الغنى لا ينتج المجد

 السلام عليكم و رحمة الله

"الغنى لا ينتج المجد،بل الإرادة والعمل من تخط بأحرف من ذهب في ذاكرة التاريخ"

فهاد المقال بغيت نوصل جوج أفكار رئيسية ليك نتا لي تتقرا، اللولة هي أنو الفقر و الحرمان يقدر يخليك تبدع،ويزيد يحفزك أنك تخدم و تعري على كتافك...والفكرة الثانية هي أنك تحاول تستأنس، عزيزي القارئ،بالرياضيات وعلم الحساب، لي هو للأسف la bête noire ديال شريحة عريضة ديال الشباب..ماشي المشكل ف أنهم مقادرينش يواجهو مساءل رياضية أو بلغة الخشب"معندهمش معاه"، ولكن ب أحكام مسبقة كانو تيسمعو الماط صعيب فتيتكون هاجس عليه وتيخافو منو..والحقيقة أنو حلاوة الماط تضاهي حلاوة الجنس، لي مجرب غايفهمني!

هاد جوج أفكار انحاول نوصلها عن طريق سرد قصة حياة العالم الرياضي الألماني المشهور فريديريك غاوس Gauss..جاوس تزاد ف 1777، ممتورخش بالضبط بحكم أنو الأم ديالو مقارياش و أمية،و الأب ديالو كان مرة جزار مرة بناي مهم مديبانيين الوقت ومكافحين مع الزمان.غاوس فعلا عاش الفقر والحرمان، هدشي لي خلاه ف بلاصة مايلعب باللعب، يلعب بالأرقام..ملي كانت عندو 7 سنين، وقعت حادثة طريفة مع جاوس بسببها وقعت انتفاضة ف علم الحساب..كان غاوس تيطير فالحساب،و تيسول الأستاذ بزاف،وباش يتهنا الأستاذ من صداعو عطاه عملية صعيبة فديك الوقت بحكم مكانوش تصاغو خاصيات المتتاليات..فقاليه حسب ليا مجموع من 1+2+3...+99+100 .بعض خمس دقايق نقز جاوس"ستاذ ستاذ، المجموع هو 5050".لوستاذ تعجب!! شهاد القوادة كي درتي ليها؟ فجاوبو البرهوش"لاحظت بلي 0+100 و 1+99 و 2+98 و ...49+51 كلها تتساوي 100..عندي 50 زوج نضربهم ف 100 هي 5000 نزيد ديد 50 لي شاطت بين"49 و 51" هي 5050" هنا الأستاذ فهم بلي البرهوش غا يرسم التاريخ ديال علم الحساب، عاونو وعطاه كتيبات باش يزيد يقرا..جاوس كبر وخدا الدكتوراه سنة 1799 من جامعة هيلمشادت.جاوس نجح ف اكتشاف طبيعة الأعداد الأولية و قدر يطور مفهوم الأعداد المركبة ولي عاونات بزاف العساكر فيما بعد فداكشي د التشفير..ويمكن الجزم أنو ألمانيا ف الحرب العالمية 2 كانت تخرج من الدور اللول كيف تنقولو كون مكانش جاوس صاغ كيفية توزيع الأعداد الأولية..جاوس عندو شي قوادة آخرى ف علم الفلك و الإحصاء و الجيوديسيا و الهندسة التفاضلية، وايني طولت نحبس هنا براكة!

على أي، الفقر ممكن تستغلو ك حافز..و الرياضيات للجميع ليست فقط للنجباء!
بقلم :
Abdelhaq Lahlal

فشل روسيا أتناء الحرب الباردة

 

ﺃﺛﻨﺎﺀ ﺍﻟﺤﺮﺏ ﺍﻟﺒﺎﺭﺩﺓ ﺣﺎﻭﻟﺖ ‫‏ﺍﻟﻮﻻﻳﺎﺕ_ﺍﻟﻤﺘﺤﺪﺓ_ﺍﻷﻣﺮﻳﻜﻴﺔ‬ ﻭ ‫ﺍﻹﺗﺤﺎﺩ_ﺍﻟﺴﻮﻓﻴﺎﺗﻲ‬ ﺇﺧﻔﺎﺀ ﻓﺸﻠﻬﻤﺎ ﻓﻲ ﺑﻌﺾ ﺍﻷﻣﻮﺭ ﺳﻮﺍﺀﺍ ﻋﻠﻤﻴﺔ ﺃﻭ ﻋﺴﻜﺮﻳﺔ ﻣﻨﻬﺎ ﻣﺤﺎﻭﻟﺔ ‫‏ﺍﻟﺮﻭﺱ‬ ﺍﻟﻮﺻﻮﻝ ﺇﻟﻰ ﺍﻟﻘﻤﺮ ﻋﺎﻡ 1959 ﻣﻤﺎ ﺟﻌﻠﻬﺎ ﺗﻜﺘﻔﻲ ﻓﻘﻂ ﺑﺈﺭﺳﺎﻝ ‫‏ﻳﻮﺭﻱ_ﻏﺎﻏﺎﺭﻳﻦ‬ ﻟﻠﺪﻭﺭﺍﻥ ﺣﻮﻝ ﺍﻷﺭﺽ ﺳﻨﺔ 1961، ﻟﻜﻦ ﻗﺒﻞ ﺫﻟﻚ ﻓﻲ ﺷﻬﺮ ﻓﺒﺮﺍﻳﺮ ﻣﻦ ﻧﻔﺲ ﺍﻟﻌﺎﻡ ﻛﺎﻥ ﺍﻟﺴﻮﻓﻴﺎﺗﻴﻮﻥ ﻗﺪ ﺃﺭﺳﻠﻮﺍ ﺇﺛﻨﺎﻥ ﻣﻦ ﺍﻟﺮﻭﺍﺩ ﻟﻠﺘﻮﺟﻪ ﺇﻟﻰ ﺍﻟﻘﻤﺮ ﺳﺮﺍ ﻛﺘﺤﺪ ﻟﻤﻨﺎﻓﺴﺘﻬﺎ ﺍﻟﻮﻻﻳﺎﺕ ﺍﻟﻤﺘﺤﺪﺓ .. ﺍﻟﻤﺸﻜﻠﺔ ﺍﻟﺘﻲ ﻭﻗﻌﺖ ﺃﻥ ﺍﻟﺮﺍﺋﺪﺍﻥ ﻭﺍﺟﻬﺎ ﺃﻋﻄﺎﺑﺎ ﻏﻴﺮ ﻣﺘﻮﻗﻌﺔ ﺃﺛﻨﺎﺀ ﺍﻟﺮﺣﻠﺔ ﻣﻤﺎ ﺃﺩﻯ ﻹﻧﻘﻄﺎﻉ ﺍﻟﺒﺚ ﻣﻊ ﺍﻷﺭﺽ، ﻣﻦ ‫‏ﺇﻳﻄﺎﻟﻴﺎ‬ ﺗﻢ ﺍﻟﺘﻘﺎﻁ ﺻﺮﺧﺎﺕ ﻧﺠﺪﺓ ﻣﻦ ﻋﻠﻤﺎﺀ ﻓﻠﻚ ﻋﺮﻓﻮﺍ ﻻﺣﻘﺎ ﺃﻧﻬﺎ ﺁﺗﻴﺔ ﻣﻦ ‫‏ﺍﻟﻔﻀﺎﺀ‬ ﺑﺎﻟﻠﻐﺔ ‫‏ﺍﻟﺮﻭﺳﻴﺔ‬، ﻗﺎﻣﻮﺍ ﺑﺘﺴﺠﻴﻞ ﺍﻟﺤﺪﻳﺚ ﺍﻟﻮﺍﺭﺩ ﻓﻴﻬﺎ ﻭﻫﻮ " ﺍﻟﻈﺮﻭﻑ ﻫﻨﺎ ﺳﻴﺌﺔ ﺟﺪﺍ، ﻟﻤﺎﺫﺍ ﻻ ﺗﺠﻴﺒﻮﻥ ؟ ﻧﺤﻦ ﻓﻲ ﺧﻄﺮ، ﺷﻲﺀ ﻣﺎ ﻳﻘﺘﺮﺏ ﻣﻨﺎ " ﻫﻨﺎ ﻳﺘﻮﻗﻒ ﻛﻼﻡ ﺃﺣﺪ ﺍﻟﺮﻭﺍﺩ ﻭﻋﻠﻰ ﻋﺠﻞ ﺗﻮﺟﻪ ﺑﻌﺾ ﺍﻹﻳﻄﺎﻟﻴﻴﻦ ﺇﻟﻰ ‫#‏ﻣﻮﺳﻜﻮ‬ ﻹﺧﺒﺎﺭ ﺍﻟﻤﺴﺆﻭﻟﻴﻦ ﺑﺎﻷﻣﺮ، ﺣﻴﺚ ﻳﺒﺪﻭ ﺃﻥ ﺭﻭﺳﻴﺎ ﻗﺪ ﺗﺨﻠﺖ آنذاك ﻋﻦ ﺭﻭﺍﺩﻫﺎ ﻋﻤﺪﺍ ﻭ ﺍﻟﺘﻲ ﺭﻓﻀﺖ ﺍﻟﻜﺸﻒ ﻋﻦ ﻫﻮﻳﺘﻬﻤﺎ ﻟﻴﺒﻘﻰ ﻣﺼﻴﺮﻫﻤﺎ ﻣﺠﻬﻮﻻ ﻋﻠﻰ ﺍﻟﻘﻤﺮ ﺃﻭ ﻓﻲ ﻣﻜﺎﻥ ﻣﺎ ..

القيمة ديال المرأة المغربية

 
فبلادي كامرأة مكنتذكر قيمتي "أتذكر فقط ولا أحس" حتى كيقرب تاريخ 8 مارس' يوم عالمي للمرأة ' فبلادي كلشي مرتبط بالمناسبات مع اقتراب كل مناسبة تبدأ حملات التبجيل الشفوي طبعا و حملات الخطابات التلفزية و البرامج التلفزية و الإذاعية و عيد المرأة واحد من التواريخ المهمة التي لا "يفلتها" الإعلام لتزين البرامج بالشرائط الزهرية و الفانيدية و الفقرات النسائية المحضة تصيبني بتخمة حتى يخيل لي انه في بلادي المرأة تعامل كمرأة فعلا. لكن وبمجرد ان اطفأ الجهاز الصندوقي اللعين "التلفزة" و اتخلص من ذبذبات قنوات الصرف الصحي و اخرج "طبعا لداعي ملح" إلى الخارج اصاب بفصام دماغي حاد لانه لا يوجد أدنى مستوى للتوافق بين مايطبل و يزمر به الإعلام "خلال الاسبوع فقط" و الواقع المعاش، اصدم جدا لان جل الحقوق التي يعيدونها و يكررونها الحقوقيات و الحقوقييون و اصحاب السلطة و المركز و المكانة التي يجب ان تحتلها المرأة المغربية لانها صبارة و مرا و گادة و كذا لا نلمسها في الواقع،.
فقط عندما افتح باب منزلنا و قبل ان تطأ قدمي الخارج اول صوت من الاحتمال جدا ان اسمعه هو صوت المنبعث من منزل الجيران ليس صوت المذياع و انما صوت صياح جارتي من ألم تعنيف زوجها لها نعم في التلفاز "لا للعنف" و ذلك نفسه الذي يجرم العنف غالبا هو أول المعنغين لزوجته، مفارقات عجيبة!!
احاول ان انسى الواقعة انها زوجته لا يحق لي التدخل كنزيد بضع أميال و اذا بي أرى شابان "كوبل" في مقتبل العمر الشاب بصدد تعنيف الفتاة و نعتها بابشع النعوت حتى يخيل لي انه مستحيل ان يكونا معا لا بد انه سارق سوف اتدخل لكنها تبتسم لا توجد أدنى علامات الاستياء!!!لن اتدخل انها مسائل خاصة لكن في وطني و في اسبوع المرأة تعنف الفتاة لفظيا و اجزم ان اي واحد من لن يقول الا "تستاهل هي لاش خارجة معاه" مجتمعي الجميل تغيب فيه الانسانية و يطغى فيه الفصام.
رحلتي لا تنتهي عند المسائل العلاقاتية ففي نفس المكان التقي طفلة في عمر الزهور تبيع "كلينيكس و المسكة" يا الهي الا يفترض في هذا الوقت ان تكون فلقسم مع اقرانها و لو انه لا يوجد لا قسم و لا تعليم "موضوع آخر" اقتربت مني راجية ان اشتري من بضاعتها قلت لها "فين ماماك قاتلي راهي جالسة و انا و اختي كنبيعو" جالسة!! نعم جالسة تستغل بناتها اشد استغلال "هادي بناتها كتستغلهم اش خلات للبراني" ياه يا مجتمعي ما احلاك رحلتي لا تنتهي هنا فكل الذي سبق كوم "كيف خلاوها المصربين" و منظر ديال امرأة مسنة تتسول كوم تتسول و قد اتعب الزمن ملامحهاالزمن، في كل تجعيدة من تجاعدها هناك حكاية لو استلهم منها كويلو قصصه لاحبه المغاربة. اتوقف عند هذا المنظر و استرجع الشريط نحو ساعتين قبل و اتذكر التلفاز و الهراء و الرجال المكستمين و النساء المتعطرات والخطابات و اللون الوردي وهتافات حقوقي حقوقي تجري في عروقي و المقولة البليدة المرأة نصف المجتمع بل المجتمع كله و العنف و التسول والهدر المدرسي و التحرش و الاغتصاب و الذعارة الاستغلال و و و و الواوات كثيرة و اتذكر ايضا انه نفس التلفاز الذي يبت حملات تبجيل نسائية في الصباح هو نفسه الذي يمثل لنا المرأة انها لا تصلح لشيء و لا تتعدى ادوارها ان تكون الة تلبي كل ما يطلبه الرجال.
و لا يسعني بعدها الا ان اقول ايييه يا مجتمعي مزيناتك

كيفاش تولي مضيفة طيران ؟

 

عندك 21 عام ؟

 كاين الطول و الفصالة؟

عندك ثقه لي تأهلك طير؟

 هالو! كدوي بالإنجليزية فيري غود؟ 

اشنو كاتساين 

الحلم ديالك تخدم مع شركة طيران بحال الإماراتية، القطرية ولا الإتحادية؟  

بادن الله ايقدر ايتحقق الحلم ديالك أول جادة اتديرها دخل هنا : www.cabincrew.com  غادي تلقى فيه الإعلانات لي كتخص بتاريخ لكنكور وفين غادي يدوز. غادي يخصك دفع اونلاين صورة ديال لباسبورت صغيرة، و صورة كبيرة واقف فيها، أولابس لباس بروفسيونيل ماشي فوتو دبروفيل ديال فيسبوك. متنساش تصاوب CV بالإنجليزية بش تصيفتو مع تصاور قبل ميوصل آخر أجل للتسجيل أوتصيد. نهار يقرب لكنكور غادي يوصلك ايميل من طرف شركة لي صيفتي لها بش دوز لونترتيان. وخى ميصفتوش ليك قيد عندك تاريخ فاش غادي يجيو أوفين غيكونو أوسير جبهة. 

متنساش تدي معك فوتوكوبي ديال لباسبورت، CV بالانجليزية ودوك جوج تصاور وحدة ديال وجهك صغيرة أو وحدة واقف لابس قميجة بيضة، وسروال زرق ولا كحل مغلوق وصبات كلاس،حسن وجهك قبل متصور بلاش من تشويكة، وحتى ديك لحية لكتربي فيها من رمضان ديال داك لعام باش طيح بها تيتز حسنها. البنت لبسي صاية كحلة ولا زرقة متكونش قصيرة بزاف، أو سروال كلاس، و قميجة فشي لون زوين مفيهاش زوقات، متكتريش صباغة فوجهك. ديري مكياج خفيف ظريف، و شعرك جمعيه أولبسي صبات دومي طلون أوبصحة التصويرة.

ضروري تمشي فالوقت نهار لانترفيو، أول حاجة غادي تلقى شي 3 ولا 4 ديال تيتزات وحدة فيهم غادي تسولك علاش خترتي تخدم معاهم، و اشنو كدير فحياتك، و شنو هي لحاجة ليغادي اقدر تنفعهم بها، غادي يسولوك على شركة ديالهم حاول تعرف عليهم معلومات قبل مدوز شفوي. غادي يسولوك عوتاني على شي مشكل وقع ليك فخدمتك كيفاش حلليتيه. حاول ميبانش عليك التوثر، جاوب ونت كتشوف ليها فعينها، متحركش يديك بزاف. إلا معمرك وقع لك شي مشكل فلخدمة تخيل شي موقف متلاً: شي كليان فراع كيفاش تعاملتي معاه ولا شي تويشية كيفما كانت تضمن لك دوز لمتحان الكتابي.

غالباً إلا نجحتي ف شفوي غادي يقولوها لك ديك ساع. إلا كان عندك مع الانجلش راه الكتابي ساهل ماهل، فيه نص و اسئلة ديالو، grammar فيها إختر الجواب الصحيح، و جمل مفرقين ترتبهم باش يكتمل النص. أورايتين تكتب على شي موضوع من اختيارهم. حاولوا تبداو بيه هو لوال راه مهم. هادشي كامل غير باش يشوفوا وش كتكتب بلإنجليزية مزيان ولا غي جبهة. ضروري كيديرو ليك تيست يشوفوا واش تقدر توصل 212cm بيديك ولا مفيديكش.

منورا الكتابي كتبدا الصفاية، لي منجحوش فالكتابي كيخرجوا فحالهم. دوك لي بقاو غادي يطلبوا منهم يخدموا فمجموعات، أويعطيوهم موضوع يتناقشوا فيه. حاول تبان بلي منسجم مع المجموعة ديالك. ويلا شي حد عطا رأي ديالو و ماعجبكش وبغيتي تجاوبو قوليه جوابك كان مزيان و ضحك.... ماشي أنا ممتافقش معاك وتخرج فيه عينيك. خليه حتى يسالي، ومتقاطعش شي حد، بان زوين ومصواب الله يرضي عليك. عوتاني غادي تبدا صفاية ههههه لي مدازوش لأنترفيو فينال مساكن غادي يشريوه.

وصلنا للمرحلة قبل الأخيرة، غادي يديرو ليكم فيديو يشرحو ليكم فيه كيفاش كيدوز ستاج ومراحل التوضيف، إلا سولوك واش عندك شي سيكتريس جاوبهم بلا حرج قوليهم فين، غادي تعمر شي وراق فيهم معلومات عليك، وحتى إلا عندك تاتواج صرح بيه. دبا على سلامتنا آخر مرحلة لي هي الانترفيو فينال. غادي يسولوك عوتاني علاش ختريتهم؟ اقدر يسولوك من CV ديالك على شي خدمة خدمتيها قبل؟ المواقف الصعيبة لي وقعتي فيها؟ شنو هي نقاط الضعف القوه ديالك؟ قنعهوم علاش غادي يخدموك أبو راس؟ صافي تيقولو ليك باي باي.

من بعد غادي يصيفتو ليك ايميل فيه مبروك راك جتزتي لمراحل كلها بنجاح. ولكن هذا مكيعنيش راك قطعتي الواد أنشفو رجليك.. مازال كاينين إجراءات خرين، ويلا عندك شي خدمة شد فيها حتى تضمن بلاصتك معاهم. بون شونس.