريكو في الأسود لبست كونفيرسا زرقا أو خرجت شديت طوبيس ،لقيتهم دخلو عند نفس الأستاد جيت عاد غا ندخل ونا نسمع الأستاد :الطالبة فين داخلة أنا:فات عليا لوقت الأستاد :من المفروض تطلبي الإدن عاد دخلي أنا:أوكي أستسمح الأستاد:تفضلي مشيت لبلاصتي لقيت إلهام واخداها ليا .جلست وانا غانموت بالفقسة مالو شكون يسحاب ليه راسو ،محملتش راسي مين هضر هاكاك ... أنا دابا كنجمع في حويجي باش نمشي عند خالتي نمشي نبدل الجو تاع صداعات .مشيت ستقبلتني خالتي بالضحك أو الهضرة زوينة أو حتا بنتها قدي في العمر سميتها منال ضريفة بزاف .دخلت لقيتها موجدا الغدا جلسنا كنتغداو ما عرفت الضقة مين جاتني تلفت لقيتو ولد خالتي عماد :جيتي أسليعفانا توحشناك أنا:ياكا أنا سليعفانة تخاصيمتك عماد:ههه كنضحك معاك والله حتا توحشناك دوزنا النهار ضحك عاودت ليا منال على قصتها معا حبيبها الحب لي مكنعرفوش أنا ههه تعشينا علا برا النشاط .رجعنا دار ماشطين بقيت سهرانا معا منال ما خلينا ما درنا جمعنا شطحنا تصورنا ... جانا نعاس أو نعسنا ... نعست شي سعتين جاني العطش بغيت نوض مالبساش مزيان أوخاص نهبط حتا لتحت .كنت لابسا كسيوا خفيفة فوق الركبة خفت يشوفني شي حد .صبرت تا عيت أو نضت بانت ليا دنيا خاويا شربت أو مين كنت راجعة حسيت بشي إيد جرتني مين تلفت لقيتو عماد قلت ليه مالك ما هضرش أو هو يورك ليا علا إدي قلت ليه طلق مني قصحتيني مين دفعتو جرني لعندو شميت فيه ريحت شراب أو جلست نعاير فيه تبدل ما كانش هاكا .بقيت مداربا معاه طلعني لبيتو أو أنا سكت باش مايسمعوش دار.جلنسني بدا بغا يحط عليا إيديه وانا نصرفقو أو خرجت .مشيت لبيت منال سديتو أو تكيت أو بقيت نفكر فهاد شي ما نعستش حتا صبح الصباح أو نضت أنا و منال وجدنا فطور جا عماد هضر عادي أو ضحك بحلا تا حاجا ما وقعت ستنتجت بيلا كان سكران أو معقلش قلت نسا أو ما نجبدشالموضوع ...وصلت العشيا جمعت حويجي أو توادعت معاهم بالبكا أو رجعت لدارنا رجعت الأجواء الصداعات .. هاداك النهار عيطت عليا إلهام باش نخرج معاها عند صحبتها .قلت ليها ولخا ...أو نضت نوجد راسي لبست دجين أو قميجة أو درت الضفيرا أو مشيت عند إلهام مشينا لعند صحبتها دوزنا معاها نهار زوين الضحك و النشاط .مين كنا خارجين كيبان لينا هادلك الأستاد لي مكنحملش أو قالت إلهام شوفو أستادنا قالت ليها صحبتها هادا جارنا مازال أستاد متدرب سميتو منير ميتين ليه عائلتو في شي حادتة كي سكن غا وحدو ...أنا قلت ليهم شتي هاد شي لاش كيبان صغير حيت صغير ..أو بداو كي ضحكو عليا البنات رجعت لدار وانا كنفكر في منير ماعرفتش علاش كنفكر فيه أو أنا ما كنحملوش .. دوزت داك نهار كنفكر فيه الغد ليه قاريا فقت بكري علا غير العادة دوشت أو جبدت حويجي كاملين بانو ليا خيبين نلبس أو نحط أو لبست كسيوا طويلا معا لافيست دجين معا كونفيرسا أو مشطت شعري طلقتو .او مشيت لافاك لقيت إلهام غير شاقتني خرجو عينيها قالت ليا آش هاد التغيير أو بقات تغزل بيا ههه بالضحك مشيت دغيا جريت خديت بلايص لقدام باش نبقا نشوف منير علا خاتري ههه يمكن حماقييت أولا شنو ههه عارفة حاجا وحدا أني كنفرح مين نشوفو ... بقييت جالسة أو كنحنزز فيه أو هو مي شرح واو شحال زوين سمير طويل أو صحيح وااو بوكوص .بقيت ساهية في الجمال ديالو حتا كنشوف فيه نعت فيا أو قال ليا جوبي علا السؤال ناري علا إحراج بقيت غير ساكتة ءو هو يجاوب علا السؤال راسو .مين خرجت مشيت عندو.أنا:سمح ليا حيت ماكنتش مركزا منير.:بنتي ليا ساهية عندك شي مشكل نقدر نعاونك يتبع... الجزء الثالث
أنا راجعة دابا لدار ..ناري تعطلت ،عطلاتني صحبتي بقات كتقنع فيا باش نبقا معاها أو بقيت أو بجماعة نسيت الوقت .نسيت ما عرفتكمش على راسي أنا سميتي ياسمين فعمري عشرين كنقرا في الجامعة ،كنعيش وسط أسرة محافضة كتكون من ميمتي ،بابا،أو أربع إخوة كلهم ذكور أنا لي بنت كنحس وسطهم بالخنقة بسباب تعامل ديالهم معايا ،هاني وصلت دار . ماما:فين تعطلتي أبنتي .أنا:غير بقيت معا صحبتي أوداز الوقت سمحي ليا أماما. ماما .:يالاه سيري لبيتك بدلي و أجي عاونيني . أنا:واخا أنا جايا . سمير خويا لكبير: أجي ألالا هادا وقت.؟؟ عطاني طرحة تاع لعصا ماما ما قدرتش تفك جاب الله خوتي لاخرين ما كينينش كون تحماو عليا وختا ما ديرا والو ديما العصا أو لمعيار عييت من هاد العيشة بيت نرتاح .نضت طلعت لبيتي نبكي علا زهري ومكتوبي ماعقلتش على راسي حتى نعست. صباح اليوم التالي:
نضت واخا ما فيا مانوض .غسلت أو لبست واحد الكسوة لونها أسود زوينة أنا كي قولو ليا لبنات زوينة أو الله أعلم نوصف ليكم راسي شويا أنا لون ديال البشرة ديالي بيض لاطاي ديالي ماغليضاش أو مارقيقاش ماطويلاش أو ماقصيراش نص نص ،شعري طويل أو كحل حروفي كحلين عينيا كبار أو شفاري طوال هادي هيا أنا .لمهم لبست أونزلت نفطر .ماما: فطري مزيان . أنا :كليت أنا غادا .ماما:الله يعاونك أبنتي .أنا.:أمين الله يخليك ليا . نزلت مشيت لبلاكة تاع طوبيس بقيت كنتسنا حتاجا طوبيس أوطلعت .وصلت لافاك لقيت صحبتي كاتسناني .صحبتي سميتها إلهام في نفس العمر ديالي أو شهيبة . إلهام:فين تعطلتي أصحبتي .أنا : كنت كنتسنا طوبيس ياكما بداو المحاضرة . إلهام :مازال كي دخلو يلاه نمشو. دخلنا جا الأستاد كلشي تفاجئ كيت ماشي نفس لأستاد لي كي قرينا ،من بعد عرفنا بيلا الأستاد لي موالف يقرينا مريض .أو هاد الأستاد يقرينابيما جا أستادنا غير الحاجة لي تارت إنتباه ديالي أنه صغير على يكون أستاد جامعي .كيف دار ليها ؟؟؟ إلهام:ياسمين ... وا ياسميين هييييي تيفين سرحتي أنا:ههههه غير كنفكر كي دار تا ولا أستاد جامعي أو صغير إلهام:أو باش عرفتيه صغير .يمكن كبير أو مهلي فرايو أنا:ههههههه حنا مالنا علا هاد لفضول كامل إلهام :قولبها لراسك تبعي معاه . بدا الأستاد المحاضرة مين بدا ماحيدتش عيني عليه ماموالفاش نتبع معا شي أستاد هاكا .جاني في شي شكل .ما بغيتش الحصة تكمل ما عرفتش علاش رتاحيت ليه وختا عمرني شتو . كملت الحصة خرجنا مشيت أنا أو إلهام ناخدو شي حاجا ناكلوها غير نسكتو كروشنا شويا را قتلنا جوع .خدينا رايبي أو بيموات أو مشينا جلسنا فكراسا كاناكلو . الجزء التاني
